പണം മുന്‍കൂറായി വാങ്ങിയശേഷം കോള്‍ ഷീറ്റ് നല്‍കാത്ത താരങ്ങള്‍ക്കെതിരെ നടപടിക്കൊരുങ്ങി തമിഴ് സിനിമാ നിര്‍മാതാക്കള്‍. ജൂണ്‍ 18ന് തമിഴ് പ്രൊഡ്യൂസേഴ്സ് കൗണ്‍സില്‍ ജനറല്‍ കമ്മിറ്റി യോഗത്തില്‍ പുറത്തുവിട്ട പട്ടികയില്‍ 14 താരങ്ങളാണുള്ളത്.ഇതുള്‍പ്പെടെ മറ്റ് പരാതികളില്‍ നടപടി സ്വീകരിക്കാന്‍ തമിഴ് ഫിലിം പ്രൊഡ്യൂസേഴ്സ് കൗണ്‍സില്‍ ജനറല്‍ യോഗത്തില്‍ തീരുമാനമായിരുന്നു.
ഇന്നലെ പ്രൊഡ്യൂസേഴ്സ് കൗണ്‍സിലും നടികര്‍ സംഘവും ഇത് സംബന്ധിച്ച് ചര്‍ച്ച നടത്തി. ചിമ്പു, വിശാല്‍, വിജയ് സേതുപതി, എസ് ജെ സൂര്യ, അഥര്‍വ, യോഗിബാബു എന്നിവര്‍ പരാതി ഉയര്‍ന്നവരില്‍ ഉള്‍പ്പെടുന്നു. താന്‍ സംവിധാനം ചെയ്യുന്ന സിനിമയില്‍ നിന്ന് നടന്‍ ധനുഷ് ഇറങ്ങിപ്പോയതായി ശ്രീ തെനണ്ടല്‍ സ്റ്റുഡിയോ മേധാവിയായ മുരളി രാമസ്വാമി ആരോപിച്ചു. തന്റെ സിനിമ പൂര്‍ത്തിയാക്കിയതിനുശേഷം മാത്രം മറ്റ് സിനിമകളില്‍ പ്രവര്‍ത്തിക്കാന്‍ ധനുഷിനെ നിര്‍ബന്ധിക്കണമെന്ന് രാമസ്വാമി കൗണ്‍സിലിനോട് അഭ്യര്‍ത്ഥിച്ചു. ഇത്തരത്തില്‍ വിവിധ പരാതികളില്‍ 14 അഭിനേതാക്കള്‍ക്കെതിരെയാണ് നടപടി സ്വീകരിക്കുന്നത്.
നടിമാരായ അമല പോള്‍, ലക്ഷ്മി റായ് എന്നിവര്‍ പത്ത് ബോഡി ഗാര്‍ഡുമാരെ ചുമതലപ്പെടുത്തിയെന്നും ഇതിന്റെ ചെലവിനായി നിര്‍മാതാക്കളില്‍ നിന്ന് കൂടുതല്‍ പ്രതിഫലം വാങ്ങിയെന്നും പരാതി ഉയരുന്നു. ഈ താരങ്ങള്‍ക്കെതിരെ കര്‍ശന നടപടി സ്വീകരിക്കുമെന്നും ഇത് സംബന്ധിച്ച വിവരം ഔദ്യോഗികമായി അടുത്ത ആഴ്ച പുറത്തുവിടുമെന്നും നിര്‍മാതാക്കളുമായി ബന്ധമുള്ള അടുത്ത വൃത്തങ്ങള്‍ പറഞ്ഞു.
Premium Lifestyle and Entertainment website
.jpg)
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
ന്യൂ ഇയര്‍ ദിവസം മൈഗ്രെയ്ന്‍ കൂടി ആശുപത്രിയില്‍; തലേദിവസം പാര്‍ട്ടി കൂടി പോയതാണെന്ന് ചിന്തിക്കുമോയെന്ന് വിചാരിച്ച് ആശുപത്രിയില്‍ പോകാന്‍ മടിച്ചു;എല്ലാ ദിവസവും ഇഞ്ചക്ഷന്‍ എടുക്കേണ്ട അവസ്ഥ; കുറേക്കാലം ഞാന്‍ മഞ്ഞനിറത്തെ വെറുക്കാന്‍, കാരണം കുട്ടിക്കാലത്തുണ്ടായ മോശം അനുഭവം; ഐശ്വര്യ ലക്ഷ്മിക്ക് പറയാനുള്ളത്