മലയാളത്തില്‍ ഏറെ പ്രേക്ഷക ശ്രദ്ധ നേടിയ പരിപാടിയാണ് മോഹന്‍ലാല്‍ അവതാരകനായ ബിഗ്‌ബോസ്. മലയാളത്തിലെ പോലെ ഹിന്ദി ബിഗ്‌ബോസും പ്രേക്ഷകര്‍ക്ക് ഏറെ പ്രിയങ്കരമാണ്. മലയാളി ക്രിക്കറ്റ് താരം ശ്രീശാന്ത് മത്സരിക്കുന്നുവെന്നാണ് സല്‍മാന്‍ഖാന്‍ അവതാരകനായ ബിഗ്‌ബോസിനെ ഏറെ ജനപ്രിയമാക്കിയത്. ഇന്ത്യന്‍ ക്രിക്കറ്റ് ടീമിലുണ്ടായിരുന്ന കാലത്ത് മികച്ച പ്രകടനങ്ങളിലൂടെ ജനപ്രീതി നേടിയ ശ്രീശാന്ത് ക്രിക്കറ്റ് വിട്ട ശേഷം ഇപ്പോള്‍ ടെലിവിഷനിലൂടെ ജന മനസ്സുകള്‍ കീഴടക്കുകയാണ്. ബിഗ് ബോസ് ഹിന്ദി പതിപ്പിലെ ഏറ്റവും കൂടുതല്‍ ആരാധകരുള്ള മത്സരാര്‍ഥിയാണ് താരം. പല അവസരങ്ങളിലും വിമര്‍ശനങ്ങള്‍ ഏറ്റു വാങ്ങേണ്ടി വന്നിട്ടുണ്ടെങ്കിലും സീസണ്‍ 12ലെ കരുത്തരായ മത്സരാര്‍ഥികളിലൊരാള്‍ തന്നെയാണ് ശ്രീശാന്ത്.
ശ്രീശാന്തിന് രണ്ട് കുട്ടികളാണ്, സാന്‍വിക എന്ന സുന്ദരിക്കുട്ടിയും സൂര്യശ്രീ എന്ന മകനും. മകള്‍ ജനിച്ചപ്പോള്‍ തൊട്ട് കുഞ്ഞുങ്ങളുടെ വിശേഷങ്ങളും ചിത്രങ്ങളുമൊക്കെ ശ്രീശാന്ത് ആരാധകരോട് പങ്കുവയ്ക്കാറുണ്ട്. ശ്രീശാന്തിന്റെ ഭാര്യ ഭുവനേശ്വരി കുമാരിയും മക്കളുടെ വിശേഷങ്ങള്‍ പങ്കുവയ്ക്കാന്‍ മടിക്കാറില്ല. ഇത്തവണ മകളുടെ സൂപ്പര്‍ ക്യാറ്റ് വാക്കുമായാണ് ഭുവനേശ്വരി എത്തിയിരിക്കുന്നത്. അച്ഛനെപ്പോലെ ഫാഷനിലും ം കമ്പമുണ്ടെന്ന് തെളിയിച്ചിരിക്കുകയാണ് ശ്രീശാന്തിന്റെ മകള്‍ സാന്‍വിക. റാമ്പില്‍ സുന്ദരി മാലാഖയായെത്തിയ സാന്‍വികയുടെ വിഡിയോയാണ് ഇപ്പോള്‍ സോഷ്യല്‍മീഡിയയുടെ മനം നിറയ്ക്കുന്നത്. ശ്രീശാന്തിന്റെ ഭാര്യ ഭുവനേശ്വരി പങ്കുവച്ചിരിക്കുന്ന വീഡിയോ ഇതിനോടകം തന്നെ വൈറലായിക്കഴിഞ്ഞു.
