പിതാവിന്റെ ദുഷ്ടതകള്‍ ശ്രീനിയോട് പങ്ക്‌വെച്ച് ഷിയാസ്; താന്‍ മോഡലിംഗിലേക്ക് വരാതിരിക്കാനായി ശ്രമം നടത്തി; ഉമ്മയെ ഉപേക്ഷിച്ചു മറ്റൊരു വിവാഹം ചെയ്തു; കണ്ണുനിറഞ്ഞ് ബിഗ്ബോസ് അംഗങ്ങള്‍

ഏഷ്യാനെറ്റില്‍ സംപ്രേക്ഷണം ചെയ്യുന്ന ബിഗ്ബോസിലെ എല്ലാ മത്സാര്‍ഥികളും പ്രേക്ഷകരുടെ ഇഷ്ടതാരങ്ങളായി മാറിയിരിക്കുകയാണ്. ഇവരെ പലരും സ്വന്തം വീട്ടിലെ കുട്ടികളായിട്ടോ അനിയനോ അനിയത്തിയോ ഒക്കെയായിട്ടാണ് കാണുന്നത്. അതുപോലെ ഇവരുടെ പ്രശ്നങ്ങളും ഇപ്പോള്‍ തങ്ങളുടെ പ്രശ്നങ്ങളായിട്ടാണ് പലരും ഏറ്റെടുക്കുന്നത്. അതേസമയം ഷിയാസ് ഇന്നലെ തന്റെ വാപ്പയെ കുറിച്ച് ശ്രീനിയോട് പറഞ്ഞത് പ്രേക്ഷകരെ ഞെട്ടിക്കുകയും സങ്കടത്തിലാഴ്ത്തുകയും ചെയ്തു.

മോഡലിങ്ങ് മേഖലയില്‍ സജീവ സന്നിധ്യമായിരുന്നെങ്കിലും ബിഗ്‌ബോസില്‍ മത്സരത്തിനെത്തിയതോടെയാണ് ഷിയാസിനെക്കുറിച്ച് ജനങ്ങള്‍ അറിയുന്നത്. പ്രേക്ഷകര്‍ക്ക് ഷിയാസിനെ അത്ര ഇഷ്ടമായിരുന്നില്ലെങ്കിലും പതിയെ ഷിയാസ് എല്ലാവരുടെയും പ്രിയങ്കരനായി മാറി. ഇന്നലെയാണ് ശ്രീനീഷുമായുളള സംസാരത്തിനിടെ തന്റെ വാപ്പയെപറ്റി ഷിയാസ് പറഞ്ഞത്. രണ്ടു വര്‍ഷങ്ങള്‍ക്കു മുമ്പ് വാപ്പ ഉമ്മയെ ഉപേക്ഷിച്ചു പോയതാണെന്നും സുഖവും സന്തോഷവും മാത്രമായിരുന്നു അദ്ദേഹം ആഗ്രഹിച്ചിരുന്നതെന്നും താരം സങ്കടത്തോടെ ശ്രീനിയോട് വെളിപ്പെടുത്തി. പിന്നീട് ഉപ്പ മറ്റൊരു വിവാഹം ചെയ്തതായും അതിനു ശേഷം ഉപ്പയെ വിളിച്ചിട്ടില്ലെന്നും ഷിയാസ് കൂട്ടിച്ചേര്‍ത്തു.

ജീവിതത്തില്‍ പല പ്രതിസന്ധികളും കടന്നാണ് മോഡലിങ്ങിലെക്ക് താന്‍ എത്തിയതെന്നും എന്നാല്‍ ഈ പ്രൊഫഷന് ഇഷ്ടമല്ലാത്തതിനാല്‍ വാപ്പ തന്നെ എതിര്‍ത്തതായും  താന്‍ മോഡലിംഗിലേക്ക് വരാതിരിക്കാനായി ശ്രമം നടത്തിയെന്നും ഷിയാസ് പറഞ്ഞു. എന്നാല്‍ അന്ന് തന്നെ നിരുത്സാഹപ്പെടുത്താനുള്ള വാപ്പയുടെ ശ്രമങ്ങളെ താന്‍ അവഗണിച്ചെന്നും അതിനാല്‍ താന്‍ ഇപ്പോള്‍ സന്തോഷവാനാണെന്നും ഷിയാസ് പറഞ്ഞു. വാപ്പ തന്നെ ഇപ്പോള്‍ ബിഗ്ഗ്ബോസിലൂടെ കാണുന്നുണ്ടാകുമെന്നും പ്രത്യാശ പ്രകടിപ്പിച്ച ഷിയാസ് ഒപ്പം, തന്നെ മറ്റുളളവര്‍ പറയുന്നതൊന്നുംതളര്‍ത്തില്ലെന്നും ആത്മവിശ്വാസത്തോടെ മുന്നോട്ടു പോകുമെന്നും കൂട്ടിച്ചേര്‍ത്തു. എല്ലാ കേട്ട ശ്രീനി ഷിയാസിനെ ആശ്വസിപ്പിക്കാനും മറന്നില്ല. മോഡലിങ്ങ് ആണ് ഷിയാസിനെ ബിഗ്ബോസ് വരെ എത്തിച്ചതും ലാലേട്ടനുമായി ഇടപെടാനുള്ള സാഹചര്യം ഒരുക്കിയതെന്നും പറഞ്ഞ ശ്രീനി തനിക്ക് ഷിയാസിനെ കുറിച്ച് അഭിമാനമുണ്ടെന്നാണ് മറുപടി നല്‍കിയത്.