ഞാന്‍ കുടിച്ചതിന്റെ ബ്രാന്‍ഡ് ഇതാണ്; വിമര്‍ശനങ്ങളുമായി വരുന്നവര്‍ക്ക് ഒരു മുഴം മുമ്പേ മറുപടിയുമായി അമൃതസുരേഷ്

ഐഡിയ സ്റ്റാര്‍ സിംഗര്‍ എന്ന റിയാലിറ്റി ഷോയിലൂടെ എത്തി പിന്നീട് മലയാള സിനിമയിലെ പിന്നണി ഗായികയായി ഉയര്‍ന്ന താരമാണ് അമൃത. തനി നാട്ടിന്‍ പുറത്തുകാരിയായ അമൃത പിന്നീട് നടന്‍ ബാലയെ വിവാഹം ചെയ്തു. എന്നാല്‍ അധികം വൈകാതെ തന്നെ ഇരുവരും വേര്‍പിരിഞ്ഞു. ഇതിന് ശേഷം പിന്നീട് മലയാളി പ്രേക്ഷകര്‍ കണ്ടത് അടിമുടി മാറിയ അമൃതയെയാണ്. സ്വഭാവത്തിലും ലുക്കിലുമെല്ലാം മൊത്തിത്തില്‍ ഒരു മാറ്റം. മാത്രമല്ല പിന്നീട് സിനിമാ പിന്നണി ഗാന രംഗത്ത് താരം സജീവാകുകയും അനിയത്തി അഭിരാമിയുമായി ചേര്‍ന്ന് അമൃതംഗമയ എന്ന് മ്യൂസിക്കല്‍ ബാന്‍ഡ് ആരംഭിക്കുകയും ചെയ്തിരുന്നു. നിരന്തരം സൈബര്‍ ആക്രമണങ്ങള്‍ക്ക് ഇരയാകാറുള്ള സെലിബ്രിറ്റികളില്‍ ഒരാളാണ് ഗായിക അമൃത സുരേഷ്. എന്നാൽ ഇപ്പോൾ  അമൃത പങ്കുവയ്ക്കുന്ന വീഡിയോകളും ചിത്രങ്ങളുമെല്ലാം വൈറലാകാറുണ്ട്. ഗായിക പങ്കുവച്ച ഒരു പോസ്റ്റ് ആണ് സോഷ്യല്‍ മീഡിയയില്‍ ഇപ്പോള്‍ ചര്‍ച്ച ചെയ്യപ്പെടുന്നത്.

തനിക്കെതിരെ വിമര്‍ശനങ്ങളും ട്രോളുകളും ഉയരുന്നതിന് മുമ്പേ വീഡിയോയില്‍ മുന്‍കൂട്ടി ഉത്തരം നല്‍കിയിരിക്കുകയാണ് അമൃത. അമൃത ഇപ്പോൾ പങ്കുവച്ചിരിക്കുന്നത് ആലിയ ഭട്ടിന്റെ ഗംഗുഭായ് കത്ത്യവാടി ചിത്രത്തിലെ ‘ഡോലിഡ’ എന്ന ഗാനം പശ്ചാത്തലമാക്കിയ വീഡിയോയാണ് .ഒരു ബാര്‍ സെറ്റപ്പില്‍ ലൈറ്റുകളൊക്കെ അഡ്ജസറ്റ് ചെയ്ത് കൈയ്യില്‍ മദ്യ ഗ്ലാസുമായി പാട്ടിന് അനുസരിച്ച് കള്ള് കുടിക്കുന്ന പോലെ ആക്ഷന്‍ കാണിക്കുന്ന വീഡിയോയാണിത്. സ്വഭാവികമായും ഈ ദൃശ്യങ്ങള്‍ കാണുമ്പോള്‍ തന്നെ അമൃത സുരേഷ് കള്ള് കുടിച്ചു, വീഡിയോ പങ്കുവെച്ചു എന്നൊക്കെയുള്ള പ്രചാരണങ്ങള്‍ വരും.

എന്നാല്‍ തന്റെ വീഡിയോ വിവാദമാക്കാന്‍ ഉദ്ദേശിക്കുന്നില്ലെന്ന് ഉറപ്പിച്ച് അതിനുള്ള വിശദീകരണവും ഗായിക നല്‍കിയിരുന്നു. തന്റെ കൈയ്യിലെ ഗ്ലാസിലെ വെള്ളം എന്താണെന്നും അത് ചോദിച്ച് കൊണ്ടുള്ള കമന്റുകളൊന്നും വരേണ്ടതില്ലെന്നുമൊക്കെയാണ് ക്യാപ്ഷനില്‍ നടി കൊടുത്തിരിക്കുന്നത്.”ആളുകള്‍ നിങ്ങളെ വെറുക്കും, തകര്‍ക്കും, വിലയിരുത്തും, പക്ഷേ നിങ്ങള്‍ എങ്ങനെയാണ് നില്‍ക്കുന്നത് അതുപോലെ ആയിരിക്കും നിങ്ങള്‍ ഉണ്ടാവുക” എന്നാണ് അമൃത വീഡിയോക്ക് നല്‍കിയ ക്യാപ്ഷന്‍. ഇതിന്റെ വാല്‍ക്കഷ്ണമായി വീഡിയോയില്‍ ഞാന്‍ കുടിക്കുന്നത് പോലെ കാണിച്ചിരിക്കുന്നത് പരിശുദ്ധമായ കട്ടന്‍ ചായ ആണ്. അതിനാല്‍ ആ ബ്രാന്‍ഡ് ഏതാണെന്നോ ആ കുടിക്കുന്നതിന്റെ പേരില്‍ മോശം അഭിപ്രായങ്ങളും കമന്റുകളുമായി വരരുത് എന്നാണ് അമൃത കുറിച്ചിരിക്കുന്നത്.