പാന്‍ മസാല പരസ്യങ്ങള്‍ നിരസിച്ചു; അവര്‍ ഒരുപാട് കാര്യങ്ങള്‍ കൊണ്ട് പ്രലോഭിപ്പിച്ചു; കാര്‍ത്തിക് ആര്യന്റെ വാക്കുകള്‍ കൈയ്യടി നേടുമ്പോള്‍

ബോളിവുഡിന്റെ പുത്തന്‍ താരോദയമാണ് കാര്‍ത്തിക് ആര്യന്‍. ഒരുപിടി നല്ല ചിത്രങ്ങളിലൂടെ കാര്‍ത്തിക്ക് ജനങ്ങളുടെ ഇഷ്ടം നേടി കഴിഞ്ഞു. പാന്‍മസാല പരസ്യങ്ങളില്‍ നിന്ന് താന്‍ ഒഴിഞ്ഞുനില്‍ക്കുകയാണെന്ന് താരം പണ്ടേ പ്രഖ്യാപിച്ചു കഴിഞ്ഞിരുന്നു. പുതിയ ചിത്രം ഭൂല്‍ഭുലയ്യയുടെ പ്രമോഷന്‍ വേളയിലും താരം ഇതിനെ കുറിച്ച് സംസാരിച്ചു.

തനിക്ക് ഒരുപാട് ഓഫാറുകള്‍ വന്നിരുന്നുവെന്നും എന്നാല്‍ താന്‍ അതെല്ലാം നിരസിക്കുകയാണ് ചെയ്തത് എന്നാണ് താരം പറഞ്ഞത്.സിദ്ധാര്‍ത്ഥ് കണ്ണനുമായുള്ള ഒരു അഭിമുഖത്തിനിടെയാണ് കാര്‍ത്തിക് ഇക്കാര്യം പറഞ്ഞത്. ''ഞാന്‍ പാന്‍ മസാല പരസ്യങ്ങള്‍ നിരസിച്ചു. അവര്‍ എന്നെ ഒരുപാട് കാര്യങ്ങള്‍ കൊണ്ട് പ്രലോഭിപ്പിച്ചു. പക്ഷേ അത് ചെയ്യാന്‍ ഞാന്‍ ഒരിക്കലും പ്രലോഭിപ്പിക്കപ്പെട്ടില്ല'' എന്ന് കാര്‍ത്തി ആര്യന്‍ പറഞ്ഞു.

പാന്‍ മസാല പരസ്യത്തിന് പകരം ഗര്‍ഭനിരോധന ഉറയുടെ പരസ്യത്തിലാണ് കാര്‍ത്തിക് അഭിനയിച്ചതെന്ന് ഇതേ പരിപാടിയിലുണ്ടായിരുന്ന വിദ്യാ ബാലന്‍ തമാശ രൂപേണ പറഞ്ഞു..ഭൂല്‍ഭൂലയ്യ 3 ചിത്രത്തിന്റെ പ്രമോഷന്റെ ഭാഗമായി വിദ്യാബാലനും കാര്‍ത്തിക് ആര്യനും പങ്കെടുത്ത പരിപാടിയായിരുന്നു ഇത്.

ബോളിവുഡ് താരം അക്ഷയ് കുമാര്‍ പാന്‍ മസാല പരസ്യത്തില്‍ അഭിനയിച്ചത് വലിയ വിവാദമായിരുന്നു്. ഇതിന് പിന്നാലെ ആരാധകരോട് അക്ഷയ് ക്ഷമാപണം നടത്തുകയും , ഭാവിയില്‍ കൂടുതല്‍ ജാഗ്രത പുലര്‍ത്തുമെന്ന് പ്രതിജ്ഞയെടുക്കുകയും ചെയ്തു. ബ്രാന്‍ഡിന്റെ അംബാസഡര്‍ സ്ഥാനത്തുനിന്ന് അക്ഷയ് മാറുകയും ചെയ്തിരുന്നു.