പിതൃ ദിനത്തില്‍ നടന്‍ മധുവിനെ വീട്ടില്‍ ചെന്ന് കണ്ട് മോഹന്‍ലാല്‍. പിതൃ ദിനത്തില്‍ മധു സാറിനെ വീട്ടില്‍ ചെന്ന് കാണാന്‍ സാധിച്ചത് സുകൃത നിയോഗമാണെന്നും, അതുവഴി ഈ ദിവസം സാര്‍ത്ഥകമായി എന്നും അദ്ദേഹം കൂട്ടിച്ചെര്‍ത്തു. സമൂഹമാധ്യമത്തില്‍ മധുവിനൊപ്പമുള്ള ചിത്രം പങ്കുവെച്ചുകൊണ്ടാണ് മോഹന്‍ലാല്‍ ഇങ്ങനെ കുറിച്ചത്.
'സ്‌ക്രീനില്‍ എത്രയോ വട്ടം എനിക്ക് അച്ഛനായിട്ടുണ്ട് മധു സര്‍. ജീവിതത്തിലും എനിക്ക് പിതൃതുല്യനാണ് അദ്ദേഹം. അഭിനയത്തില്‍ ഗുരുതുല്യനും. ഇന്ന് ഈ പിതൃ ദിനത്തില്‍ തന്നെ അദ്ദേഹത്തെ തിരുവനന്തപുരത്തെ വീട്ടില്‍ സന്ദര്‍ശിക്കാനായത് ഒരു സുകൃത നിയോഗം. അങ്ങനെ ഈ പകലും സാര്‍ത്ഥകമായി.' മധുവിനൊപ്പമുള്ള ചിത്രം പങ്കുവച്ചുകൊണ്ട് മോഹന്‍ലാല്‍ കുറിച്ചു.
നിരവധി ചിത്രങ്ങളില്‍ അച്ഛനും മകനുമായി അഭിനയിച്ച താരങ്ങളാണ് മുതിര്‍ന്ന നടന്‍ മധുവും മോഹന്‍ലാലും. 2005ല്‍ പുറത്തിറങ്ങിയ 'നരന്‍' ഉള്‍പ്പടെ പതിനെട്ടോളം ചിത്രങ്ങളില്‍ ഇരുവരും ഒരുമിച്ച് അഭിനയിച്ചിട്ടുണ്ട്. അതില്‍ മിക്ക ചിത്രങ്ങളിലും അച്ഛനും മകനുമായാണ് അഭിനയിച്ചിട്ടുള്ളത്.
കണ്ണമ്മൂലയിലെ മധുവിന്റെ വീട്ടിലാണ് താരം എത്തിയത്.വൈകിട്ട് നാലോടെഎത്തിയ മോഹന്‍ലാല്‍ മുക്കാല്‍ മണിക്കൂറോളം സംസാ രിച്ചിരുന്നു.ഇടയ്ക്ക് ഗ്രീന്‍ടീ മധുനല്‍കിയത് ലാല്‍ ആസ്വദിച്ച് കുടിച്ചു.പിന്നെഒരുമിച്ച് ഏതാനും ഫോട്ടോകള്‍ എടുത്തു. ഉടനെതന്നെ ഒപ്പം അഭിനയിക്കാനാകുമെന്ന് ആശംസിച്ചാണ് മോഹന്‍ലാല്‍ യാത്രയായത്.
Premium Lifestyle and Entertainment website
ഇതിന്റെയൊക്കെ ആവശ്യമുണ്ടോ, കുറച്ച് ഓവറല്ലേ; യാത്രക്കിടെ നടി ദേവിക ഛര്‍ദ്ദിച്ച് അവശയായ വീഡിയോ കണ്ടന്റ് ആക്കിയ ഗായകന്‍ വിജയ് മാധവിന് വിമര്‍ശനവുമായി സോഷ്യല്‍മീഡിയ
ബാംഗ്ലൂരില്‍ ജനിച്ചു വളര്‍ന്ന ഒരു മോഡേണ്‍ പെണ്‍കുട്ടി; മധുരനൊമ്പരക്കാറ്റിലെത്തിയത് തനി നാടന്‍ പെണ്ണായി; സീ കേരളത്തിലെ ഹിറ്റ് സീരിയലില്‍ നിത്യായെത്തുന്ന നടി വിഭിഷ ജാനുവിന്റെ യഥാര്‍ത്ഥ ജീവിതം.