അഭിനയത്തിന് പുറമെ ടെലിവിഷന്‍ ലോകത്തെ ജനപ്രിയ അവതാരകയായും തിളങ്ങി നില്‍ക്കുന്ന മീനാക്ഷി സോഷ്യല്‍ മീഡിയയിലും ഏറെ സജീവമാണ്. സോഷ്യല്‍ മീഡിയയിലൂടെ മീനാക്ഷി പങ്കുവയ്ക്കുന്ന പോസ്റ്റുകള്‍ക്ക് നല്‍കുന്ന ക്യാപ്ഷനുകളും അതിന് വരുന്ന കമന്റിന് താരം നല്‍കുന്ന മറുപടിയുമെല്ലാം ഏറെ ശ്രദ്ധനേടാറുണ്ട്. ക്യാപ്ഷന്റെ കാര്യത്തില്‍ രമേഷ് പിഷാരടിയുടെ അനിയത്തിയായി വരും മീനൂട്ടി എന്നാണ് സോഷ്യല്‍ മീഡിയയുടെ വിശേഷണം.
ഇപ്പോഴിതാ സോഷ്യല്‍ മീഡിയയില്‍ പങ്കിടുന്ന അഭിപ്രായങ്ങള്‍ക്ക് എന്നും പോസിറ്റീവ് റെസ്‌പോണ്‍സ് വരുമെന്ന് മാത്രം പ്രതീക്ഷിച്ചല്ല പോസ്റ്റുകള്‍ പങ്കിടാറുള്ളതെന്ന് പറയുകയാണ് മീനാക്ഷി അനൂപ്. താനൊരു പോസ്റ്റ് പങ്കിട്ടാല്‍ അത് ഇഷ്ടപെടുന്ന ഒരു കൂട്ടം ആളുകളുടെ ഇടയിലേക്ക് മാത്രമല്ല അതു തുറന്നു വിടാന്‍ പോകുന്നതെന്ന് എനിക്കറിയാം എന്നാണ് മീനാക്ഷി അനൂപ് പറയുന്നത്.
''എന്റെ അഭിപ്രായത്തില്‍ അങ്ങനെ ഒരു സേഫ് സോണ്‍ ഒന്നുമില്ല. അതൊക്കെ നമ്മള്‍ പുറത്തു നിന്ന് കാണുമ്പോള്‍ നമുക്ക് ഇങ്ങനെ ഫീല്‍ ചെയ്യുന്നതാണ്. നമ്മുടെ സൊസൈറ്റിയില്‍ റിലവന്റ് ആയിട്ടുള്ള ഒരു ഇഷ്യൂവിനെ പറ്റി ചോദിക്കുമ്പോള്‍ അതിനെപ്പറ്റി അഭിപ്രായം പറയാന്‍ താത്പര്യമുള്ള ആളായിരിക്കും ഞാന്‍. ഒരുപക്ഷേ എന്നെപ്പോലിരിക്കുന്ന ഇതേ ഫീല്‍ഡിലുള്ള മറ്റൊരാള്‍ അതിനു താത്പര്യമുള്ള ആളായിരിക്കില്ല. അവര്‍ പേടിച്ചിട്ടാണ് അതു പറയാത്തത് എന്ന് നമ്മള്‍ വിചാരിക്കുന്നതാണ് തെറ്റ്. ഇപ്പോ ഞാന്‍ ഇപ്പോള്‍ എന്തിനെപ്പറ്റിയെങ്കിലും അഭിപ്രായം പറഞ്ഞാല്‍, അല്ലെങ്കില്‍ എന്റെ സോഷ്യല്‍ മീഡിയയില്‍ എപ്പോഴും കാണുന്നതു പോലെയല്ലാത്ത ഒരു ഫോട്ടോ പോസ്റ്റ് ചെയ്യുന്നു. അത് പോസ്റ്റ് ചെയ്യുമ്പോള്‍ ആ മീനാക്ഷിക്ക് എവിടുന്ന് കിട്ടി ഇതിനുള്ള ധൈര്യം എന്ന് ചോദിക്കുന്നതിന്റെ അപ്പുറത്തേക്ക് ഞാന്‍ എന്ത് ചെയ്താലും ഇഷ്ടപെടുന്ന ഒരു കൂട്ടം ആളുകളുടെ ഇടയിലേക്കല്ല ഞാനിത് തുറന്നു വിടാന്‍ പോകുന്നത്, എന്ന് എനിക്ക് അറിയാം.
