ലോക ക്യാന്‍സര്‍ ദിനമായ ഇന്ന് വൈകാരിക കുറിപ്പ് പങ്കുവെച്ചിരിക്കുകയാണ് നടി സീമ ജി നായര്‍. കാന്‍സര്‍ എന്ന് കേള്‍ക്കുമ്പോള്‍ തന്നെ നെഞ്ചിടിപ്പ് ഏറുമെന്നും .തന്റെ ഏറ്റവും പ്രിയപെട്ടവരെ ഓരോരുത്തരെയായി തന്നില്‍ നിന്നും അടര്‍ത്തി മാറ്റിയ അസുഖമാണ് കാന്‍സര്‍ എന്നും സീമ കുറിച്ചു. കാന്‍സര്‍ വന്നാല്‍ തളരുന്നത്, തകരുന്നത് ഒരു വ്യക്തി മാത്രം അല്ല , ഒരു കുടുംബം ഒന്നാകെ ആണെന്നും സീമ ജീ നായര്‍ ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നു.
ഈ രോഗത്തിന്റെ തീവ്രതയും രോഗം എത്രത്തോളം ഒരാളുടെ ജീവിതത്തെ തകര്‍ക്കുമെന്നും കൃത്യമായി അറിയാവുന്ന ആളാണ് സീമ. തന്റെ മകന്‍ കഴിഞ്ഞാല്‍ ഒരു പക്ഷേ സീമ ഏറ്റവും കൂടുതല്‍ പരിചരിച്ചതും സ്നേഹിച്ചിതും നടി ശരണ്യേ ആയിരുന്നു. ക്യാന്‍സര്‍ ബാധിച്ച താരത്തെ ജീവിതത്തിലേക്ക് മടക്കി കൊണ്ടുവരാന്‍ ഏറെ പരിശ്രമിച്ചു എങ്കിലും സീമ പരാജയപ്പെട്ടു. നന്ദു എന്ന യുവാവിന്റെ അപ്രതീക്ഷിത മരണവും ക്യാന്‍സര്‍ മൂലമാണ്.
സീമ പങ്ക് വച്ചതിങ്ങനെ: ഫെബ്രുവരി നാല് ..ഇന്ന് ലോക കാന്‍സര്‍ ദിനം ..സത്യത്തില്‍ ഈ പേര് കേള്‍ക്കുമ്പോള്‍ തന്നെ ഞെഞ്ചിടിപ്പു ഏറുന്നു ..എന്റെ ഏറ്റവും പ്രിയപെട്ടവരെ ഓരോരുത്തരെയായി എന്നില്‍ നിന്നും അടര്‍ത്തി മാറ്റിയ ഈ അസുഖം ..കാന്‍സര്‍ വന്നാല്‍ തളരുന്നത് ,തകരുന്നത് ഒരു വ്യക്തി മാത്രം അല്ല ..ഒരു കുടുംബം ഒന്നാകെ ആണ് ..സാമ്പത്തിക ഭദ്രത ഇല്ലാത്ത കുടുംബങ്ങള്‍ക്ക് ചിന്തിക്കാവുന്നതിന്റെ മേലെ ആയി കഴിഞ്ഞു ചികിത്സ ഭാരം ..ഉള്ളത് പണയം വെച്ചും ,വിറ്റും ചികിത്സ തേടി കഴിയുമ്പോള്‍ പലരുടെയും ജീവിതം പിടിച്ചു നിര്‍ത്താനും പറ്റുന്നില്ല ..
ഇത് മൂലം സ്വന്തം കിടപ്പാടം നഷ്ടപെട്ട രണ്ടുപേരുടെ പ്രശ്‌നം എന്റെ മുന്നില്‍ കീറാമുട്ടിയായി നില്കുന്നു ..ചില കാന്‍സര്‍ മാത്രം തുടക്കത്തിലേ കണ്ടുപിടിച്ചാല്‍ ഭേദം ആക്കാന്‍ കഴിയുമെന്ന് ,പക്ഷെ പലതും അവസാന നിമിഷം ആണറിയുന്നത് ,സമയവും അപ്പോള്‍ കടന്നു പോയിട്ടുണ്ടാവും ..ഇതിനു പരിപൂര്‍ണമായി ഭേദമാകുന്ന ചികിത്സ ,ചെലവ് കുറഞ്ഞ ചികിത്സ ഇതൊക്കെ ഇതൊക്കെ എന്നാണാവോ ഇവിടെ വരുന്നത് ..
ഏറ്റവും വലിയ ബിസ്സിനസ്സ് ഇടമായി ആശുപത്രികള്‍ വളര്‍ന്നു കഴിഞ്ഞു ,ലക്ഷങ്ങളുടെ കണക്കുകള്‍മാത്രം ആണ് ആശുപത്രികള്‍ക്ക് പറയാന്‍ ഉള്ളത് ..ഇപ്പോളും ഒരു പ്രിയപ്പെട്ടവന്റെ ജീവന്‍ നില നിര്‍ത്താന്‍ ഓടുവാണ് ഞാന്‍ ,ഈശ്വര വിശ്വാസി ആയതു കൊണ്ട് ,ഈശ്വരനെ മുറുകെ പിടിച്ചുകൊണ്ട് ,അവന്റെ ജീവന്‍ തിരിച്ചുകിട്ടുമെന്ന പ്രതീക്ഷയില്‍' സീമ കുറിച്ചു.
Premium Lifestyle and Entertainment website
സായിദ് മസൂദിനും എസ്തപ്പാനും ഒപ്പം രംഗന്‍ ചേട്ടനും; മോഹന്‍ലാല്‍ പങ്ക് വച്ച സോഷ്യല്‍മീഡിയയില്‍ ചൂടന്‍ ചര്‍ച്ച; ഫഹദ് എമ്പുരാനില്‍ ഉണ്ടോയെന്ന് ആരാധകര്‍