നമ്മുടെ ദുഃഖത്തില്‍ ആരൊക്കെ കൂടെയുണ്ടായിരുന്നുവെന്ന് മനസിലാക്കാന്‍ ഇത്രയും വര്‍ഷം വേണ്ടി വന്നു; ബീനയും മനോജും കൂടെത്തന്നെ ഉണ്ടായിരുന്നു; ഓരോരുത്തരുടെയും ദുഃഖങ്ങള്‍ക്ക് സമാധാനം കൊടുക്കാന്‍ ഞാന്‍ ഓടിയ ഓട്ടത്തിന് കയ്യും കണക്കുമില്ല':ചേട്ടന്റെ വിയോഗം അറിഞ്ഞു ചേര്‍ത്ത് നിറുത്തിയവരുടെ പേര് പറഞ്ഞ്  സീമ ജി നായര്‍

ദിവസങ്ങള്‍ക്ക് മുമ്പാണ് സഹോദരി ഭര്‍ത്താവിന്റെ വിയോഗത്തെക്കുറിച്ച് നടി സീമ ജി നായര്‍ വൈകാരിക കുറിപ്പ് പങ്ക് വച്ചത്.പ്രതിസന്ധികളില്‍ തണലായി, ജീവിതവഴികളില്‍ അച്ഛനെപ്പോലെ ചേര്‍ത്തുപിടിച്ച സഹോദരി ഭര്‍ത്താവാണ് അപ്രതീക്ഷിതമായി നടിക്ക് വേദന സമ്മാനിച്ച് വിട പറഞ്ഞത്.ആഴ്ചകള്‍ക്ക് മുന്‍പ് ഹൃദയസ്തംഭനത്തെ തുടര്‍ന്നായിരുന്നു സീമയുടെ സഹോദരിയായ രേണുകയുടെ ഭര്‍ത്താവ് ഗിരിജന്റെ അന്ത്യം.

ഇപ്പോഴിതാ, ദുഃഖസമയത്ത് ചേര്‍ത്തുപിടിച്ചവരെയും വിളിക്കാന്‍ പോലും തയ്യാറാകാത്തവരെയും കുറിച്ച് താരം പങ്കുവെച്ച ഫേസ്ബുക്ക് കുറിപ്പാണ് ശ്രദ്ധേയമാകുന്നത്.

നടിയുടെ കുറിപ്പ് ഇങ്ങനെ:

എന്റെ ചേട്ടന്റെ ചടങ്ങുകള്‍ ഇന്നലെയാണ് കഴിഞ്ഞത് ,(ബീനയുടെയും മനോജിന്റെയും ഫോട്ടോ ഇട്ടത് അവര്‍ എന്റെ കൂടെ നിന്നത് കൊണ്ടാണ്) ഓരോ വിടവാങ്ങലും നികത്താന്‍ പറ്റാത്തതാണ്, മനസ്സില്‍ ആഴത്തില്‍ ഏല്‍ക്കുന്ന മുറിവുകള്‍ ഉണങ്ങാന്‍ എത്രകാലം എടുക്കുമെന്ന് അറിയില്ല.. നമ്മുടെ സന്തോഷത്തില്‍ ഒരാള്‍ ചേര്‍ത്ത് പിടിക്കുമെന്നു പറയാറുണ്ടോ എന്നറിയില്ല, പക്ഷെ നമ്മുടെ ദുഃഖത്തില്‍ ഒരാള്‍ ചേര്‍ത്ത് പിടിക്കുമ്പോള്‍ ഒരു പരിധിവരെ ആ സമയം കടന്നുപോകാന്‍ സാധിക്കുമെന്ന് വിശ്വസിക്കുന്നു..

