ഒന്നര വര്ഷം മുമ്പാണ് നടിയും റേഡിയോ ജോക്കിയുമായ മീരാ നന്ദന് വിവാഹിതയായത്. ലണ്ടനില് ജോലി ചെയ്യുന്ന ശ്രീജുവിനെ വിവാഹം കഴിച്ച മീര വിവാഹശേഷവും ദുബായിലെ റേഡിയോ ജോക്കി ജോലി തുടരുകയാണ്. അവധിസമയങ്ങളില് ശ്രീജു മീരയെ കാണാന് ദുബായിലേക്കും മീര ലണ്ടനിലേക്കും പോകുന്നതു കൂടാതെ നാട്ടിലേക്കും ഇരുവരും ഒന്നിച്ചെത്താറുണ്ട്. വിവാഹം കഴിഞ്ഞ് ആദ്യമായി ശ്രീജുവിനൊപ്പം ഗുരുവായൂര് ക്ഷേത്രത്തില് എത്താന് കഴിഞ്ഞതിന്റെ സന്തോഷമെല്ലാം മീര ദിവസങ്ങള്ക്കു മുന്നേ പങ്കുവച്ചിരുന്നു. മീരയുടെ അടുത്ത കൂട്ടുകാരിയുടെ വിവാഹവുമായി ബന്ധപ്പെട്ടായിരുന്നു ഇരുവരും ക്ഷേത്രത്തിലെത്തിയത്. അതിനു ശേഷം ഇരുവരും അവധി ആഘോഷിക്കുവാന് തായ്ലന്ഡിലേക്ക് പോവുകയും ചെയ്തു. എന്നാല്, ഇപ്പോഴിതാ, ഇരുവരും ദിവസങ്ങളായി തായ്ലന്ഡില് കുടുങ്ങിയിരിക്കുകയാണ്. അവധി കഴിഞ്ഞ് ദുബായിലേക്ക് മടങ്ങാനായിരുന്നു ഇവര് പ്ലാന് ചെയ്തിരുന്നതും ടിക്കറ്റ് എടുത്തതും. എന്നാല് നിലവിലെ യുദ്ധ സാഹചര്യത്തില് ദുബായിലേക്കുള്ള വിമാനങ്ങളെല്ലാം റദ്ദാക്കപ്പെട്ടതോടെ തായ്ലന്ഡില് കുടുങ്ങുകയായിരുന്നു ഇരുവരും.
തുടര്ന്ന് മീര സോഷ്യല്മീഡിയയില് കുറിച്ചത് ഇങ്ങനെയാണ്: ''എല്ലാവര്ക്കും നമസ്കാരം, ഞങ്ങള് സുരക്ഷിതരാണോ എന്ന് അന്വേഷിച്ച ഓരോരുത്തരോടും ഹൃദയത്തിന്റെ ഭാഷയില് നന്ദി പറയുന്നു. നിങ്ങളുടെ ആ കരുതല് ഞങ്ങള്ക്ക് വലിയൊരു ആശ്വാസമാണ്. ഞങ്ങള് ഇപ്പോള് തായ്ലന്ഡിലാണ് ഉള്ളത്. എന്റെ ഉറ്റ സുഹൃത്തിന്റെ വിവാഹത്തിന് ശേഷം, ശ്രീജുവും ഞാനും കൂടി എടുത്ത ഒരു ചെറിയ അവധിക്കാലമായിരുന്നു ഇത്. 2026-ലെ ഞങ്ങളുടെ ആദ്യത്തെ യാത്ര, ഒപ്പം ആദ്യത്തെ തായ്ലന്ഡ് സന്ദര്ശനവും. അതുകൊണ്ടുതന്നെ ഇതൊരു മികച്ച തീരുമാനമായിട്ടാണ് ഞങ്ങള്ക്ക് തോന്നിയത്. ഇവിടെ ഞങ്ങള് വളരെ സന്തോഷകരമായ നിമിഷങ്ങളിലൂടെയാണ് കടന്നുപോയത്.
എന്നാല് മടക്കയാത്രയ്ക്ക് തൊട്ടുമുമ്പാണ് ആ നിര്ഭാഗ്യകരമായ വാര്ത്ത ഞങ്ങള് അറിഞ്ഞത്. അന്നുമുതല് ഞങ്ങളുടെ ഏക ചിന്ത യുഎഇയിലേക്ക് എത്രയും വേഗം തിരികെ എത്തണമെന്നാണ്. പലരും വിളിച്ചു ചോദിക്കുന്നുണ്ട്, ഇന്ത്യയിലേക്ക് പൊയ്ക്കൂടെ എന്ന്. പക്ഷേ സത്യം പറഞ്ഞാല്, ഞങ്ങള്ക്ക് യുഎഇയിലേക്ക് മടങ്ങാനാണ് ഏറെ ആഗ്രഹം. ഒരു സ്ഥലം സ്വന്തം വീടാണെന്ന് തോന്നുമ്പോള് മാത്രമാണ് ഇത്തരമൊരു വികാരം ഉണ്ടാകുന്നത്.
എപ്പോഴാണ് തിരികെ പോകാന് കഴിയുക എന്ന കാര്യത്തില് ഇപ്പോഴും ഉറപ്പില്ല. തല്ക്കാലം, ഓരോ ദിവസവും പ്രത്യാശയോടെ മുന്നോട്ട് നീങ്ങുന്നു. തിരികെ വീട്ടില് എത്തുന്നതുവരെ ഞങ്ങള് ഇരിക്കുന്ന ഇടത്തെ ഒരു കൊച്ചു വീടാക്കി മാറ്റാന് ശ്രമിക്കുകയാണ്. കഴിഞ്ഞ പതിനൊന്നര വര്ഷമായി ഞാന് യുഎഇയിലാണ് കഴിയുന്നത്, ശ്രീജു വന്നിട്ട് ഒന്നര വര്ഷത്തോളമായി.
ശ്രീജുവിന് പോലും തിരികെ പോകാന് ഇത്രയധികം ആഗ്രഹമുണ്ടെങ്കില്, യുഎഇ നല്കുന്ന ആ സുരക്ഷിതബോധവും സ്നേഹവും എത്രത്തോളമാണെന്ന് നിങ്ങള്ക്ക് ഊഹിക്കാമല്ലോ. ഞങ്ങളുടെ വീടായി മാറിയതിന് നന്ദി, യുഎഇ. ഈ രാജ്യത്തിന്റെ ഭരണാധികാരികള്ക്കും ഇവിടം ഇത്ര സുന്ദരമാക്കുന്ന ജനങ്ങള്ക്കും നന്ദി. ഞങ്ങള് എന്നും കടപ്പെട്ടവരായിരിക്കും. തിരികെ എത്താന് ഇനി ഞങ്ങള്ക്ക് കാത്തിരിക്കാനാവില്ല.''മീര നന്ദന്റെ വാക്കുകള്.
Premium Lifestyle and Entertainment website
ഞാന് ഉദ്ഘാടനത്തിന് പോയ റോഡിന് അടുത്ത് പരിചയക്കാര് താമസിക്കുന്നതിന് അടുത്താണ് മിസൈല് വീണതും കത്തിയതും;'അത് അറിഞ്ഞപ്പോള് മുതല് ഞാന് ഡൗണ് ആണ്'; എല്ലാം ശാന്തമാവട്ടെ; രേണു സുധി