മലയാളി മിനിസ്‌ക്രീന്‍ പ്രേക്ഷകര്‍ക്ക് സുപരിചിതയായ താരമാണ് മഞ്ജു വിജേഷ്. നിരവധി കോമഡി ഷോകളിലും സീരിയലുകളിലും അഭിനയിച്ചിട്ടുള്ള മഞ്ജു വിജീഷ്. ഇത് താന്‍ടാ പോലീസ് ,ദൈവമേ കൈ തൊഴാം കെ. കുമാറാകണം',കുതിരപ്പവന്‍, പ്രേമസൂത്രം , ഗാന്ധിനഗര്‍ ഉണ്ണിയാര്‍ച്ച തുടങ്ങിയ ചിത്രങ്ങളില്‍ അഭിനയിച്ചു. ആദ്യചലച്ചിത്രം 'കുഞ്ഞനന്തന്റെ കട'യായിരുന്നു. ഹാസ്യകലാകാരിയായിട്ടാണ് താരത്തെ പ്രേക്ഷകര്‍ക്ക് പരിചയം. സ്‌കൂള്‍ കാലം മുതല്‍ തന്നെ ഡാന്‍സിലും അഭിനയത്തിലുമൊക്കെ താരം കഴിവ് തെളിയിച്ചിട്ടുണ്ട്. കോളേജ് കാലഘട്ടത്തില്‍ തന്നെ 20 ഓളം സംഗീത ആല്‍ബങ്ങളിലും, ടെലിഫിലിമുകളിലും അഭിയിച്ചു.
മനോജ് ഗിന്നസിന്റെ സമതിയിലെ ഡാന്‍സറായ മഞ്ജു യാദൃശ്ചികമായി മനോജ് ഗിന്നസിന്റെ ഒരു സ്‌കിറ്റില്‍ പകരക്കാരിയായി പെര്‍ഫോം ചെയ്യേണ്ടി വന്നിരുന്നു. അതാണ് മഞ്ജുവിന്റെ ജീവിതത്തില്‍ വഴിത്തിരിവായി മാറിയതും. ഏഷ്യാനെറ്റിന്റെ സന്മനസുള്ളവര്‍ക്ക് സമാധാനം എന്ന സീരിയലിലൂടെയാണ് മഞ്ജു മിനിസ്‌ക്രീന്‍ രംഗത്തേക്ക് വന്നത്. സൂര്യാ ടിവിയിലെ രസികരാജ, ആടാം പാടാം, കളിയും ചിരിയും തുടങ്ങിയ പ്രോഗ്രാമിലൂടെയും ശ്രദ്ധേയയായി. നടനും, തിരക്കഥാകൃത്തുമായ ബിബിന്‍ ജോര്‍ജ് ആദ്യമായി സംവിധാനം ചെയ്ത ടെലിഫിലീമില്‍ നല്ലൊരു വേഷം ചെയ്തിരുന്നു.മഴവില്‍ മനോരമയിലെ കോമഡി ഫെസ്റ്റിവല്ലിലെ മികച്ച ഹാസ്യ നടിക്കുള്ള അവാര്‍ഡ് ലഭിച്ചതും മഞ്ജുവിനാണ്.രാജേഷ് കണ്ണങ്കര സംവിധാനം ചെയ്ത ഇന്ദിര എന്ന സീരിയലില്‍ താരം വ്യത്യസ്തമായ വേഷം ചെയ്തിരുന്നു.
