ആകാശ് അംബാനിക്കും ശ്ലോക മേത്തയ്ക്കും ആണ്‍കുഞ്ഞ്; അംബാനി കുടുംബം ആഘോഷത്തില്‍

അംബാനി കുടുംബത്തിലെ പുതിയ അതിഥിയുടെ ചിത്രം പുറത്ത് മുകേഷ് അംബാനി പേരക്കുട്ടിയെ എടുത്ത് നില്‍ക്കുന്ന ചിത്രം ശ്ലോക ഇന്‍സ്റ്റഗ്രാമില്‍ പങ്കുവച്ചതോടെ സമൂഹമാധ്യമങ്ങളില്‍ വൈറലായി. മുകേഷ് അബാനിയുടെയും നിത അംബാനിയുടെയും മൂത്ത മകന്‍ ആകാശ് അംബാനിക്കും ഭാര്യ ശ്ലോകയ്ക്കുമാണ് ആണ്‍കുഞ്ഞ് പിറന്നത്. മുംബൈയിലെ ആശുപത്രിയില്‍ അമ്മയും കുഞ്ഞും സുഖമായിരിക്കുന്നു.

മുകേഷ് അംബാനിയും നിത അംബാനിയും ആദ്യത്തെ പേരക്കുട്ടി ജനിച്ചതിന്റെ സന്തോഷത്തിലാണെന്നും അംബാനി, മേത്ത കുടുംബങ്ങളില്‍ ആഘോഷങ്ങള്‍ക്ക് തുടക്കമായതായും റിലയന്‍സ് ഗ്രൂപ്പ് വാര്‍ത്താ കുറിപ്പിലൂടെ അറിയിച്ചു. 2019 മാര്‍ച്ച് 9ന് ആയിരുന്നു ആകാശ് അംബാനിയും റോസി ബ്ലൂ ഡയമണ്ട്സ് ഉടമ റസല്‍ മേത്തയുടെ മകളുടമായ ശ്ലോകയും വിവാഹിതരായത്. ധിരുഭായ് അംബാനി ഇന്റര്നാഷണല് സ്‌കൂളില് ഒരുമിച്ച് പഠിച്ചവരാണ് ഇരുവരും. കുട്ടിക്കാലംമുതലെ സൃഹൃത്തക്കളുമായിരുന്നു. ഇന്ത്യയിലെ ആഡംബര വിവാഹങ്ങളില്‍ ഒന്നായിരുന്നു ഇത്.

അംബാനി കുടുംബത്തിലെ എല്ലാ വിശേഷങ്ങളും വൈറലാകാറുണ്ട്. ആഡംബരത്തിന്റെ അവസാനവാക്കായിട്ടാണ് അംബാനി കുടുംബത്തിലെ ഓരോ ആഘോഷവും നടത്താറുണ്ട്. കഴിഞ്ഞ ദിവസം അംബാനി കുടുംബം ലണ്ടനില്‍ രാധിക മര്‍ച്ചന്റിന്റെ പിറന്നാള്‍ ആഘോഷിച്ചത് വാര്‍ത്തയായിരുന്നു. വലിയ നിലകളുളള ആഡംബരകേക്കാണ് ആഘോഷത്തിനായി ഒരുക്കിയത്. ഇപ്പോള്‍ കുടുംബത്തിലേക്ക് ആദ്യത്തെ പേരക്കുട്ടി എത്തിയ സന്തോഷമാണ് അംബാനി കുടുംബം ആഘോഷമാക്കുന്നത്.