 42 വര്‍ഷം ആയി ഈ രംഗത്ത് വന്നിട്ട്, നമ്മുടെ ദുഃഖത്തില്‍ ആരൊക്കെ കൂടെയുണ്ടായിരുന്നുവെന്ന് മനസിലാക്കാന്‍ ഇത്രയും വര്‍ഷം വേണ്ടി വന്നു.. ചേട്ടന്റെ വിയോഗം അറിഞ്ഞു വിളിച്ചവര്‍ വളരെ കുറച്ചുപേര്‍ ചിപ്പി, വത്സല മേനോന്‍, കിഷോര്‍ സത്യ, തെസ്‌നിഖാന്‍, നന്ദു, ജീജ സുരേന്ദ്രന്‍, കൃഷ്ണ തുളസിഭായ്, ശോഭ പ്രിയ അങ്ങനെ കുറച്ചുപേര്‍, msg അയച്ചവര്‍ സന്തോഷ് കുറുപ്പ്, കാലടി ഓമന, പ്രേംജിത്, വളരെ കുറച്ചു പേര്‍ (കലാ രംഗത്തുള്ളവരുടെ കാര്യം മാത്രം ആണ് എഴുതുന്നത്).. ചില സത്യങ്ങളും യാഥാര്‍ഥ്യങ്ങളും അറിയുന്നത് വൈകിയാണെന്നു മാത്രം.. പക്ഷെ ബീനയും മനോജും കൂടെത്തന്നെ ഉണ്ടായിരുന്നു, സഞ്ചയന ചടങ്ങുവരെ.. Beena Antony @Manoj Kumar ?????? ഞാനും ബീനയും തമ്മില്‍ കുറഞ്ഞത് 25 വര്‍ഷത്തെ പരിചയം ഉണ്ട്, അടുത്ത ഫ്രണ്ട് ആണോ എന്ന് ചോദിച്ചാല്‍ 'അല്ല' എന്നും വിളിക്കുമോ സംസാരിക്കുമോ എന്ന് ചോദിച്ചാല്‍ 'ഇല്ല' എന്നായിരിക്കും ഉത്തരം.. പക്ഷെ പരസ്പര സ്‌നേഹവും ബഹുമാനവും ഉണ്ട്.

ഇന്നുവരെ മുഖം കറുത്ത് ഒരു വാക്ക് പോലും അങ്ങോട്ടുമിങ്ങോട്ടും പറയേണ്ടിവന്നിട്ടില്ല.. എന്നെ ചേര്‍ത്തു പിടിച്ചതിനു ബീനയോടും മനോജിനോടും നന്ദി എന്ന രണ്ടക്ഷരം എഴുതി തീര്‍ക്കുന്നില്ല, പറഞ്ഞും തീര്‍ക്കുന്നില്ല.. എന്റെ മനസ്സില്‍ ആ രണ്ടക്ഷരം അങ്ങനെ തന്നെ കിടക്കട്ടെ... ഓരോരുത്തരുടെയും ദുഃഖങ്ങള്‍ക്ക് സമാധാനം കൊടുക്കാന്‍ ഞാന്‍ ഓടിയഓട്ടത്തിന് കയ്യും കണക്കുമില്ല, ഇപ്പോളും ഓടുന്നു.. അതെന്റെ കടമയായി കണക്കാക്കുന്നു.. പക്ഷെ, ഈ രംഗത്ത് നിന്നല്ലാതെ ഒരുപാട് പേര്‍ ചേര്‍ത്ത് പിടിച്ചു, നന്ദു മഹാദേവയുടെ അച്ഛനും അമ്മയുമടക്കം ഒരുപാട് പേര്‍.. എല്ലാവരോടും ഒന്ന് മാത്രം ???????????? 

ഓണ്‍ലൈന്‍ മീഡിയസിനോടോരപേക്ഷ, ഈ പോസ്റ്റിനെ കീറിമുറിക്കല്ലേ ??ഈ പോസ്റ്റ് പലര്‍ക്കും മനസിലാകുന്നില്ലയെന്ന് താഴെ ഒരു പോസ്റ്റുണ്ട് ,അത് വായിച്ചാലും ,ഈ പോസ്റ്റ് കൃത്യമായി വായിച്ചാലും കാര്യങ്ങള്‍ മനസിലാകും, എന്തേലും വായിച്ചിട്ടു മനസിലാകുന്നില്ല എന്ന് പറഞ്ഞാല്‍ എന്ത് ചെയ്യാനാണ് ??