വീടിന് മുന്നില്‍ കാത്ത് നിന്ന ശേഷം താരത്തെ കണ്ടപ്പോള്‍ മുട്ടില്‍ നിന്ന് പെണ്‍കുട്ടിയുടെ പ്രണയാഭ്യര്‍ത്ഥന; ബോളിവുഡ് നടന്‍ കാര്‍ത്തിക് ആര്യനോട് ആരാധികയുടെ സ്‌നേഹം പ്രകടനം ഇങ്ങനെ

ബോളിവുഡില്‍ ഉദിച്ചുയരുന്ന യുവതാരങ്ങളിലൊരാളാണ് കാര്‍ത്തിക് ആര്യന്‍. വര്‍ഷങ്ങളോളം സിനിമാ മോഹവുമായി അലഞ്ഞുനടന്നിട്ടുള്ള കാര്‍ത്തിക്, താന്‍ ഏറെ പ്രതിസന്ധി ഘട്ടങ്ങളിലൂടെ കടന്ന് പോയി സിനിമയെന്ന സ്വപ്‌ന ജീവിതം നേടിയെടുത്ത ആളാണ്.

ഏറെ ആരാധകരുള്ള താരത്തിന് അടുത്തിടെ ഒരു ആരാധികയില്‍ നിന്ന് ലഭിച്ച പ്രണയാഭ്യര്‍ത്ഥനയുടെ ചിത്രം സോഷ്യല്‍മീഡിയില്‍ വൈറലാവുകയാണ്.മുട്ടില്‍ നിന്ന് കാര്ത്തിക്കിനോട് പ്രണയാഭ്യര്‍ത്ഥന നടത്തുന്ന ചിത്രമാണ് പ്രചരിക്കുന്നത്.

താരത്തെ ഒരു നോക്ക് കാണാനായി വീടിന് മുന്നില്കാത്തിരുന്ന ആരാധിക കാര്‍ത്തിക്കിനെ കണ്ടതും പ്രണയം തുറന്നുപറയുകയായിരുന്നു.