മമ്മൂട്ടി വന്നിട്ടും എന്റെ ചിത്രം പൊളിഞ്ഞു; കാരണം വ്യക്തമാക്കി സ്റ്റാര്‍വാറില്‍ സംവിധായകന്‍ എംഎ നിഷാദ് മനസുതുറക്കുമ്പോള്‍

മലയാളി ലൈഫ് പ്രേക്ഷകര്‍ക്കായി പുതിയ ഒരു പംക്തിക്ക് തുടക്കമിടുകയാണ്. സ്റ്റാര്‍ വാര്‍ എന്നാണ് ഈ പരിപാടിയുടെ പേര്.  ഈ പരിപാടിയിലൂടെ നിങ്ങള്‍ക്കിഷ്ടമുള്ള താരങ്ങളുടെ അഭിമുഖങ്ങളാണ് ഞങ്ങള്‍ അവതരിപ്പിക്കുന്നത്. സിനിമാ സീരിയല്‍ രംഗത്തെ പ്രമുഖരെ എല്ലാം നിങ്ങള്‍ക്ക് മുന്നിലെക്ക് സ്റ്റാര്‍ വാറിലൂടെ എത്തിക്കുകയാണ് ഞങ്ങള്‍ ചെയ്യുന്നത്. ഈ ആഴ്ചത്തെ അതിഥി 'കിണര്‍'' എന്ന സിനിമയിലൂടെ പോയവര്‍ഷത്തെ മികച്ച കഥയ്ക്കുള്ള സംസ്ഥാന സര്‍ക്കാരിന്റെ പുരസ്‌ക്കാരം നേടിയ പ്രശസ്ത സംവിധായകന്‍ എം.എ നിഷാദ് ആണ്.  പല ഹിറ്റ് ചിത്രങ്ങളുടെയും സംവിധാകയന്‍ മാത്രമല്ല എം.എ നിഷാദ് എഴുത്തുകാരനും അഭിനേതാവും നിര്‍മ്മാതാവും അറിയപ്പെടുന്ന പൊതുപ്രവര്‍ത്തകനുമാണ്. 

2019ല്‍ തന്റെ പുതിയ സിനിമ തെളിവിന്റെ ചിത്രീകരണ തിരക്കിലാണ് എം.എ നിഷാദ് ഇപ്പോള്‍. സുജിത്ത് എസ്.നായര്‍ സംവിധാനം ചെയ്യുന്ന  വാക്ക്  എന്ന സിനിമയില്‍ പ്രധാന കഥാപാത്രത്തെയാണ്  എം.എ നിഷാദ് കൈകാര്യം ചെയ്യുന്നത്. ചിത്രം പ്രദര്‍ശനത്തിനു  തയ്യാറായികൊണ്ടിരിക്കുന്നു. സമീപ കാലങ്ങളില്‍ പ്രചരിക്കുന്ന  വാര്‍ത്തകള്‍ ഞാന്‍ കാണുന്നുണ്ട്.  സത്യം പറയുന്ന ഒരു വ്യക്തിയാണ് ഞാന്‍. പലപ്പോഴും മുഖം നോക്കാതെ സംസാരിക്കുന്നത് കൊണ്ട് ശത്രുക്കളെ സമ്പാദിക്കുന്നുണ്ട് എന്നാലും  ഞാന്‍ സത്യങ്ങള്‍ വിളിച്ചു പറയും. എം.എ നിഷാദ് സ്റ്റാര്‍ വാറില്‍ പറഞ്ഞു.

സിനിമയിലും സീരിയലിലും സൗഹൃദങ്ങള്‍ സൂക്ഷിക്കുന്ന വ്യക്തിയാണ് ഞാന്‍. ബെസ്റ്റ് ഓഫ് ലക്ക് ഞാന്‍ ചെയ്യാന്‍ പാഠില്ലാത്ത സിനിമയായിരുന്നു. അത് എന്റെ വീഴ്ചയണ്.  അത്തരം  വീഴ്ച സംഭവിക്കാന്‍ പാഠില്ലാത്ത ഒന്നാണ് എന്ന് ഞാന്‍ ഇന്നും വിശ്വസിക്കുന്നു. കഥക്ക് അനുയോജ്യമായ തരത്തില്‍ പല തെരഞ്ഞെടുപ്പുകളും നടന്നില്ല. അത് കൊണ്ട് തന്നെയാണ് ആ സിനിമ പരാചയപ്പെട്ടതെന്ന് ഞാന്‍ വിശ്വസിക്കുന്നു.
രാഷ്ട്രീയം ഞാന്‍ ഒരിക്കലും വിട്ടിട്ടില്ല. എന്നും ഞാന്‍ ഒരു  ഇടതുപക്ഷ പ്രവര്‍ത്തകന്‍ തന്നെയായിരിക്കും. പല അബന്ധങ്ങള്‍ രാഷ്ട്രീയത്തിലും എനിക്ക് സംഭവിച്ചിട്ടുണ്ടെങ്കിലും ഞാന്‍ രാഷ്ട്രീയം വിട്ടില്ലെന്നും എം.എ നിഷാദ് സ്റ്റാര്‍ വാറില്‍ പറഞ്ഞു.സ്റ്റാര്‍ വാര്‍ എന്ന അഭിമുഖ പരിപാടിയുടെ വീഡിയോ കാണാം.