ബിഗ് ബോസ് മലയാളം നാലാം സീസണിലൂടെ ശ്രദ്ധ നേടിയ ഡോക്ടര്‍ റോബിന്‍ രാധാകൃഷ്ണന്റെയും നടിയും ഫാഷന്‍ ഡിസൈനറും സംരംഭകയുമായ ആരതി പൊടിയുടെയും വിവാഹനിശ്ചയമാണിന്ന്. ഇടപ്പള്ളിയിലെ അസിസിയ കണ്‍വന്‍ഷന്‍ സെന്ററിലാണ് നിശ്ചയം നടന്നത്. മുന്തിരിയുടെ നിറത്തിലുള്ള റോയല്‍ ലുക്കിലുള്ള വസ്ത്രങ്ങള്‍ അണിഞ്ഞാ്ണ് ഇരുവരും എത്തിയിരിക്കുന്നത്.
ബിഗ് ബോസ് ഷോയിലൂടെ വലിയ ആരാധകവൃന്ദത്തെ സ്വന്തമാക്കാന്‍ റോബിനു കഴിഞ്ഞിരുന്നു. ഒരു അഭിമുഖത്തിലൂടെയാണ് റോബിനും ആരതിയും പരിചയപ്പെടുന്നത്. കേരളക്കരയില്‍ ഇന്ന് ഏറ്റവും കൂടുതല്‍ ഫാന്‍സുള്ള ടെലിവിഷന്‍ റിയാലിറ്റി ഷോ താരം കൂടിയാണ് റോബിന്‍. മോഡലും നടിയുമായ ആരതി പൊടിയുമായി വിവാഹിതനാകാന്‍ പോകുകയാണെന്ന് മുന്‍പ് റോബിന്‍ പറഞ്ഞത് ആരാധകര്‍ ഏറ്റെടുത്തിരുന്നു.
വിവാഹ നിശ്ചയ കാര്യം അറിയിച്ച് ഇരുവരും കുറിപ്പ് പങ്ക് വച്ചിരുന്നു.ഇന്ന് ഞാന്‍ വളരെ സന്തുഷ്ടയാണ്, കാരണം എന്റെ അഭിലാഷങ്ങളുടെ പകുതിയും ഞാന്‍ നേടിയിട്ടുണ്ട്: സംരംഭക, ഡിസൈനര്‍, നടി എന്നീ നിലകളില്‍ എന്റെ ഭാവി പ്രൊഫഷണല്‍ ജീവിതം. ഇപ്പോള്‍ ഞാന്‍ കുടുംബ ജീവിതത്തിലേക്ക് കടക്കാന്‍ പോവുകയാണ്. എന്റെ കുടുംബ ജീവിതവും തൊഴില്‍ ജീവിതവും വിജയിച്ചതില്‍ ഞാന്‍ വളരെ സന്തുഷ്ടയാണ്. കാരണം നാളെ ഞാനുമായി വിവാഹ നിശ്ചയം നടത്തുന്ന വ്യക്തി ഞാനേറ്റവും ഇഷ്ടപ്പെടുന്ന വ്യക്തിയാണ്. എല്ലാവരുടെയും അനുഗ്രഹവും പ്രാര്‍ത്ഥനയും വേണം. നാളെ എന്റെ ജീവിതത്തിലെ ഏറ്റവും വലിയ ദിവസമാണ്,ആരതി ഇന്‍സ്റ്റഗ്രാമില്‍ കുറിച്ചതിങ്ങനെയാണ്യ
റോബിന്റെ വാക്കുകള്‍ ഇങ്ങനെ
എല്ലാവര്‍ക്കും നമസ്‌കാരം ഞാന്‍ ഡോക്ടര്‍ റോബിന്‍ രാധാകൃഷ്ണന്‍. ഇന്ന് ഫെബ്രുവരി 16 ആണ്. എന്റെ എന്‍ഗേഡ്മെന്റ് ആണ്. ഏഷ്യാനെറ്റും ബിഗ് ബോസും കാരണമാണ് നിങ്ങള്‍ എല്ലാവരും ഞാന്‍ എന്ന് പറയുന്ന ഒരു വ്യക്തി ജീവിച്ചിരിപ്പുണ്ട് എന്ന് അറിയുന്നത്. ഒരുപാട് നന്ദിയുണ്ട്. ഒരുപാട് കടപ്പാടുണ്ട്. അതിനുപരി