ബിഗ് ബോസ് മലയാളം സീസണ് 8ല് താന് മത്സരാര്ത്ഥിയായി എത്തുമെന്ന തരത്തിലുള്ള സമൂഹമാധ്യമങ്ങളിലെ അഭ്യൂഹങ്ങള്ക്ക് മറുപടിയുമായി നടി അമൃത നായര് രംഗത്ത്. താന് ഒടുവില് അഭിനയിച്ചുകൊണ്ടിരുന്ന 'ടോം ആന്റ് ജെസ്സി' പരമ്പരയില് നിന്ന് പിന്മാറിയത് വ്യക്തിപരമായ കാരണങ്ങള് കൊണ്ടാണെന്നും, അത് ഒരിക്കലും ബിഗ് ബോസിലേക്ക് പോകാന് വേണ്ടിയല്ലെന്നും അമൃത യൂട്യൂബില് പങ്കുവെച്ച പുതിയ വീഡിയോയിലൂടെ വ്യക്തമാക്കി. 'ടോം ആന്റ് ജെസിയില് നിന്ന് ഞാന് പിന്മാറിയത് വ്യക്തിപരമായ കാരണങ്ങളാലാണ്. അത് ഇപ്പോള് വെളിപ്പെടുത്താന് ഞാന് ആഗ്രഹിക്കുന്നില്ല.
അതൊരിക്കലും ബിഗ് ബോസിലേക്ക് വരാന് വേണ്ടിയല്ല. ബിഗ് ബോസിലേക്ക് ഞാന് വരുന്നുണ്ടെന്നു കരുതി പലരും എനിക്ക് വേണ്ടി ഗ്രൂപ്പുകള് ക്രിയേറ്റ് ചെയ്യാം എന്ന് പറഞ്ഞിട്ടുണ്ട്. പി.ആര്. ചെയ്യാമെന്നു പറഞ്ഞ് ചാനലുകള് പോലും ബന്ധപ്പെട്ട സ്ഥിതിയ്ക്ക് ഇപ്പോഴെങ്കിലും ഞാനിത് തുറന്ന് പറയണം എന്നുള്ളത് കൊണ്ടാണ് ഈ വീഡിയോ ചെയ്യുന്നത്' അമൃത പറഞ്ഞു
'ബിഗ് ബോസ് സീസണ് 8 ലേക്ക് ഞാന് ഇല്ല. ഇതിന് മുന്പും ഞാനിത് പറഞ്ഞിട്ടുണ്ട്, എനിക്ക് പറ്റിയ ഒരു പ്ലാറ്റ്ഫോം അല്ല അത്. അതുകൊണ്ട് ഞാനിപ്പോള് ഇല്ല. എനിക്ക് വരണം എന്നുണ്ടായിരുന്നുവെങ്കില് നേരത്തെ വരാമായിരുന്നു. അതിനുള്ള അവസരങ്ങളുണ്ടായിരുന്നു. എന്റെ അടുത്ത സുഹൃത്തുക്കള് എല്ലാം വന്ന സമയത്തും ഞാന് വന്നിട്ടില്ല. നിലവിലെ സാഹചര്യത്തില് ഞാന് ബിഗ് ബോസിലേക്ക് വരാനുള്ള ഒരു സാധ്യതയും ഇല്ല' അമൃത പറഞ്ഞു. ബിഗ് ബോസിലേക്ക് വരണമെങ്കില് ഏറ്റവും ചുരുങ്ങിയത് പത്ത് ദിവസമെങ്കിലും മാറി നില്ക്കേണ്ടി വരുമെന്നും, എന്നാല് അത്രയും ദിവസം വിട്ടുനില്ക്കാനുള്ള സാഹചര്യത്തിലല്ല താനിപ്പോഴുള്ളതെന്നും നടി പറഞ്ഞു.
