ഭക്ഷണത്തിലെ അധിക എണ്ണയ്ക്ക് വിട; ലളിതമായ ചില വീട്ടുവൈദ്യങ്ങള്‍

എണ്ണയില്‍ പൊരിച്ച പലഹാരങ്ങള്‍ക്കും രുചികരമായ കറികള്‍ക്കും ആരും ഇല്ലെന്ന് പറയില്ല. പക്ഷേ വിഭവത്തില്‍ അധികം എണ്ണ ഉണ്ടായാല്‍ അത് ഒഴിവാക്കുന്നത് വലിയ വെല്ലുവിളിയാണ്. അമിത എണ്ണ ആരോഗ്യത്തിന് ഹാനികരവും അമിതവണ്ണത്തിന് കാരണമാവുകയും ചെയ്യുന്നു. രുചി നഷ്ടപ്പെടാതെ ഭക്ഷണത്തില്‍ നിന്നുള്ള എണ്ണ കുറയ്ക്കാന്‍ സഹായിക്കുന്ന ചില ലളിത മാര്‍ഗങ്ങള്‍ നോക്കാം.

പേപ്പര്‍ ടവല്‍ വഴിക്ക്
പൊരിച്ച പലഹാരങ്ങള്‍ എണ്ണയില്‍ നിന്ന് എടുത്ത ഉടന്‍ തന്നെ ആഗിരണം ചെയ്യാവുന്ന ടിഷ്യു പേപ്പറില്‍ വയ്ക്കുക. പേപ്പര്‍ അധിക എണ്ണ വലിച്ചെടുക്കും, പലഹാരം കുറച്ച് ആരോഗ്യകരമാകും.

ബ്രഡ് സ്ലൈസ് ട്രിക്ക്
കറി, കുഴമ്പ്, സോസ് മുതലായവയില്‍ എണ്ണ പൊങ്ങിക്കിടക്കുന്നത് കണ്ടാല്‍, ഒരു ബ്രഡ് കഷണം മുകളില്‍ ഇട്ടുവയ്ക്കുക. ബ്രഡ് അധിക എണ്ണ മുഴുവന്‍ വലിച്ചെടുക്കും.

ഫ്രിഡ്ജില്‍ തണുപ്പിക്കല്‍
കറി ഫ്രിഡ്ജില്‍ വെച്ച് കുറച്ച് സമയം തണുപ്പിച്ചാല്‍ എണ്ണ മുകളില്‍ പാളിയായി രൂപപ്പെടും. അത് സ്പൂണ്‍ ഉപയോഗിച്ച് നീക്കം ചെയ്യാം.

ഐസ് ക്യൂബ് ഹാക്ക്
സോഷ്യല്‍ മീഡിയയില്‍ വൈറലായ മാര്‍ഗമാണ് ഇത്. ഒരു വലിയ ഐസ്‌ക്യൂബ് വിഭവത്തിന് മുകളില്‍ ചെറുസമയം മുക്കിയാല്‍ എണ്ണ ഐസില്‍ പിടിച്ചു പോകും. ഐസ് എടുത്തപ്പോള്‍ എണ്ണയും നീങ്ങും.

ഈ ടിപ്പുകള്‍ പിന്തുടര്‍ന്നാല്‍, രുചിയില്‍ വിട്ടുവീഴ്ച ചെയ്യാതെ തന്നെ എണ്ണയുടെ പേടി കൂടാതെ ഭക്ഷണം ആസ്വദിക്കാം.