ബിഗ് ബോസ് എന്ന് പറയുന്ന ഷോ കാരണമാണ് ആരതി പൊടി എന്ന് പറയുന്ന വ്യക്തിയെ എനിക്ക് കാണാന്‍ സാധിച്ചതും എന്റെ ലൈഫിന്റെ ഒരു വലിയ പാര്‍ട്ട് ആകാന്‍ പോകുന്നതും. എന്നെ സ്നേഹിക്കുന്ന ഒരുപാട് പേരുണ്ട്. എല്ലാവരുടേയും സ്നേഹവും പ്രാര്‍ത്ഥനയും ഞങ്ങളുടെ കൂടെ ഉണ്ടാവണം എന്ന് ആഗ്രഹിക്കുന്നു. രണ്ട് പേര്‍ക്കും നിങ്ങളുടെ സ്നേഹവും പ്രാര്‍ത്ഥനയും വേണ്ടുവോളം വേണം. എനിക്ക് അത് മാത്രം മതി. പിന്നെ എല്ലാവര്‍ക്കും ഒരുപാട് നന്ദി. കാരണം നിങ്ങള്‍ എല്ലാവരും ആണ് എന്റെ ജീവിതം തന്നെ മാറ്റി മറിച്ചത്. ആ ഒരു സ്നേഹവും കടപ്പാടും എപ്പോഴും ഉണ്ടായിരിക്കും. എനിക്ക് ഒരു വീഡിയോ ചെയ്യണം എന്ന് തോന്നി. പെട്ടെന്ന് അങ്ങ് ചെയ്തു. എല്ലാവരും ഹാപ്പിയായിട്ടിരിക്കൂ.
Premium Lifestyle and Entertainment website
യുവ എഴുത്തുകാരിയുടെ ലൈംഗികാതിക്രമ കേസ്; സംവിധായകന്‍ വി കെ പ്രകാശിനെ അറസ്റ്റ് ചെയ്ത് ജാമ്യത്തില്‍ വിട്ടു; അറസ്റ്റ് രേഖപ്പെടുത്തിയത് രണ്ട് ദിവസം നീണ്ട ചോദ്യം ചെയ്യലിന് ശേഷം
മമ്മൂട്ടിയോടൊപ്പം പ്രധാന വേഷത്തില്‍ വിനായകന്‍; ജിതിന്‍ ജോസ് ചിത്രം നാഗര്‍കോവിലില്‍
വിവിധ ഭാഷകളിലായി ഇരുപത്തഞ്ചിലേറെ സിനിമകള്‍; കമലഹാസന്‍, രജനീകാന്ത് എന്നിവരോടൊപ്പം അഭിനയിച്ച വ്യക്തി: കേരളത്തിന്റെ ഏറ്റവും ഉയരം കൂടിയ ആളുകൂടിയായ കമറുദീന്‍ അന്തരിച്ചു 
അമേരിക്കയിലായിരുന്ന ജയസൂര്യയും ഭാര്യയും കൊച്ചിയിലെത്തി; എല്ലാം വഴിയേ മനസ്സിലാകുമെന്നും വൈകാതെ മാധ്യമങ്ങളെ കാണുമെന്നും പ്രതികരണം; പീഡന പരാതി ഉയര്‍ന്ന ശേഷം താരവും കുടുംബവം നാട്ടിലെത്തുമ്പോള്‍
നിര്‍മാതാവ് മുതല്‍ പോസ്റ്റര്‍ ഒട്ടിക്കുന്നവര്‍ വരെ ഫിലിം മേക്കേഴ്‌സ്;പോസ്റ്റര്‍ ഒട്ടിക്കുന്നവര്‍ക്കുള്‍പ്പെടെ പുതിയ സംഘടനയില്‍ പ്രാതിനിധ്യം; പുതിയ സംഘടനയുടെ പ്രവര്‍ത്തനം വ്യക്തമാക്കി ആഷിഖ് അബു
ഗുണാ കേവ് അഥവാ ഡെവിള്‍സ് കിച്ചനെ അറിയാം