സിനിമയില് നിന്നാരംഭിച്ച് മിനിസ്ക്രീനില് സ്വന്തം ഇടം ഉറപ്പിച്ച താരമാണ് ധന്യ മേരി വര്ഗീസ്. സീത കല്യാണം' എന്ന സീരിയലിലൂടെയാണ് ധന്യ മേരി വര്ഗീസ് സിനിമയേക്കാള് കൂടുതല് ആരാധകരെ നേടിയത്. എന്നാല് ധന്യയെ കൂടുതല് അടുത്തറിയാന് പ്രേക്ഷകര്ക്ക് അവസരം ലഭിച്ചത് ബിഗ് ബോസ് ഹൗസിലൂടെയാണ്. ക്യാമറകളുടെ മുന്നില് മറവുകളില്ലാതെ ജീവിക്കേണ്ട ആ വീടിനുള്ളിലെ ദിവസങ്ങള് എത്രത്തോളം മാനസിക സമ്മര്ദ്ദം സൃഷ്ടിക്കുന്നുവെന്ന് ഇപ്പോള് തുറന്ന് പറയുകയാണ് താരം.
ബിഗ് ബോസില് പരിചയമുള്ളവര് സഹമത്സരാര്ത്ഥികളായി വരാതിരിക്കുന്നതാണ് നല്ലതെന്നും ഹൗസിനുള്ളിലെ വ്യക്തിബന്ധങ്ങള് ഗെയിമിനെ പ്രതികൂലമായി ബാധിക്കുമെന്നും അത് വലിയ ആശയക്കുഴപ്പങ്ങള്ക്കും മാനസിക സമ്മര്ദ്ദങ്ങള്ക്കും വഴിവെക്കുമെന്നും ധന്യ ഒരു അഭിമുഖത്തില് വെളിപ്പെടുത്തി. പരിചയമുള്ളവര് ഒപ്പമുണ്ടാകുമ്പോള് അവര് എന്ത് തെറ്റ് ചെയ്താലും കുറ്റം പറയാന് പ്രയാസമാണ്. എന്നാല്, പറയാതിരുന്നാല് പുറത്തുനിന്ന് കടുത്ത വിമര്ശനം ഏറ്റുവാങ്ങേണ്ടി വരുമെന്നും ധന്യ പറയുന്നു.
ഇത് മത്സരാര്ത്ഥികളില് മാനസികമായി വലിയ സമ്മര്ദ്ദമുണ്ടാക്കുന്ന അവസ്ഥയാണെന്നും അവര് ചൂണ്ടിക്കാട്ടി. അവിടെ ഇമോഷന്സ് വര്ക്ക് ആവും, അഭിനയിച്ചൊന്നും നില്ക്കാന് പറ്റില്ല. എല്ലാവരും നമ്മളെ ഒറ്റപ്പെടുത്തും,' ധന്യ അഭിപ്രായപ്പെട്ടു. എന്നാല്, എല്ലാവരും ഒറ്റപ്പെടുത്തുന്ന ഒരു സാഹചര്യത്തെ ഗെയിം സ്ട്രാറ്റജിയായി കാണുകയാണെങ്കില് അത് ഗുണകരമാണ്. അങ്ങനെയെങ്കില് ആരുടെയും സന്തോഷമോ സങ്കടമോ നമ്മളെ ബാധിക്കില്ലെന്നും, കളിക്കളത്തിലെ തന്ത്രങ്ങളില് ഉറച്ചുനില്ക്കുകയാണെങ്കില് ബിഗ് ബോസ് ഹൗസില് അതിജീവിക്കാന് സാധിക്കുമെന്നും ധന്യ കൂട്ടിച്ചേര്ത്തു.
ബിഗ് ബോസിന് ശേഷം നല്ല കഥാപാത്രങ്ങള് നഷ്ടപ്പെട്ട് തുടങ്ങി. അതുവരെ എന്നെ പാവമായി കണ്ടവരെല്ലാം ബിഗ് ബോസിന് ശേഷം നെഗറ്റീവ് റോളുകളിലേക്ക് വിളിക്കാന് തുടങ്ങി. വില്ലത്തി വേഷങ്ങള് ചെയ്യാന് പറ്റുമോ എന്ന് ബിഗ് ബോസിന് ശേഷമാണ് ചോദ്യങ്ങള് വന്നത്,' ധന്യ മേരി വര്ഗീസ് പറഞ്ഞു.
Premium Lifestyle and Entertainment website
കൗമാരക്കാരുടെ പ്രിയങ്കരനായ മോട്ടിവേഷന് സ്പീക്കര്; വെറുതേയല്ല ഭാര്യ ടി വി ഷോയിലെ മത്സരാര്ഥി; സ്കൂള് കുട്ടികളുടെ പ്രിയപ്പെട്ട മമ്പാടന് സാര്; ഫിലിപ്പ് മമ്പാട് കൗണ്സലിങ്ങിനിടെ പീഡിപ്പിച്ചത് മാനസിക വെല്ലുവിളി നേരിടുന്ന പെണ്കുട്ടിയെ; സോഷ്യല്മീഡിയ താരം കൂടിയായ ഫിലിപ്പ് മമ്പാടിന്റെ കഥ
നിരത്തിയിട്ടിരിക്കുന്ന ഹെലികോപ്റ്ററുകളും യുദ്ധ വിമാനങ്ങളും; ഇടയിലൂടെ മാസ് ആയി മോഹന്ലാലും മമ്മൂട്ടിയും; 18 വര്ഷത്തിന് ശേഷം താരങ്ങളുടെ റിയൂണിയന്; 'പേട്രിയറ്റ്' ബിഹൈന്ഡ് ദി സീന് വീഡിയോ പുറത്ത്
മകന് മരിച്ച സമയത്ത് 27,500 രൂപ കടം; കൈയ്യില് ഉള്ള സമ്പാദ്യം ചേര്ത്ത് വച്ച് കാര്യങ്ങള് നടത്തി; മുന്നോട്ട് എങ്ങനെ എന്ന് ആലോചന വന്നപ്പോള് ബേസിലിനെ വിളിച്ചു; വര്ക്കിന് വേണ്ടി വിളിച്ചതാണെങ്കിലും അപ്പോഴെ പണം അയച്ച് തന്നു; വെള്ളിത്തിരയിലെ മകന് ജീവിതത്തിലും തണലായി; നടി കുടശ്ശനാട് കനകം മനസ്സ് തുറക്കുന്നു
'ഇത് വെറുമൊരു പരസ്യചിത്രമല്ല, മലയാളികളുടെ ഗൃഹാതുരത്വത്തിലേക്കുള്ള തിരിച്ചുപോക്ക്'; ആനവണ്ടിക്കൊപ്പം ലാലേട്ടനും പ്രിയനും; വീഡിയോ വൈറലായതോടെ ഷൂട്ടിങ് പൂര്ത്തിയായ വിവരം പങ്ക് വച്ച് ഗണേഷ് കുമാര്