ഹിമ വെറുതെ യജമാനത്തി ചമയുകയാണ് പേളി.!! ചുമ്മാ ചൊറിയരുതെന്ന് ഹിമ

ഇപ്പോള്‍ ബിഗ്ബോസില്‍ ഒരു വിധം വഴക്കൊക്കെ ഹിമയെ ചുറ്റിപ്പറ്റിയാണ് ഉണ്ടാകുന്നത്. എലിമിനേറ്റ് ആയി പോയതിന് ശേഷം വൈല്‍ഡ് എന്‍ട്രിയില്‍ തിരികെയെത്തിയ ശേഷം ബിഗ്ബോസ് അംഗങ്ങളോട് അങ്ങോട്ട് ചെന്ന് വഴക്കുണ്ടാക്കാറാണ് ഹിമയുടെ പതിവ്. ഷോയില്‍ പിടിച്ച് നില്‍ക്കാനും ഏത് വിധേനയും ജയിക്കാനും ചീപ്പ് കളികളാണ് ഹിമ കളിക്കുന്നതെന്നും ആരോപണം ഉയര്‍ന്നുകഴിഞ്ഞു. ഇന്നലെ പേളിയുമായി ഹിമ ഉണ്ടാക്കിയ വഴക്കും ശ്രദ്ധനേടി.

ഷിയാസും അതിഥിയും തമ്മിലുണ്ടായ വഴക്കില്‍ ഹിമ ഇടപ്പെട്ടതോടെയാണ് പ്രശനങ്ങള്‍ക്ക് തുടക്കംക്കുറിച്ചത് . അതിഥി പിണങ്ങിയതോടെ ഹിമ ഷിയാസിനെ പരിഹസിക്കുകയായിരുന്നു. എന്നാല്‍ ഷിയാസും വിട്ട് കൊടുക്കാന്‍ തയ്യാറായില്ല. ചാണകത്തില്‍ ചവിട്ടരുതെന്ന് ഹിമയോട് ഷിയാസ് പറഞ്ഞു. ഇതിനിടയില്‍ പേളി കൂടി എത്തിയപ്പോഴാണ് വഴക്ക് മുട്ടന്‍ അടിയായത്. ഷിയാസ് അതിഥി വിഷയത്തില്‍ ഹിമയോട് ഇടപെടരുതെന്ന് പേളി പറഞ്ഞു. താനും ഷിയാസും തമ്മിലുളള പ്രശ്നത്തില്‍ പേളിയും ഇടപെടണ്ടെന്ന് ഹിമയും തിരിച്ചടിച്ചു. എന്നാല്‍ താന്‍ ഇടപെടുമെന്നും അളുകളെ തമ്മില്‍തല്ലിക്കരുതെന്ന് പേളി ഹിമയോട് പറഞ്ഞെങ്കിലും പേളി തന്റെ സ്പെസില്‍ കയറി ഇടപെടരുതെന്നായിരുന്നു ഹിമയുടെ മറുപടി.

കൂടാതെ പേളി ഫേയ്ക്കാണെന്നും ഹിമ ആഞ്ഞടിച്ചു. പേളി എന്തു വന്നാലും അയ്യോ അമ്മേ എന്ന് പറഞ്ഞ് കരയുകയാണ് ചെയ്യുന്നതെന്നും പരിഹസിച്ച ഹിമ ഇപ്പോള്‍ കാണുന്ന പുതിയ പേളിയെ തനിയ്ക്ക് അറിയില്ലെന്നും കൂട്ടിച്ചേര്‍ത്തു. ഈ സമയം ശ്രീനീഷ് ഇവരുടെ ഇടയില്‍ എത്ത പ്രശ്നം തിരക്കി. എന്നാല്‍ പേളിയും ഹിമയും പരസ്പരം കുറ്റപ്പെടുത്തി സംസാരിച്ചു. ഹിമ വെറുതെ യജമാനത്തി ചമയുകയാണെന്ന് പേളി ആരോപിച്ചു. തുടര്‍ന്ന് ഹിമ ദേഷ്യപ്പെട്ട് റൂമിലേക്ക് പോയി. എന്തായാലും ചെറിയ കളികള്‍ക്കല്ല ഹിമ തിരികെ വന്നതെന്നാണ് ദിവസങ്ങള്‍ പിന്നിടും തോറും മത്സാര്‍ഥികളും മനസിലാക്കുന്നത്.