ബോളിവുഡ് നടന് സല്മാന് ഖാന്റെ ഒരു വീഡിയോ സോഷ്യല്‍ മീഡിയയില്‍ ട്രെന്‍ഡിങ് ആണിപ്പോള്‍. വാരിയെല്ലിന് പരിക്കുപറ്റിയതിനെ തുടര്‍ന്ന് ആരോഗ്യസ്ഥിതി മോശമായ സല്മാന്, ഒരു പൊതു പരിപാടിയില്‍ പങ്കെടുക്കുന്നതിനിടെ എഴുന്നേല്‍ക്കാന്‍ ബുദ്ധിമുട്ടുന്ന വീഡിയോയായാണ് സോഷ്യല്‍ മീഡിയയില്‍ വ്യാപകമായി പ്രചരിച്ചുകൊണ്ടിരിക്കുന്നത്.
വീഡിയോയ്ക്ക് പിന്നാലെ താരത്തിന് വാരിയെല്ലിന് പരിക്കേറ്റതായാണ് പുറത്തുവരുന്ന റിപ്പോര്‍ട്ടുകള്‍.ഗണേഷ് ചതുര്‍ഥി ആഘോഷവുമായി ബന്ധപ്പെട്ടുള്ള ചടങ്ങിനാണ് താരം എത്തിയത്. പരിപാടിയില്‍ ഇരിക്കുമ്പോള്‍ തന്നെ താരം വേദനകൊണ്ട് പുളയുന്നതു കാണാം.
താരത്തെ ചടങ്ങിലേക്ക് ക്ഷണിക്കുന്നതിനിടെ സല്മാന് പരിക്കേറ്റതിനെക്കുറിച്ച് മഹാരാഷ്ട്ര മുന്‍ മുഖ്യമന്ത്രി ദേവേന്ദ്ര ഫഡ്നാവിസിന്റെ ഭാര്യ അമൃത ഫഡ്നാവിസ് പറയുന്നുണ്ട്
ഇന്ന് അദ്ദേഹത്തിന് പരിക്കേറ്റു. സുഖമില്ലാതിരിക്കുമ്പോഴും അദ്ദേഹം എത്തി. പ്രകൃതിയോടുള്ള അദ്ദേഹത്തിന്റെ പ്രതിജ്ഞാബദ്ധതയാണ് ഇതിലൂടെ വ്യക്തമാക്കി. വളരെ നന്ദി.- എന്നാണ് അമൃത പറഞ്ഞ്. പിന്നാലെ സീറ്റില്‍ നിന്ന് എഴുന്നേല്‍ക്കാന്‍ താരം ബുദ്ധിമുട്ടാണ് കാണുന്നത്.
പുതിയ ചിത്രം സികന്ദറിന്റെ ഷൂട്ടിങ്ങിനിടെയാണ് താരത്തിന് പരിക്കേറ്റത് എന്നാണ് വിവരം. വിഡിയോ വൈറലായതോടെ നിരവധി പേരാണ് ആശങ്ക പങ്കുവച്ചത്. താരം വേഗം സുഖം പ്രാപിക്കട്ടെ എന്ന കമന്റുകളുമായി നിരവധി ആരാധകരാണ് എത്തുന്നത്. പരിക്കേറ്റിരിക്കുമ്പോള്‍ പരിപാടിയില്‍ പങ്കെടുക്കുന്നതിനെ വിമര്‍ശിക്കുന്നവരുമുണ്ട്.
Premium Lifestyle and Entertainment website
സത്യസന്ധരായ നക്ഷത്രക്കാര്‍ ഇവരാണ്
പ്രൊഫഷണലുകളെ ലക്ഷ്യമിട്ട് ലെനോവോയുടെ പുതിയ ടാബ്ലെറ്റും ലാപ്‌ടോപ്പും