ശ്ശൊ, കണ്ടുപിടിച്ചുകളഞ്ഞു; സൗന്ദര്യ രഹസ്യം കണ്ടുപിടിച്ചു എന്ന് രസകരമായി പറഞ്ഞ് നടി രശ്മി സോമൻ

മലയാളചലച്ചിത്രങ്ങളിലും ടെലിവിഷൻ പരമ്പരകളിലും സജീവമായി പ്രവർത്തിച്ചിരുന്ന ഒരു അഭിനേത്രിയാണ് രശ്മി സോമൻ. പ്രേക്ഷകരുടെ പ്രിയങ്കരിയായ താരമാണ് രശ്മി സോമൻ. മിനിസ്‌ക്രീനിൽ നിറഞ്ഞു നിന്ന ശാലീന സുന്ദരി. കുടുംബ പ്രേക്ഷകരുടെ സ്വന്തം രശ്മി അക്കരപ്പച്ച, അക്ഷയപാത്രം, ശ്രീകൃഷ്ണലീല, പെൺമനസ്സ്, മന്ത്രകോടി തുടങ്ങി ഒട്ടനവധി സീരിയലുകളിലൂടെ താരം സീരിയൽ പ്രേമികളുടെ ഹരമായിരുന്നു. രശ്മി സോമന് പ്രേക്ഷക ശ്രദ്ധ നേടി കൊടുക്കുന്നത് ഇഷ്ടമാണ് നൂറുവട്ടം എന്ന ചിത്രത്തിലൂടെയാണ്. ഇപ്പോൾ താരം പങ്കുവച്ച ചിത്രത്തിന് വരുന്ന കമ്മെന്റുകളാണ് ചർച്ചയായിക്കൊണ്ടിരിക്കുന്നത്.  

ഈയിടക്കാലത്തു നിരവധിപേരാണ് സോഷ്യൽ മീഡിയയിലും മറ്റും സജ്ജീവമായി തുടങ്ങിയത്. സോഷ്യൽ മീഡിയ വഴി അവർ നിരവധി കാര്യങ്ങളാണ് പങ്കുവയ്ക്കാറുള്ളത്. സുഹൃത്തിനോടൊപ്പം നടി രശ്മി സോമൻ പങ്കുവെച്ചിരിക്കുന്ന ചിത്രമാണ് ഇപ്പോൾ ചർച്ച. ഒരുപാട് കാലത്തിന് ശേഷം ചങ്കിനെ കണ്ടുമുട്ടി എന്ന കുറിപ്പോടെയാണ് രശ്മി ചിത്രം പങ്കുവെച്ചത്. ഒരു ആയുർവേദ വൈദ്യ ശാലയുടെ പശ്ചാത്തലത്തില്‍ ആയിരുന്നു ചിത്രം. ഇതോടെ ചിലര്‍ കമന്റുകളുമായി എത്തി. കഷായം കുടിച്ചിട്ടാണോ സൗന്ദര്യം ഉണ്ടായത് എന്നാണ് ചിലര്‍ കമന്റ് നല്‍കിയത്. ഇതിന് താരം വളരെ രസകരമായി മറുപടി നല്‍കുകയും ചെയ്തു. ''ശ്ശൊ, കണ്ടുപിടിച്ചുകളഞ്ഞു. അല്ലെ'' എന്നായിരുന്നു രശ്മി നല്‍കിയ മറുപടി. തമാശ രൂപത്തിലാണ് നടി ഇതെടുത്തത്. മിക്കപ്പോഴും സീരിയൽ വിശേഷങ്ങളും സ്വകാര്യ വിശേഷങ്ങളുമെല്ലാം താരം ആരാധകരുമായി പങ്കുവെയ്ക്കാറുണ്ട്. അതിനൊക്കെയും തന്നെ നല്ല പ്രേക്ഷക ശ്രദ്ധ നേടാറുമുണ്ട്. 

കുറച്ചു നാളത്തെ ഇടവേളയ്ക്ക് ശേഷം ഇപ്പോൾ നടി വീണ്ടും സീരിയലിൽ മറ്റും സജ്ജീവമായി തുടങ്ങിരിക്കുകയാണ്. അനുരാഗം എന്ന സീരിയലിലൂടെയാണ് നടി മടങ്ങി എത്തിയത്. പഴയ രശ്മിയെ ആയിരുന്നില്ല രണ്ടാം വരവിൽ കണ്ടത്. ബോൾഡൻ കഥാപാത്രമായിരുന്നു രശ്മി അവതരിപ്പിച്ചിരുന്നത്. ഇപ്പോഴിത വില്ലത്തി വേഷത്തിലും രശ്മി പ്രത്യക്ഷപ്പെട്ടിട്ടുണ്ട്. സീ കേരളം സംപ്രേക്ഷണം ചെയ്യുന്ന കാർത്തിക ദീപത്തിലാണ് നെഗറ്റീവ് റോളിൽ രശ്മിസോമൻ എത്തുന്നത്. മികച്ച പ്രേക്ഷക സ്വീകാര്യതയാണ് പരമ്പരയ്ക്ക് ലഭിക്കുന്നത്. എപ്പോഴും താരത്തിന് വല്യ സ്വീകാര്യതയാണ് ആരാധകർ നൽകാറുള്ളത്.