മലയാള സിനിമാ പ്രേക്ഷകര്‍ ഏറ്റെടുത്ത ന്നാ താന്‍ കേസ് കൊട് എന്ന ചിത്രത്തിന് ശേഷം ഇ.സന്തോഷ് കുമാറിന്റെ കഥയെ ആസ്പദമാക്കി രതീഷ് ബാലകൃഷ്ണന്‍ പൊതുവാള്‍ തിരക്കഥ എഴുതിയ മദനോത്സവത്തിന്റെ ഷൂട്ടിങ്ങില്‍ ബാബു ആന്റണി ജോയിന്‍ ചെയ്തു.സുരാജ് വെഞ്ഞാറമൂടിനെതിരെ വില്ലന്‍ കഥാപാത്രമായാണോ ബാബു ആന്റണിയെത്തുന്നത് എന്നറിയാന്‍ ആകാംശയോടെ കാത്തിരിക്കുകയാണ് ആരാധകര്‍. അജിത് വിനായക ഫിലിംസിന്റെ ബാനറില്‍ നിര്‍മ്മിക്കുന്ന ചിത്രത്തിന്റെ സംവിധാനം നിര്‍വഹിച്ചിരിക്കുന്നത് സുധീഷ് ഗോപിനാഥാണ്.
സുരാജ് വെഞ്ഞാറമൂട്, ബാബു ആന്റണി, രാജേഷ് മാധവന്‍, സുധി കോപ്പ, പി പി കുഞ്ഞികൃഷ്ണന്‍, ഭാമ അരുണ്‍ എന്നിവരെ കേന്ദ്ര കഥാപാത്രങ്ങളാക്കി സുധീഷ് ഗോപിനാഥ് സംവിധാനം ചെയ്യുന്ന ചിത്രത്തിന്റെ ചിത്രീകരണം കാഞ്ഞങ്ങാട് നടന്നു വരികയാണ്. വളരെ രസകരമായ സോങ് ടീസറിലൂടെയാണ് പ്രേക്ഷകര്‍ക്കുമുന്നില്‍ മലയാള സിനിമയില്‍ വീണ്ടും മദനോത്സവം എത്തിയത്. സോഷ്യല്‍ മീഡിയയില്‍ നിരവധി താരങ്ങള്‍ പങ്കുവച്ച ചിത്രത്തിലെ 'കാണാ ദൂരത്താണോ ' എന്ന സോങ് ടീസറിന് വന്‍ പ്രേക്ഷക സ്വീകാര്യതയാണ് ലഭിച്ചത്.
ചിത്രത്തിന്റെ കഥ ഒരുക്കിയിരിക്കുന്നത് ഇ.സന്തോഷ് കുമാറാണ്. എഡിറ്റര്‍ വിവേക് ഹര്‍ഷന്‍ ആണ്. ചിത്രത്തിന്റെ സംഗീതം ചെയ്തിരിക്കുന്നത് ക്രിസ്റ്റോ സേവിയറാണ്. 'ന്നാ താന്‍ കേസ് കൊട്' എന്ന ചിത്രത്തിന്റെ വിവാദങ്ങള്‍ക്കും പ്രദര്‍ശനത്തിനും ശേഷം അണിയറ പ്രവര്‍ത്തകര്‍ പുതിയ ചിത്രത്തിന്റെ വിവരങ്ങള്‍ പുറത്തു വിട്ടതില്‍ വീണ്ടും ആകാംശയിലാണ് ആരാധകര്‍.
Premium Lifestyle and Entertainment website
കുട്ടികളുടെ തൂക്കം കൂട്ടാം 
ശിശുദിനത്തില്‍ ജീവിതത്തിലെ വലിയ സന്തോഷം പങ്കുവച്ച് സീരിയല്‍ നടി ആര്യ അനില്‍; മുറ്റത്തെ മുല്ല പരമ്പരയിലെ അശ്വതി അമ്മയാകാനുള്ള തയ്യാറെടുപ്പില്‍