ആര്യ ബഡായിയുടെ മകള്‍ ഖുഷിയുടെ പതിമൂന്നാം പിറന്നാള്‍ ആഘോഷമാക്കിയിരിക്കുകയാണ്. ഇതിന്റെ വീഡിയോ ആര്യ സോഷ്യല്‍മീഡിയ വഴി പങ്ക് വച്ചത് നീണ്ട കുറിപ്പുമായാണ്. ദിവസം ആര്യയ്ക്ക് ജീവിതത്തില്‍ മറക്കാന്‍ കഴിയാത്ത ഒരു സ്പെഷ്യല്‍ ഡേ ആണ്. എന്നാല്‍ 2025 ലേക്ക് എത്തുമ്പോള്‍ ഒരുപാട് മാറ്റങ്ങള്‍ സംഭവിച്ചു, തന്റെ രണ്ടാമത്തെ കുട്ടിയുടെ രണ്ടാം പിറന്നാളായും ഈ ദിവസത്തെ ആര്യ കണക്കാക്കുന്നു. അതെ ആദ്യത്തെ മകള്‍ ഖുഷിയാണെങ്കില്‍, രണ്ടാമത്തെ കുഞ്ഞായി ആര്യ കാണുന്നത് തന്റെ കാഞ്ചീവരം എന്ന ബിസിനസ് സംരംഭമാണ്. കൊച്ചിയിലെ സ്ഥാപനത്തിന്റെ രണ്ടാം വാര്‍ഷികം കൂടെയായിരുന്നു ഇന്നലെ.
ഇരുപതാം വയസ്സിലായിരുന്നു ആര്യയുടെ വിവാഹം. രോഹിത് സുശീലുമായുള്ള വിവാഹത്തില്‍, ഇരുപത്തിയൊന്നാം വയസ്സില്‍ ആര്യയ്ക്ക് മകള്‍ പിറന്നു. മകള്‍ക്ക് രണ്ട് വയസ്സ് പൂര്‍ത്തിയാവുമ്പോഴേക്കും വേര്‍പിരിയലും സംഭവിച്ചു. ചെറിയ പ്രായത്തില്‍ തന്നെ വിവാഹവും വിവാഹ മോചനവും എല്ലാം കഴിഞ്ഞുവെങ്കിലും അവിടെയൊന്നും ആര്യ തോല്‍വി സംമ്മതിച്ചില്ല. കരിയരില്‍ കൂടുതല്‍ ശോഭിക്കുന്നതിനൊപ്പം, ബിസിനസ് രംഗത്തേക്കും ഇറങ്ങി.
ഇന്നൊരു ടീനേജ് പെണ്‍കുട്ടിയുടെ അമ്മയായി നില്‍ക്കുമ്പോള്‍ ആര്യ ഏറെ അഭിമാനിക്കുന്നു. അത് നടിയുടെ ഇന്‍സ്റ്റഗ്രാം പോസ്റ്റില്‍ വ്യക്തമായി കുറിച്ചിട്ടുണ്ട്.'18-2-2025- എന്റെ ജീവിതത്തിലെ അത്ഭുതകരമായ മറ്റൊരു ഫെബ്രുവരി 18. എന്റെ കുഞ്ഞ് പതിമൂന്ന് വയസ്സിലേക്ക് കടക്കുമ്പോള്‍ എനിക്ക് ടീനേജ് പെണ്‍കുട്ടിയുടെ അമ്മയായി പ്രമോഷന്‍ കിട്ടി. ഇപ്പോള്‍ എന്റെയുള്ളില്‍ ഒരുപാട് ഇമോഷന്‍സ് ഒഴുകുകയാണ്. സുന്ദരിയായ ഒരു പെണ്‍കുട്ടിയുടെ അമ്മയായിട്ടുള്ള 13 വര്‍ഷത്തെ എന്റെ യാത്രയ്ക്കൊപ്പം, കാഞ്ചീവരം ഡോട്ട് ഇന്‍ എന്ന എന്റെ രണ്ടാമത്തെ കുട്ടിയുടെ കൊച്ചി എഡിഷന്റെ രണ്ട് വര്‍ഷവും തികയുന്നു
ഈ യാത്രയില്‍ എന്റെ മനസ്സ് സന്തോഷം കൊണ്ട് നിറയുന്ന ഒരുപാട് സംഭവങ്ങള്‍ ഉണ്ടായിട്ടുണ്ട്. എന്റെ ഈ ജീവിതത്തില്‍ അത്ഭുതകരമായ ചില ആളുകളെ സമ്മാനിച്ചതിന് നന്ദിയുണ്ട്. എന്റെ മകള്‍ക്ക് ഞാന്‍ നല്ല ഒരു അമ്മയോ, എന്റെ സംരംഭത്തിന് ഞാന്‍ നല്ല ഒരു ഉടമയോ ആയിരിക്കില്ല. പക്ഷേ എന്റെ ജീവിതത്തിലേക്ക് വന്ന ആ ആളുകള്‍ എന്റെ പോരായ്മികള്‍ സ്വീകരിക്കുകയും, ഉയരത്തിലേക്ക് പറക്കാന്‍ എന്നെ പ്രേരിപ്പിച്ച് എനിക്കൊപ്പം പാറപോലെ ഉറച്ചുനിന്നു.
സംരംഭക എന്ന നിലയിലുള്ള എന്റെ പുതിയ തുടക്കവും, മാതൃത്വത്തിന്റെ പുതിയ യാത്രയുടെ തുടക്കവുമാണ് (ടീനേജ് പെണ്‍കുട്ടിയുടെ അമ്മ എന്നത് ചെറിയ കാര്യമല്ല എന്ന് നിങ്ങള്‍ക്ക് അറിയാമല്ലോ) . ജീവിതത്തിന്റെ ഈ പുതിയ ഘട്ടത്തില്‍ എന്തൊക്കെയാണോ സംഭവിക്കാന്‍ പോകുന്നത് അതിന് ഞാന്‍ തയ്യാറായി നില്‍ക്കുകയാണ്. എന്റെ കുഞ്ഞിന് ഗംഭീരമായ ഒരു ടീനേജ് കാലം ലഭിക്കട്ടെ എന്നാശംസിക്കുന്നു. രണ്ടാമത്തെ കുട്ടിയായ കാഞ്ചീവരം ഡോട്ട് ഇന്നിനും ആശംസകള്‍. കൂടുതല്‍ മികച്ച വലിയ യാത്രയ്ക്ക് എല്ലാ സ്നേഹവും പിന്തുണയും, വിരലുകള്‍ കൂട്ടി, ഹൃദയം നിറഞ്ഞു. ഈ ദിവസത്തിന് എന്നന്നേക്കും നന്ദി' ആര്യ കുറിച്ചു.
Premium Lifestyle and Entertainment website
ഗര്‍ഭിണികള്‍ ഈ വ്യായാമങ്ങള്‍ നിര്‍ബന്ധമായും ഒഴിവാക്കണം; ഏതൊക്കെയെന്ന് അറിയാം
ഗ്യാസ്ട്രബിള്‍ നിങ്ങള്‍ക്കൊരു ശല്യമാണോ....