നടി സുരഭി സന്തോഷിനെ താലി ചാര്‍ത്തിയത് ബോളിവുഡ് ഗായകനായ മലയാളി; കുട്ടനാടന്‍  മാര്‍പ്പാപ്പയിലൂടെ ശ്രദ്ധേയേയായ നടിയുടെ വിവാഹ ചിത്രങ്ങള്‍ സോഷ്യല്‍മീഡിയയില്‍

പ്രശസ്ത നടി സുരഭി സന്തോഷ് വിവാഹിതയായി. ബോളിവുഡ് ഗായകനും മലയാളിയുമായ പ്രണവ് ചന്ദ്രനാണ് വരന്‍.  മുംബയില്‍ ജനിച്ചുവളര്‍ന്ന  പയ്യന്നൂര്‍ സ്വദേശിയായ പ്രണവ് സരിഗമ ലേബലിലെ ഗായകനാണ്. കോവളത്ത് ലളിതമായ ചടങ്ങുകളോടെയായിരുന്നു വിവാഹം. വിവാഹത്തിന്റെ ചിത്രങ്ങള്‍ താരം തന്നെയാണ് ഇന്‍സ്റ്റഗ്രാമില്‍ പങ്കുവച്ചത്..

കഴിഞ്ഞ നവംബറിലാണ് പ്രണവിന്റെയും സുരഭിയുടെയും വിവാഹ നിശ്ചയം നടന്നത്.കുഞ്ചാക്കോ ബോബന്‍ നായകനായ കുട്ടനാടന്‍ മാര്‍പ്പാപ്പയിലൂടെയാണ് സുരഭി സന്തോഷ് ശ്രദ്ധ നേടുന്നത്. 
നായികയുടെ അനിയത്തിയായിട്ടായിരുന്നു സുരഭി സന്തോഷ് ചിത്രത്തില്‍ വേഷമിട്ടത്. ആപ് കൈസാ ഹോ എന്ന ചിത്രത്തില്‍ ധ്യാന്‍ ശ്രീനിവാസനൊപ്പവും സുരഭി സന്തോഷ് കഥാപാത്രമായി തിളങ്ങി. കന്നഡയില്‍  ദുഷ്ടാ എന്ന ഒരു സിനിമയിലൂടെയും അരങ്ങേറിയ സുരഭി സന്തോഷ് നിരവധി കഥാപാത്രങ്ങളായി മലയാളത്തില്‍ ശ്രദ്ധയാകര്‍ഷിച്ചിട്ടുണ്ട് .

സുരഭി സന്തോഷിന്റേതായി ത്രയം എന്ന സിനിമ പ്രദര്‍ശനത്തിനെത്താനുണ്ട്. ധ്യാന്‍ ശ്രീനിവാസനും സണ്ണി വെയ്‌നിനുമൊപ്പം ചിത്രത്തില്‍ അജു വര്‍ഗീസും നിര്‍ണായക വേഷത്തില്‍ ഉണ്ട്. സഞ്ജീവ് ചന്ദ്രസേനനാണ് ത്രയത്തിന്റെ സംവിധാനം. പല കാരണങ്ങളാല്‍ വൈകുന്ന ത്രയത്തിന്റെ തിരക്കഥ അരുണ്‍ കെ ഗോപിനാഥന്‍ ആണ്.

ഇന്ദ്രജിത്ത് നായകനായി വേഷമിടുന്ന ഒരു ചിത്രമായ അനുരാധ ക്രൈം നമ്പര്‍ 59/2019ലും കഥാപാത്രമായി സുരഭി സന്തോഷ് എത്തുന്നുണ്ട്. നായികയാകുന്നത് അനു സിത്താരയാണ്. സംവിധാനം ഷാന്‍ തുളസീധരനാണ് നിര്‍വഹിക്കുന്നത്. ജോസ് തോമസും ഷാന്‍ തുളസീധരനും തിരക്കഥയെഴുതുമ്പോള്‍ ഹരിശ്രീ അശോകന്‍, ഹരീഷ് കണാരന്‍, രമേഷ് പിഷാരടി, രാജേഷ് ശര്‍മ്മ, സുനില്‍ സുഗദ, അജയ് വാസുദേവ്, സുരഭി ലക്ഷ്മ, സുരഭി സന്തോഷ്, ബേബി അനന്യ, മനോഹരി ജോയ് എന്നിവരും നിര്‍ണായ വേഷങ്ങളിലെത്തി ഗാര്‍ഡിയന്‍ ഏഞ്ചല്‍, ഗോള്‍ഡന്‍ എസ് പിക്‌ചേഴ്‌സ് എന്നിവയുടെ ബാനറില്‍ നിര്‍മിക്കുന്നു.