കുഞ്ചാക്കോ ബോബന്‍ നായകനായെത്തുന്ന ചിത്രം തട്ടുപുറത്ത് അച്യുതന്‍ ഒഫീഷ്യല്‍ ട്രെയിലര്‍ പുറത്ത് വിട്ടു...!

ലാല്‍ ജോസ്-കുഞ്ചാക്കോ ബോബന്‍ കൂട്ടുകെട്ടില്‍ ഒരുങ്ങുന്ന പുതിയ ചിത്രം തട്ടുപുറത്ത് അച്യുതന്‍ ഒഫീഷ്യല്‍ ട്രെയിലര്‍ പുറത്ത് വിട്ടു. ഷെബിന്‍ ബക്കര്‍ പ്രൊഡക്ഷന്‍സ് നിര്‍മ്മിക്കുന്ന ചിത്രം ലാല്‍ ജോസിന്റെ തന്നെ എല്‍ജെ ഫിലിംസാണ് വിതരണത്തിനെത്തിക്കുന്നത്. ചിത്രത്തിന് ക്ലീന്‍ യു സര്‍ട്ടിഫിക്കറ്റാണ് ലഭിച്ചിരിക്കുന്നത്. ചിത്രം ഡിസംബര്‍ 22 ന് റിലീസ് ചെയ്യും.

എല്‍സമ്മ എന്ന ആണ്‍കുട്ടി,പുള്ളിപുലികളും ആട്ടിന്‍കുട്ടിയും എന്നീ സിനിമകള്‍ക്കു ശേഷം ലാല്‍ജോസും കുഞ്ചാക്കോബോബനും വീണ്ടും ഒന്നിക്കുന്ന ചിത്രമാണ് തട്ടുപുറത്ത് അച്യുതന്‍.ആദ്യ രണ്ടു ചിത്രങ്ങള്‍ക്കും തിരക്കഥയെഴുതിയ സിന്ധുരാജാണ് ഇവരുടെ പുതിയ ചിത്രത്തിനും കഥയെഴുതിയിരിക്കുന്നത്.

പ്രണയഹാസ്യകുടുംബ ചിത്രമാണ് തട്ടുംപുറത്ത് അച്യുതന്‍. വിജയരാഘവന്‍, നെടുമുടി വേണു, ഹരീഷ് കണാരന്‍, കൊച്ചു പ്രേമന്‍, രാജേഷ് എന്നിവരും പ്രധാന വേഷത്തിലെത്തുന്നുണ്ട്. പുതുമുഖമാണ് നായിക. പുള്ളിപ്പുലിയും ആട്ടിന്‍കുട്ടികളും എന്ന ചിത്രത്തിന്റെ നിര്‍മ്മാതാവായ ഷെബിന്‍ ബക്കര്‍ തന്നെയാണ് ഈ ചിത്രത്തിന്റെ നിര്‍മാണം.