തിരുച്ചിറപ്പള്ളിയിലെ ലാല്ഗുഡി മണ്ഡലത്തില് സ്വതന്ത്ര സ്ഥാനാര്ത്ഥിയായി മത്സരിക്കുന്ന നടന് മന്സൂര് അലിഖാനെതിരെ പോലീസ് കേസെടുത്തു. തിരഞ്ഞെടുപ്പ് പ്രചാരണത്തിനിടെ റെയില്വേ പാളത്തില് തലവെച്ച് കിടന്നതിനാണ് നടപടി. റെയില്വേ പാളത്തില് അതിക്രമിച്ച് കയറിയതിനും ട്രെയിന് ഗതാഗതത്തിന് തടസ്സമുണ്ടാക്കിയതിനുമാണ് റെയില്വേ പോലീസ് കേസെടുത്തത്.
തിരഞ്ഞെടുപ്പ് പ്രചാരണത്തിനിടെ റെയില്വേ പാളത്തില് തലവെച്ച് കിടന്ന് പ്രതിഷേധം പുനരവതരിപ്പിച്ച നടന് മന്സൂര് അലിഖാന് നിയമക്കുരുക്കില്. ചൊവ്വാഴ്ച കല്ലക്കുടി പഴങ്കനാഥം സ്റ്റേഷന് സമീപമുള്ള റെയില്വേ പാളത്തിലാണ് താരം കിടന്നത്. വിവരം അറിഞ്ഞെത്തിയ പോലീസ് ഉടന് തന്നെ ഇദ്ദേഹത്തെ പാളത്തില് നിന്നും മാറ്റി.
1953-ല് തമിഴ്നാട്ടില് ഹിന്ദി അടിച്ചേല്പ്പിക്കുന്നതിനെതിരെ മുന് മുഖ്യമന്ത്രി എം. കരുണാനിധി കല്ലക്കുടി റെയില്വേ പാളത്തില് തലവെച്ച് കിടന്ന് പ്രതിഷേധിച്ചിരുന്നു. കല്ലക്കുടിയില് എത്തിയപ്പോള് ആ ചരിത്ര സംഭവം ഓര്മ്മ വന്നെന്നും അത് പുനരാവിഷ്കരിക്കാനാണ് താന് ശ്രമിച്ചതെന്നുമാണ് മന്സൂര് അലിഖാന്റെ വിശദീകരണം. എന്നാല്, ഇത്തരം പ്രവൃത്തികള് സ്വന്തം ജീവനും ട്രെയിന് യാത്രക്കാരുടെ സുരക്ഷയ്ക്കും ഭീഷണിയാണെന്ന് അധികൃതര് ചൂണ്ടിക്കാട്ടി.
Premium Lifestyle and Entertainment website
'നാളെ പെണ്ണിനെ പീഡിപ്പിച്ചെന്ന് പോലും വാര്ത്ത വരാം; പുറത്ത് വന്ന വാര്ത്തകളൊന്നും അലട്ടുന്നില്ല; പറയേണ്ട കാര്യങ്ങള് കൃത്യമായി പറഞ്ഞിട്ടുണ്ട് ഞാന് കൊല്ലത്ത് വീട്ടിലാണ്; സമാധാനമായിരിക്കുന്നുവെന്ന് ലൈവിലെത്തി കിച്ചു സുധി;തിരക്കുമായി മുന്നോട്ട് പോകുന്നുവെന്നും വിവാദങ്ങളൊന്നും നി ബാധിക്കുന്ന പ്രശ്നമില്ലെന്നും വ്യക്തമാക്കി രേണുവും
ശനിയാഴ്ച ഡാഡിയെ ആശുപത്രിയില് പോയപ്പോള് ഇസിജിയെല്ലാം എടുത്തിരുന്നു;ഞായറാഴ്ച സിനിമ കണ്ട് ആസ്വദിക്കുന്ന വിഷ്വല്സ് ഹോം നഴ്സ് അയച്ച് തന്നിരുന്നു; പെട്ടെന്ന് വീണപ്പോഴും മരണപ്പെടുമെന്ന് കരുതിയില്ല; അങ്ങനെയൊരു വാര്ത്ത കേള്ക്കാന് തയ്യാറല്ലായിരുന്നു; അവസാന വിഷ്വലുകള് കോര്ത്തിണക്കി സിന്ധു കൃഷ്ണയുടെ വ്ലോഗ്