ജീവയുടെ നായിക ആകാന്‍ ഒരുങ്ങി കാവ്യ.. എങ്കില്‍ ഈ പൊന്നോമനയെ ജീവ വേണ്ടെന്ന് വയ്ക്കുമോ?

ഏഷ്യാനെറ്റില്‍ സംപ്രേക്ഷണം ചെയ്യുന്ന ജനപ്രിയ സീരിയലാണ് കസ്തൂരിമാന്‍. കാവ്യയുടെയും ജീവയുടെയും പ്രണയവും ദാമ്പത്യവുമാണ് സീരിയലിന്റെ ഇതിവൃത്തം. കുടുബബന്ധങ്ങളിലെ പ്രശ്നങ്ങളിലൂടെ മുന്നേറുന്ന സീരിയല്‍ അതിന്റെ പുതുമ കൊണ്ട് തന്നെ ഏറെ പ്രേക്ഷകരെയാണ് ആകര്‍ഷിക്കുന്നത്. അതേസമയം ഇപ്പോള്‍ സീരിയലില്‍ ജീവയുടെ അനിയന്‍ ശിവ വീണ്ടും ശത്രുപക്ഷത്തേക്ക് കൂടുമാറിയത് പ്രേക്ഷകരെ ആശങ്കയിലാഴ്ത്തിരിക്കയാണ്. അതേസമയം കാവ്യ ഗര്‍ഭിണിയാകുന്നതും ഒരു പൊന്നൊമന കുഞ്ഞിന് ജന്‍മം നല്‍കുമെന്നും സൂചിപ്പിക്കുന്ന പ്രമോ പുറത്തുവന്നതോടെ പ്രേക്ഷകര്‍ സന്തോഷത്തിലായിരിക്കയാണ്.

വളരെ കുറച്ചു നാളുകള്‍ കൊണ്ടാണ് ഏഷ്യാനെറ്റില്‍ റേറ്റിങ്ങില്‍ മുന്നിലെത്തിയ സീരിയലാണ് കസ്തൂരിമാന്‍.സീരിയലില്‍ കാവ്യയായി വേഷമിടുന്നത് റബേക്ക സന്തോഷും ജീവയായി വേഷമിടുന്നത് ശ്രീറാം രാമചന്ദ്രനുമാണ്. സീരിയലിലെ ഒരോ കഥാപാത്രങ്ങളെയും പ്രേക്ഷകര്‍ ഏറ്റെടുത്തു കഴിഞ്ഞു. കാവ്യയുടെയും ജീവയുടെയും ദാമ്പത്യവും ഇവരുടെ ജീവിതത്തില്‍ ശത്രുക്കളുണ്ടാക്കുന്ന പ്രശ്‌നങ്ങളുമാണ് സീരിയലിനെ മുന്നോട്ട് നയിക്കുന്നത്. സീരിയലിലെ പ്രധാന വില്ലത്തി നായകന്‍ ജീവയുടെ രണ്ടാനമ്മ ഇന്ദിരാഭായി ആണ്. ഇവര്‍ക്കൊപ്പം ഇവരുടെ മകള്‍ ശിവാനിയും ജീവയുടെ മുന്‍കാമുകി നീതുവുമുണ്ട്. ഈ സംഘത്തിലേക്കാണ് ഇപ്പോള്‍ ജീവയുടെ അര്‍ദ്ധ സഹോദരന്‍ ശിവയും കൂടി എത്തിയിരിക്കുന്നത്.ഇവര്‍ ഒന്നിച്ച് ഇപ്പോള്‍ കാവ്യയെ കുടുക്കാനും സ്വത്തുകള്‍ തട്ടിയെടുക്കാനുമായി തന്ത്രങ്ങള്‍ മെനയുകയാണ്. ഇതൊടെയാണ് ഇനി എന്താവുമെന്ന് ആകാംഷയോടെ പ്രേക്ഷകര്‍ കാത്തിരിക്കുന്നത്.

അതേസമയം ജീവയൊടൊപ്പം നായികയായി അഭിനയിക്കാന്‍ കാവ്യയെ ചിത്രത്തിന്റെ സംവിധായകന്‍ നിര്‍ബന്ധിക്കുന്നുണ്ട്. ഇതിന് കാവ്യ സമ്മതിക്കുമെന്നാണ് പ്രമോയില്‍ കാണിക്കുന്നത്. അതേസമയം കാവ്യ തലകറങ്ങി വീഴുന്നതും ഹോസ്പിറ്റലില്‍ ആകുമ്പോള്‍ ഗര്‍ഭിണിയാണെന്ന് അച്ഛമ്മ  ജീവയോട് പറയുന്നു. ഇതൊടെ ഈശ്വരമഠത്തില്‍ എല്ലാവരും സന്തോഷിക്കുന്നതും പിണങ്ങിപോയ കീര്‍ത്തിയും സിദ്ധുവും തിരികേയെത്തുന്നതായും പ്രമോയിലുണ്ട്. എന്നാല്‍ ഈ സന്തോഷം അധികകാലം നീണ്ടുനില്‍ക്കില്ലെന്നും സിനിമയില്‍ നായികയാവാനുള്ള കരാര്‍ ഉള്ളതിനാല്‍ തന്നെ കാവ്യ ഗര്‍ഭിണിയായാല്‍ വന്‍ തുക നഷ്ടപരിഹാരം കൊടുക്കേണ്ടിവന്നേക്കും. ഇതൊടെ കുഞ്ഞ് വേണോ നായിക ആവണോ എന്നുള്ള സംഘര്‍ഷത്തിലാകും ജീവിയും കാവ്യയും ഉടന്‍ എന്ന സൂചനകളും അണിയറ പ്രവര്‍ത്തകര്‍ നല്‍കുന്നുണ്ട്. അതൊടെ പുതിയ വഴിത്തിരിവിലെത്തുന്ന കസ്തൂരിമാന്റെ വരും എപിസോഡുകള്‍ കാണാന്‍ പ്രേക്ഷകര്‍ കാത്തിരിക്കയാണ്.

---