മൂക്ക് അടപ്പ് എളുപ്പത്തില്‍ മാറ്റാന്‍ പൊടികൈകള്‍

തണുപ്പ് കൂടുന്നതോടെ പലരും നേരിടുന്ന പ്രധാന പ്രശ്നമാണ് ജലദോഷവും ചുമയും കഫവുമൊക്കെ. മരുന്ന് ഇല്ലാതെ വീട്ടില്‍ തന്നെ ചെയ്യാന്‍ കഴിയുന്ന ചില പൊടികൈകള്‍ ഇതാ..

തണുപ്പ് കാലമാകുന്നതോടെ പലരും നേരിടുന്ന പ്രധാന പ്രശ്‌നമാണ് മൂക്ക് അടപ്പ്. ചുമയും മൂക്കില്‍ കഫം കെട്ടി നില്‍ക്കുന്നതുമൊക്കെ സര്‍വ സാധാരണമാണ് തണുപ്പ് കാലത്ത്. പക്ഷെ ഈ മൂക്കടപ്പ് കാരണം രാത്രിയില്‍ ഉറക്കം തടസപ്പെടുന്നതാണ് പലരും നേരിടുന്ന പ്രശ്നം. മൂക്ക് അടഞ്ഞ് പോകുന്നതോടെ രാത്രിയില്‍ ശ്വാസം എടുക്കാന്‍ പലര്‍ക്കും വലിയ ബുദ്ധിമുട്ടാണ് അനുഭവപ്പെടുന്നത്. ജലദോഷം തുടങ്ങി കഴിഞ്ഞാല്‍ മരുന്ന് വാങ്ങാന്‍ ആശുപത്രിയിലേക്ക് ഓടുന്നതിന് മുന്‍പ് വീട്ടില്‍ തന്നെ ചെയ്യാന്‍ കഴിയുന്ന ചില പൊടികൈകള്‍ ഇതാ

ഇഞ്ചി ചായ

എല്ലാ അടുക്കളകളിലും വളരെ സുലഭമായി ലഭിക്കുന്നതാണ് ഇഞ്ചി. സാധാരണയായി വയറിന്റെ പല പ്രശ്‌നങ്ങള്‍ക്കുമുള്ള മരുന്നാണ് ഇഞ്ചി. ചുമ, ജലദോഷം, തൊണ്ട വേദന എന്നീ പ്രശ്‌നങ്ങള്‍ക്കെല്ലാം ഇഞ്ചി ഉണക്കി ഉപയോഗിക്കുന്നത് നല്ലതാണ്. ധാരാളം ആന്റി ഓക്‌സിഡന്റുകള്‍ അടങ്ങിയിട്ടുള്ളതിനാല്‍ മൂക്കടപ്പിന് ഇഞ്ചി വളരെയധികം സഹായിക്കും. ദിവസവും 2 മുതല്‍ 3 തവണ വരെ ഇഞ്ചി ചായ കുടിക്കുന്നത് മൂക്കിലെ കഫം ഇല്ലാതാക്കും. കൂടാതെ ചെറിയ കഷണം ഇഞ്ചി ചവച്ച് കഴിക്കുന്നതും പെട്ടെന്ന് മൂക്ക് അടപ്പില്‍ നിന്ന് ആശ്വാസം നല്‍കും.

തേന്‍
നിരവധി ആരോഗ്യ ഗുണങ്ങളുള്ളതാണ് തേന്‍. വിട്ടുമാറാത്ത പല പ്രശ്‌നങ്ങള്‍ക്കുമുള്ള ആയുര്‍വേദ ഔഷധമാണ് തേന്‍. തേനില്‍ അടങ്ങിയിരിക്കുന്ന പോഷക ഗുണങ്ങളെല്ലാം ആരോഗ്യത്തിന് ഏറെ ഗുണം ചെയ്യുന്നതാണ്. തേനില്‍ വളരെയധികം ആന്റി ബാക്ടീരിയില്‍ ഘടകങ്ങള്‍ അടങ്ങിയിട്ടുണ്ട് ഇത് പലതരത്തിലുള്ള പകര്‍ച്ചവ്യാധികളില്‍ നിന്ന് രക്ഷ നല്‍കും. മൂക്കടപ്പിനുള്ള ഏറ്റവും നല്ല പരിഹാരമാണ് തേന്‍. കൂടാതെ കഫം, തൊണ്ടയിലെ ബുദ്ധിമുട്ടുകള്‍ എന്നിവയെല്ലാം പരിഹരിക്കാന്‍ തേനിന് കഴിയും.