മഴവില്‍ മനോരമയിലെ മറിമായം എന്ന ഹാസ്യ സീരിയലിലെ മൈമുന എന്ന കഥാപാത്രം ഏറെ പ്രേക്ഷക പ്രശംസ നേടീ. മമ്മൂട്ടി നായകനായ കുഞ്ഞനന്ദന്റെ കട എന്ന ചിത്രത്തിലൂടെ സിനിമാരംഗത്തേക്ക് കടന്നു വന്നു. മീഡിയ വണ്‍ ചാനലിലെ കുന്നംകുളത്തങ്ങാടി എന്ന ഹാസ്യ സീരിയലിലും വേഷമിട്ടു. ഏഷ്യാനെറ്റ് കോമഡി സ്റ്റാര്‍സിലെ കഥാപാത്രമായി എത്തിയും പ്രേക്ഷകരുടെ മനസ്സില്‍ ഇടം നേടി. ഏഷ്യാനെറ്റ് കോമഡി സ്റ്റാറിന്റെ സ്ഥിര സാന്നിധ്യമാണ് മഞ്ജു. 500 ലധികം വേദികളാണ് താരം പിന്നിട്ടത്. മിനിസ്‌ക്രീനിലെ ഹിറ്റ് സീരിയലുകളായ അല്ലിയാമ്പലല്‍, സീത തുടങ്ങിയ സീരിയലുകളില്‍ താരം ശ്രദ്ധേയ വേഷങ്ങളില്‍ എത്തിയിരുന്നു. യുവതാരം ദുല്‍ഖര്‍ സല്‍മാന്‍ നായകനായ ഒരു യമണ്ടന്‍ പ്രേമകഥയിലും താരം അഭിനയിച്ചിരുന്നു. മണിരത്‌ന പുരസ്‌ക്കാരത്തിലെ മികച്ച ഹാസ്യ കലാകാരിക്കുള്ള അവാര്‍ഡും സ്വന്തമാക്കിയിട്ടുണ്ട്.
പുനലൂരിനടുത്താണ് മഞ്ജുവിന്റെ സ്വദേശം. ഇപ്പോള്‍ ഭര്‍ത്താവും ഒരുമിച്ച് എറണാകുളത്ത് തൈക്കൂടം എന്ന സ്ഥലത്ത് താമസിച്ചുവരുന്നു
സ്വന്തമായി നൃത്ത ട്രൂപ്പുള്ള മഞ്ജു ഭര്‍ത്താവ് വിജീഷിന്റെ നേതൃത്വത്തില്‍ ഷിനോദ് മലയാറ്റൂര്‍, ജയദേവന്‍ കലവൂര്‍ ബില്‍ബിന്‍ ഗിന്നസ്, സുനി അര്‍ത്തുങ്കല്‍, മനോജ് വഴിപ്പടി തുടങ്ങിയ പ്രശസ്ത കലാകാരന്‍മാരോടൊപ്പം കൊച്ചിന്‍ വിസ്മയ എന്ന സ്വന്തം സമതിയിലൂടെ പ്രോഗ്രാം ചെയ്തു വരുന്നു.
Premium Lifestyle and Entertainment website
50 വയസിന് ശേഷമാണ് കുഞ്ഞ് പിറന്നിരിക്കുന്നത്; ഞാന്‍ ജീവിതത്തില്‍ സങ്കല്‍പ്പിച്ചത് പോലുമല്ല; മകള്‍ പിറന്ന ശേഷം തനിക്ക് 25 വയസുകാരനെ പോലെ തോന്നുന്നു;ഒഴുക്കിനനുസരിച്ച് പോകുന്നു; പ്രഭുദേവ പങ്ക് വച്ചത്
ഏറ്റവും അധികം പണം വെറുതേ ചിലവഴിച്ചത് എന്റെ മുന്‍ഭര്‍ത്താവിനു വിലയേറിയ പാരിതോഷികങ്ങള്‍ നല്കാന്‍; സാമന്ത വരുണ്‍ ധവാന് നല്കിയ അഭിമുഖത്തില്‍ പറഞ്ഞത്
തായ്‌ലന്‍ഡ് യാത്രകഴിഞ്ഞ് മടങ്ങിവരുമ്പോള്‍ പപ്പയ്ക്കുവേണ്ടി കുപ്പി വാങ്ങി;ഷോള്‍ഡര്‍ ബാഗില്‍ ഇരുന്ന കുപ്പി കൊണ്ടുപോകാനാകില്ലെന്ന് വിമാനത്താവളത്തിലെ ഉദ്യോഗസ്ഥന്‍; ഒച്ചവച്ച് പ്രതികരിച്ചതിന് പിന്നില്‍ ഹോര്‍മോണ്‍ വ്യതിയാനം; ട്രീറ്റ്മെന്റ് നടത്തിയതോടെ കരച്ചിലും വിഷമവുമെല്ലാം മാറി; മഞ്ജു പത്രോസ് പങ്ക് വക്കുന്നത്
നിലവാരമില്ല; 80 കോടി മുടക്കിയ സീരിസ് വേണ്ട, 'ബാഹുബലി' സീരിസ് ഉപേക്ഷിച്ച് നെറ്റ്ഫ്ളിക്സ്