തന്റെ ജീവിതത്തില് മറ്റൊരു പ്രധാനപ്പെട്ട കാര്യം സംഭവിക്കാന് പോകുന്നുണ്ടെന്നും അത് എന്താണെന്ന് വൈകാതെ അറിയിക്കുമെന്നും അമൃത കൂട്ടിച്ചേര്ത്തു. എന്തായാലും അത് ബിഗ് ബോസ് സംബന്ധിച്ചല്ലെന്നും അവര് വ്യക്തമാക്കി. തന്റെ പേര് പ്രെഡിക്ഷന് ലിസ്റ്റുകളില് ഇത്രയധികം ഇടംപിടിച്ച സാഹചര്യത്തില്, ഭാവിയിലെ ഏതെങ്കിലും ഒരു സീസണില് ബിഗ് ബോസ് അനുഭവം നേരിട്ടറിയാന് താല്പ്പര്യമുണ്ടെന്നും എന്നാല് ഈ സീസണില് താനുണ്ടാവില്ലെന്നും അമൃത വ്യക്തമാക്കുന്നു.
Premium Lifestyle and Entertainment website
എന്റെ വലം കൈ ആണ് പോയത്; മണ്ണോടു ചേരും വരെയും അടയാളത്തിന്റെ അടിവേരുകള് ഹൃദയത്തിലേയ്ക്ക് ആഴ്ന്നിറങ്ങി നില്ക്കും; അത് തിരിച്ചറിയിക്കാന് കൂടെപ്പിറന്നവര്ക്ക് പ്രകടനപരമായി ഒന്നും ചെയ്യേണ്ടതില്ല;നവാസിന്റെ ഒന്നാം ചരമദിനത്തില് കുറിപ്പുമായി നിയാസ് ബക്കര്;എല്ലാ കുടുംബത്തിനും ഒരു ഹീറോ കാണും, ഒരു വര്ഷം മുന്പ് ഞങ്ങള്ക്ക് ഞങ്ങളുടെ ഹീറോയെ നഷ്ടമായെന്ന് കുറിച്ച് നവാസിന്റെ മകനും
'മരുന്ന് വാങ്ങാന് പോലും പണമില്ലാതെ വിഷമിച്ചു, ഈ തുക വലിയ ആശ്വാസം'; നടന് മോഹന് ശര്മയ്ക്ക് സഹായഹസ്തവുമായി സൂപ്പര്താരം രജനീകാന്ത്; നല്കിയത് ഒരു ലക്ഷം രൂപ 
ചെറിയ പ്രായത്തില് തന്നെ അറിയാത്ത കാര്യങ്ങള് ഏറ്റെടുക്കേണ്ടി വരുന്ന സാഹചര്യം വന്നപ്പോള് തളര്ന്നുപോയി; അങ്ങനെ വീഴാന് സമ്മതിക്കില്ലെന്നു പറഞ്ഞ് കുടുംബം കൂടെ നിന്നു; എന്താ ചെയ്യേണ്ടത് എന്ന് അറിയാത്ത അവസ്ഥകളില് യാത്രകള് ചെയ്യാനും ധ്യാനിക്കാനും തുടങ്ങി;അമൃത സുരേഷിന്റെ വാക്കുകള് 
അഭിപ്രായ സ്വാതന്ത്ര്യം മറ്റൊരാളെ താഴ്ത്തിക്കെട്ടാനുള്ള അവസരമായി എടുക്കരുത്; ജാന്മണി എന്റെ സുഹൃത്താണെങ്കിലും ഇതുപോലുള്ള പൊട്ടത്തരം ചെയ്യുമ്പോള് പ്രതികരിക്കാതെ ഇരിക്കാനാവില്ല; വിടുവായിത്തരം പറഞ്ഞ് തെറിയും വാങ്ങി ബഹിരാകാശത്ത്; ചുറ്റം നില്ക്കുന്നവരെയും ബാധിക്കുന്നുണ്ട്;ജാന്മണിക്കെതിരെ രഞ്ജിനി