ദിവസവും ചെറു ചൂടുവെള്ളത്തില്‍ രണ്ട് ടേബില്‍ സ്പൂണ്‍ തേന്‍ ഒഴിച്ച് കുടിക്കുന്നത് വളരെയധികം ഗുണം ചെയ്യും.

ഉള്ളി മണപ്പിക്കാം

എന്‍സിബിഐയില്‍ പ്രസിദ്ധീകരിച്ച ഒരു റിപ്പോര്‍ട്ട് പ്രകാരം ഉള്ളിക്ക് നിരവഘി ഔഷധഗുണമുണ്ട്. ആന്റിഓക്സിഡന്റ്, ആന്റി-ഇന്‍ഫ്‌ലമേറ്ററി, ഒമേഗ -3 തുടങ്ങിയ പോഷകങ്ങളും ഇതില്‍ അടങ്ങിയിട്ടുണ്ട്. ശ്വസനവ്യവസ്ഥയുമായി ബന്ധപ്പെട്ട പ്രശ്‌നങ്ങളില്‍ നിന്ന് ഇത് ആശ്വാസം നല്‍കുന്നു.

ഇത്തരമൊരു സാഹചര്യത്തില്‍ ഉള്ളി കഴിക്കുകയോ മണക്കുകയോ ചെയ്താല്‍ മൂക്കിലെ കഫത്തില്‍ നിന്ന് ആശ്വാസം ലഭിക്കും. അഞ്ച് മുതല്‍ ആറ് മിനിറ്റ് വരെ ഫ്രഷായി അരിഞ്ഞ ഉള്ളി മണക്കുന്നത് നിങ്ങള്‍ക്ക് ഗുണം ചെയ്യും.

തല ഉയര്‍ത്തി വച്ച് ഉറങ്ങുക
രാത്രിയില്‍ മൂക്കിലെ തിരക്ക് വര്‍ദ്ധിക്കാന്‍ സാധ്യത കൂടുതലാണ്. കാരണം നിവര്‍ന്നു കിടന്നുറങ്ങുന്നത് തലയില്‍ കഫം അടിഞ്ഞുകൂടാനും ശ്വസിക്കാന്‍ ബുദ്ധിമുട്ടുണ്ടാക്കാനും കാരണമാകുന്നു. ഇത് രാവിലെ സൈനസ് തലവേദനയ്ക്ക് കാരണമാകും. അത്തരമൊരു സാഹചര്യത്തില്‍, ഉയര്‍ന്ന തലയിണയില്‍ ഉറങ്ങുന്നത് നിങ്ങള്‍ക്ക് വളരെയധികം ഗുണം ചെയ്യും.

ആവി പിടിക്കാം

സ്റ്റീം ഇന്‍ഹലേഷന്‍ മൂക്കില്‍ നിന്ന് മുക്തി നേടാന്‍ ഏറെ പഴക്കമുള്ള ഒരു രീതിയാണ്. ചൂടുള്ളതും ഈര്‍പ്പമുള്ളതുമായ വായു മ്യൂക്കസ് അയവുള്ളതാക്കുകയും ജലദോഷം, പനി എന്നിവയുടെ ലക്ഷണങ്ങളില്‍ നിന്ന് ആശ്വാസം നല്‍കുകയും ചെയ്യുമെന്ന് വിശ്വസിക്കപ്പെടുന്നു.

ഈ സാഹചര്യത്തില്‍, തുളസി പോലുള്ള ആന്റിസെപ്റ്റിക് സസ്യങ്ങള്‍ ആ വെള്ളത്തില്‍ ചേര്‍ത്ത് ദിവസവും 2-3 തവണ ആവി പിടിക്കുന്നത് കുറച്ച് ദിവസങ്ങള്‍ക്കുള്ളില്‍ മൂക്കില്‍ നിന്ന് മുക്തി ലഭിക്കാന്‍ സഹായിക്കും.