കണ്ണിന് താഴെയുള്ള കറുപ്പ് നിറം മാറ്റണ്ടേ? എങ്കില്‍ ഇതൊന്ന് പരീക്ഷിച്ച് നോക്കൂ

ഉറക്കമില്ലായ്മയും അധിക ടെന്‍ഷനും മാനസിക സമ്മര്‍ദവും അലര്‍ജിയുമെല്ലാം മനുഷ്യജീവിതത്തിലെ നിത്യസംഭവങ്ങളാണ്. ഇതെല്ലാം കാരണം കൊണ്ട് തന്നെയാണ് കണ്‍ തടങ്ങളിലെ കറുപ്പ് വരാനുള്ള പ്രധാന കാരണവും. കണ്ണ് സ്ഥിരമായി അമര്‍ത്തി തിരുമ്മുന്നതും ഒരുപക്ഷേ ഇതിന് കാരണമായേക്കാമെന്നാണ് വിദഗ്ധര്‍ അഭിപ്രായപ്പെടുന്നത്. ഈ പ്രശ്‌നത്തിന് നമുക്ക വീട്ടില്‍ നിന്ന് തന്നെ പരിഹാരവും കണ്ടെത്താം. പുതിനയില ഒരു ഉത്തന പ്രതിവിധിയാണ് ഇതിന്. ഇത് മാത്രമല്ല മുഖക്കുരു, വരണ്ട ചര്‍മ്മം, കണ്ണിന് ചുറ്റുമുള്ള കറുത്തപാടുകള്‍ എന്നിവ മാറ്റാനും പുതിനയില വളരെ നല്ലതാണെന്നാണ് പറയുന്നത്

*പുതിനയിലയുടെ നീര് ദിവസവും കണ്ണിന് താഴേ 15 മിനിറ്റെങ്കിലും തേച്ചുപിടിപ്പിച്ച ശേഷം ചെറുചൂടുവെള്ളത്തില്‍ കഴുകി കളഞ്ഞാല്‍ മതിയാകും. 

*പുതിനയിലയുടെ നീരും അല്‍പം നാരങ്ങ നീരും ചേര്‍ത്ത് ദിവസവും 10 മിനിറ്റ് മുഖത്തിടുന്നത് കറുത്ത പാടുകള്‍ അകറ്റി മിമുസമുള്ളതും അഴകാര്‍ന്നതുമായ ചര്‍മം സമ്മാനിക്കും. 

*കണ്ണിന് താഴെ മഞ്ഞള്‍ പൊടി, ചെറുപയര്‍ പൊടി, പുതിനയിലയുടെ നീര് എന്നിവ ഒരുമിച്ച് ചേര്‍ത്ത് ദിവസേന 20 മിനിറ്റ് വെച്ച ശേഷം ചെറുചൂടുവെള്ളത്തിലോ തണുത്ത വെള്ളത്തിലോ മുഖം കഴുകുക. ആഴ്ച്ചകള്‍ കൊണ്ട് തന്നെ വ്യത്യാസം പ്രകടമാകും.

*പുതിനയിലയുടെ നീരും മുട്ടയുടെ വെള്ളയും ചേര്‍ത്ത് കണ്ണിന് താഴേ മസാജ് ചെയ്യുന്നതും കറുത്ത പാട് മാറ്റും. ഇങ്ങനെ നിരന്തരം 10 മിനിറ്റെങ്കിലും മസാജ് ചെയ്യേണ്ടതാണ്. 

മറ്റു മാര്‍ഗ്ഗങ്ങളേതൊക്കെയാണെന്നു കൂടി നമുക്ക് നോക്കാം.

*ഉറങ്ങുന്നതിന് മുമ്പ് കണ്ണിന് താഴെ ആല്‍മണ്ട് ഓയില്‍ പുരട്ടുന്നത് ഉത്തമമാണ്. 
*എന്നും കണ്ണിന് ഐസ് മസാജ് നല്‍കുന്നതും ടീ ബാഗുകള്‍ ഉപയോഗിക്കുന്നതും ഇതിന് ഉത്തമമായ ഒരു പ്രതിവിധിയാണ്. 
*തണുത്ത ചായ ബാഗുകള്‍ കണ്ണടച്ച് പോളകള്‍ക്ക് മുകളിലായി വെയ്ക്കുക. ഇതിന് ഹെര്‍ബല്‍ ടീ ബാഗുകള്‍ ഉപയോഗിക്കരുതെന്ന് ഓര്‍ക്കുക.
*കണ്ണിനു മുകളില്‍ വെള്ളരിക്ക വെയ്ക്കുന്നതും കണ്ണുകള്‍ക്ക് തണ്ണുപ്പ് ലഭിക്കാന്‍ നല്ലതാണ്. 
*തക്കാളി നീര്, മഞ്ഞള്‍, നാരങ്ങ നീര് എന്നിവ ചേര്‍ത്ത് കണ്ണിന് താഴേ പുരട്ടുന്നതും ഫലപ്രദമായ മാര്‍ഗമാണ്.