സോഷ്യല്‍ മീഡിയയില്‍ ഏറെ സജീവമാണ് നടി അഹാന കൃഷ്ണ. യൂട്യൂബ് ചാനലും ഇന്‍സ്റ്റഗ്രാം റീലുകളുമൊക്കെയായി എപ്പോഴും സമൂഹമാധ്യമങ്ങളില്‍ നിറഞ്ഞുനില്‍ക്കുന്ന ഒരാള്‍. അഹാനയുടെ 30-ാം ജന്മദിനമാണ് ഇന്ന്. പിറന്നാള്‍ ദിനത്തില്‍ മകള്‍ക്ക് ആശംസകള്‍ നേര്‍ന്ന് സിന്ധു കൃഷ്ണ പങ്കുവച്ച കുറിപ്പാണ് ശ്രദ്ധ നേടുന്നത്.
'മൂന്ന് ദശാബ്ദങ്ങളായി, എന്റെ ഒരു ഭാഗം എന്നില്‍ നിന്ന് വേറിട്ട് വളര്‍ന്ന്, എന്റെ കൂട്ടുകാരിയായും, ഏറ്റവും അടുത്ത സ്‌നേഹിതയായും, എന്റെ സംരക്ഷകയായും, സ്വന്തം സ്വപ്നങ്ങള്‍ക്ക് മുന്‍പേ എന്റെ സ്വപ്നങ്ങള്‍ യാഥാര്‍ത്ഥ്യമാക്കാന്‍ ആഗ്രഹിക്കുന്ന ഒരാളായും, ശക്തമായി നിലകൊള്ളുന്നു... നീ എന്റെ ജീവിതത്തിലേക്ക് വളരെ നേരത്തെ വന്നു... പക്ഷേ, അതായിരുന്നു എന്റെ വിവാഹ ജീവിതത്തിലെ ഏറ്റവും നല്ല ഭാഗം... എന്നെ കാത്തുസൂക്ഷിക്കാനും എന്റെ എല്ലാ ആഗ്രഹങ്ങളും സഫലമാക്കാന്‍ കഠിനമായി പരിശ്രമിക്കാനും വിധി എനിക്കൊരു മകളുടെ രൂപത്തില്‍ ഒരു 'ഫെയറി ഗോഡ് മദറിനെ' നല്‍കാന്‍ ആഗ്രഹിച്ചു...
ശക്തയും, താങ്ങും തണലുമായി നിലകൊള്ളുന്ന മകളും, പേരക്കുട്ടിയും, ചേച്ചിയുമായി നീയിരുന്നതിന് അമ്മു, നിനക്ക് നന്ദി... എല്ലാ അമ്മമാര്‍ക്കും അവരുടെ ജീവിതത്തില്‍ ഒരു അമ്മു ഉണ്ടായിരുന്നെങ്കില്‍ എന്ന് ആഗ്രഹിച്ചിരുന്നു എന്ന് ഞാന്‍ പലപ്പോഴും കേട്ടിട്ടുണ്ട്.
നീ എപ്പോഴും ചെയ്യുന്നതുപോലെ സന്തോഷവതിയായിരിക്കുക, ആരോഗ്യത്തോടെയിരിക്കുക, പോസിറ്റിവിറ്റി പരത്തുക... എന്നെ സന്തോഷിപ്പിക്കാനായി നീ ഒരുക്കിവെച്ച കൊച്ചുകൊച്ചു കാര്യങ്ങള്‍ക്കെല്ലാം നന്ദി. എന്റെ എല്ലാ ആഗ്രഹങ്ങളും പൂര്‍ത്തിയായിരിക്കുന്നു. ഇനി വരാനിരിക്കുന്നത് ജീവിതത്തിന്റെ സൗമ്യമായ ബോണസ് മാത്രമാണ്... നിന്നോടൊപ്പം കൂടുതല്‍ നല്ല ഓര്‍മ്മകള്‍ ഉണ്ടാക്കാന്‍ ഞാന്‍ കാത്തിരിക്കുന്നു.ഹാപ്പി ബര്‍ത്ത്‌ഡേ അമ്മുക്കുട്ടി!,' സിന്ധു കൃഷ്ണ കുറിച്ചു.
തന്റെ മൂന്നു സഹോദരിമാര്‍ക്കൊപ്പമുള്ള ചിത്രം പങ്കിട്ടാണ് അഹാന ജന്മദിനത്തില്‍ കുറിപ്പ് പങ്ക് വച്ചത്.താനും മൂന്ന് സഹോദരിമാരും ഇരുപതുകളില്‍ നില്‍ക്കുന്നു എന്നും അടുത്ത ദിവസം താന്‍ മുപ്പതുകളിലേക്ക് കടക്കുമെന്നുമാണ് അഹാന കുറിക്കുന്നത്.
'10 വര്‍ഷത്തിന്റെ ചുരുക്ക വിവരണം 13 ദിവസത്തില്‍, ഇപ്പോള്‍ ഞങ്ങള്‍ നാലുപേരും ഇരുപതുകളില്‍ ഒന്നിച്ചു ജീവിക്കുന്നു... ഹന്‍സു 12 ദിവസം മുമ്പ് അവളുടെ ഇരുപതുകളിലേക്ക് കാലെടുത്തുവച്ചു, നാളെ ഞാന്‍ അതില്‍ നിന്ന് പുറത്തുകടക്കുന്നു...അടുത്ത തവണ ഞങ്ങള്‍ നാലുപേരും ഒരേ പ്രായപരിധിയില്‍ എത്തുന്നത് 10 വര്‍ഷത്തിനു ശേഷമാണ്. അപ്പോള്‍ ഹന്‍സുവിന് 30 വയസ്സും എനിക്ക് 39 വയസ്സും ആയിരിക്കും...' എന്ന ക്യാപ്ഷന്‍ നല്‍കിയാണ് അഹാനയുടെ പോസ്റ്റ്.
താരത്തിന്റെ പോസ്റ്റിനു താഴെ സഹോദരിമാരുടെ ചിത്രങ്ങള്‍ക്ക് സ്‌നേഹവും പ്രാര്‍ത്ഥനയും ആശംസകളും കുറിച്ചു കൊണ്ടുള്ള കമന്റുകള്‍ നല്‍കുന്നുണ്ട്.
യാത്രകളില്‍ ഏറെ സന്തോഷം കണ്ടെത്താറുള്ള അഹാന തന്റെ യാത്ര വിശേഷങ്ങള്‍ എല്ലാം തന്നെ യൂട്യൂബ് ചാനലിലൂടെയും വ്‌ലോഗിലൂടെയും പങ്കിടാറുണ്ട്. നാന്‍സി റാണിയായിരുന്നു അഹാനയുടേതായി ഏറ്റവും ഒടുവില്‍ പുറത്തിറങ്ങിയ ചിത്രം.
Premium Lifestyle and Entertainment website
നാലുമണി പലഹാരമായി ഉന്നക്കായ ഉണ്ടാക്കിയാലോ?
കാപ്പി പൊടി മുഖ സംരക്ഷണത്തിനും പ്രകൃതിദത്ത സ്‌ക്രബ് ആയും
വീട്ടില്‍ പതുങ്ങി ഇരിക്കുന്ന അണുക്കള്‍; ശ്രദ്ധിക്കണം വീടിന്റെ ഈ ഭാഗങ്ങളില്‍ എല്ലാം