സ്‌കൂളിലെ ഗ്രാന്‍ഡ് പേരന്റ്‌സ് ഡേയ്ക്ക് നടത്തിയ ഫാഷന്‍ ഷോയില്‍ സാന്‍വിക സുന്ദരിക്കുട്ടിയായാണ് എത്തിയത്. റെഡ് ഫ്രോക്കില്‍ സുന്ദരിക്കുട്ടിയായെത്തി റാമ്പില്‍ തകര്‍പ്പന്‍ പെര്‍ഫോമന്‍സാണ് സാന്‍വിക കാഴ്ച വച്ചത്. യാതൊരു സഭാക്കമ്പവുമില്ലാതെ നല്ല കൂള്‍ കൂളായാണ് കക്ഷി സ്റ്റേജിലെത്തിയത്. ഈ ഒരൊറ്റ വിഡിയോയിലൂടെ സാന്‍വികയ്ക്ക് ധാരാളം ആരാധകരേയും കിട്ടിയിട്ടുണ്ട്. കഴിഞ്ഞ ദിവസം സാന്‍വികയുടെ അച്ഛനോടുള്ള സ്‌നേഹം തെളിയിക്കുന്ന ഒരു ചിത്രം ഭുവനേശ്വരി പോസ്റ്റ് ചെയ്തിരുന്നു. ബിഗ് ബോസ് ഹൗസിനുള്ളില്‍ എത്തിയ മകള്‍ക്ക് ശ്രീശാന്ത് തനിക്ക് ലഭിച്ച മെഡലുകള്‍ കൊടുത്തിരുന്നു. തിരികെ വീട്ടിലെത്തിയ മകള്‍ അച്ഛന്‍ കൊടുത്ത മെഡലും കഴുത്തിലണിഞ്ഞ് കിടന്നുറങ്ങുന്നതായിരുന്നു ചിത്രം. ശ്രീശാന്ത് നല്‍കിയ മെഡല്‍ ഊരിവെക്കാന്‍ സാന്‍വിക തയാറായില്ലെന്ന് ഭുവനേശ്വരി കുറിച്ചിരുന്നു. മുന്‍പും തന്റെ കുസൃതികള്‍കൊണ്ട് സാന്‍വിക വാര്‍ത്തകളില്‍ ഇടം പിടിച്ചിരുന്നു. ഇപ്പോള്‍ ബിഗ്‌ബോസില്‍ ഗ്രാന്റ് ഫിനാലെയില്‍ എത്തിയിരിക്കയാണ് ശ്രീശാന്ത്. തന്റെ വ്യക്തി ജീവിതത്തിലെയും വിവാദങ്ങളെക്കുറിച്ചുമൊക്കെ ഷോയില്‍ തുറന്നു പറഞ്ഞതോടെ ശ്രീശാന്തിന് വലിയ പിന്തുണയാണ് ലഭിക്കുന്നത്. ബിഗ്‌ബോസ് സീസണ്‍ 12 ല്‍ ശ്രീശാന്ത് വിജയിയാകണമെന്നാണ് ഷോയുടെ ആരാധകര്‍ ആഗ്രഹിക്കുന്നത്.
RECOMMENDED FOR YOU:
Premium Lifestyle and Entertainment website
അജിത്തിനൊപ്പം സിനിമ ചെയ്യാന്‍ താല്‍പര്യമുണ്ട്; ഉടന്‍ ഒരു പടം ഉണ്ടാകുമെന്ന് വിശ്വസിക്കുന്നു: ലോകേഷ് കനകരാജ്: വീഡിയോ വൈറല്‍ 
ജയേട്ടന്‍ മിക്കപ്പോഴും വീട്ടിലെത്തും; അമ്മയ്ക്ക് ഇഷ്ടമുള്ള ഗാനങ്ങള്‍ പാടി കേള്‍പ്പിക്കും; അനിയനെപ്പോലെ ചേര്‍ത്തുപിടിച്ചെത് ഓര്‍ത്തെടുത്ത് മോഹന്‍ലാല്‍;സംഗീത ലോകത്ത് നികത്താനാവാത്ത നഷ്ടമെന്ന് മധു ബാലകൃഷ്ണന്‍; ഭാവഗായകനെ താരലോകം അനുസ്മരിക്കുന്നത് ഇങ്ങനെ
ഭര്‍ത്താവ് ഇല്ലാത്ത സമയത്ത് എന്റെ വാതിലില്‍ മുട്ടിയ ആളാണ്, അയാളെ ഇങ്ങനെ കാണുന്നതില്‍ സന്തോഷമുണ്ട്; വിശാലിനെതിരെ സുചിത്ര 
ഒടുവില്‍ ആരാധകരുടെയും കണ്ടെത്തല്‍ ശരിയെന്ന് സമ്മതിച്ച് ദിയ; മൂന്നാം മാസത്തെ സ്‌കാനിങ് കഴിഞ്ഞതോടെ ഗര്‍ഭിണിയാണെന്ന സന്തോഷം പങ്ക് വച്ച് അശ്വിനും ദിയയും; ആശംസകളുമായി സോഷ്യല്‍മീഡിയ
ഞാന്‍ ഇനിയും വരും. ഇനിയും പാടും. പഴയ ജയചന്ദ്രനായിത്തന്നെ...''; ഇനി ഇതു പറയാന്‍ ഭാവഗായകന്‍ ഇല്ല; ജയചന്ദ്രന് ശനിയാഴ്ച കലാകേരളം വിട നല്‍കും;സംസ്‌കാര ചടങ്ങുകള്‍ ചേന്ദമംഗലം തറവാട്ട് വീട്ടില്‍; സംഗീത നാടക അക്കാദമിയിലും പൊതുദര്‍ശനം; അനുശോചനമറിയിച്ച് ഭാഷാഭേദമെന്യേ പ്രമുഖര്‍; നിത്യഹരിത ഗാനങ്ങള്‍ ബാക്കിയാക്കി പി ജയചന്ദ്രന് മടങ്ങുമ്പോള്‍
മുന്‍നിര ഗായകരെയും പുതുമുഖ ഗായകരെയും ഒരുമിച്ച് കൊണ്ടുവന്ന് പുതിയ സംഗീതാനുഭവം; സംഗീത ലോകത്തോട് വിടപറയുന്നത് മറ്റൊരു നേട്ടം കൈവരിച്ചതിന് ശേഷം; 78-ാം വയസില്‍ സംഗീത സംവിധായകനാവാന്‍ ഭാഗ്യം ലഭിച്ച ഗായകന്‍; പി ജയചന്ദ്രന് 