അതിനു രണ്ടുതരത്തിലുള്ള അഭിപ്രായങ്ങള്‍ ഉണ്ടാകും. വളരെ മോശമായി വിമര്‍ശിക്കുന്നവരും നന്നായി എന്ന് പറയുന്നവരും ഉണ്ടാകും. അങ്ങനെ പലതരത്തിലുള്ള അഭിപ്രായങ്ങളുമുണ്ടാകും. അതിനെ ഹാന്‍ഡില്‍ ചെയ്യാന്‍ എനിക്ക് താത്പര്യമാണെങ്കില്‍ മാത്രമേ ഞാന്‍ ഇത് പുറത്തേക്ക് വിടാന്‍ പാടുള്ളൂ. അതുമൂലം എനിക്ക് മാനസികമായിട്ടുള്ള ട്രോമ ഉണ്ടാകും എന്ന് എനിക്ക് തന്നെ അറിയാമെങ്കില്‍ ഞാന്‍ ഒരിക്കലും അത് പുറത്തു പറയരുത്.
കാരണം ഇങ്ങനെ ഒരു ഇന്റര്‍വ്യൂ കൊടുത്തതിന്റെ പേരില്‍ എനിക്ക് വീട്ടില്‍ പോയിരുന്നു 'അയ്യോ, എന്നെ ആള്‍ക്കാരൊക്കെ ഇങ്ങനെയാണോ കാണുന്നത് അല്ലെങ്കില്‍ ഞാന്‍ പുറത്തേക്ക് ഇറങ്ങുമ്പോള്‍ എന്നെ എല്ലാവരും ഇങ്ങനെ നോക്കുമോ' എന്നൊക്കെയുള്ള പ്രശ്‌നം ഉള്ള ആളാണെങ്കില്‍ അത് അറിഞ്ഞു വേണം ഒരു ഇന്റര്‍വ്യൂ കൊടുക്കാന്‍. നമ്മുടെ പേഴ്‌സണാലിറ്റി നമുക്കാണ് ഏറ്റവും നന്നായി അറിയുക. നമ്മള്‍ സോഷ്യല്‍ മീഡിയയില്‍ എന്തെങ്കിലും പോസ്റ്റ് ചെയ്യുമ്പോള്‍ നമ്മുടെ സൊസൈറ്റിയോടുള്ള ബിഹേവിയറും അറിഞ്ഞു വേണം ചെയ്യാന്‍. അല്ലാതെ പേടിച്ചിട്ടാവരുത്.
എനിക്ക് അത് ഹാന്‍ഡില്‍ ചെയ്യാന്‍ പറ്റില്ല അല്ലെങ്കില്‍ ഞാന്‍ അതിനു താത്പര്യപ്പെടുന്നില്ല എന്നുണ്ടെങ്കില്‍ ഞാന്‍ മിണ്ടാതിരിക്കുന്നതല്ലേ ഏറ്റവും നല്ലത്. ഞാനത് പറഞ്ഞതുകൊണ്ട് നാളെ ലോകത്ത് എല്ലാവരും മാറി ജീവിക്കും അങ്ങനത്തെ വിചാരമൊന്നുമില്ല. നമ്മുടെ അഭിപ്രായം ഇതാണ് അതുകൊണ്ട് എനിക്ക് അത് പറയുന്നതിന് കുഴപ്പമൊന്നുമില്ല. ആരെന്ത് പറഞ്ഞാലും എന്റെ അഭിപ്രായം ഇതാണ്, അങ്ങനെ വിചാരിക്കുന്ന ഒരു കൂട്ടം ആള്‍ക്കാരുണ്ട്. അതല്ലാതെ ഞാന്‍ ഇങ്ങനെ പറഞ്ഞു കഴിഞ്ഞാല്‍ ആള്‍ക്കാര്‍ എന്ത് വിചാരിക്കും? നാളെ മുതല്‍ ഇതിനെപ്പറ്റി തന്നെ ആള്‍ക്കാരുടെ അടുത്ത് ചോദിച്ചുകൊണ്ടിരിക്കുമോ എന്ന സംശയമുള്ള ആള്‍ക്കാരാണെങ്കില്‍ ഡിപ്രസ്ഡ് ആകുന്ന ആള്‍ക്കാരാണെങ്കില്‍ ഒരിക്കലും അത് പറയാതിരിക്കുന്നത് തന്നെയാണ് ശരി....'' എന്നാണ് മീനാക്ഷി പറയുന്നത്. ഒരു പോഡ്കാസ്റ്റില്‍ സംസാരിക്കുമ്പോഴാണ് താരമിത് പറഞ്ഞത്.
Premium Lifestyle and Entertainment website
ചിരുവിന്റെ ജന്മദിനത്തോട് ചേര്‍ന്ന് വരുന്നതിനാല്‍ ഈ റിലീസിന് ഏറെ പ്രത്യേകതയുണ്ട്; അതുല്യനായ രജനി സാറിനൊപ്പം സ്‌ക്രീനിലെത്തുന്നതും സ്വപ്നസാക്ഷാത്കാരം; ഈ ചിത്രങ്ങള്‍ മനസ്സില്‍ സൂക്ഷിച്ചു വെച്ചിട്ട് ഒരു വര്‍ഷത്തോളമായി; മേഘ്‌ന രാജിന്റെ കുറിപ്പ്