സിനിമാരംഗത്തെ പ്രമുഖരെ ഞെട്ടിച്ച സെല്‍ഫിയുമായി സൗബിന്‍..!

സംസ്ഥാന അവാര്‍ഡ് തിളക്കത്തില്‍ ഇപ്പോള്‍ നില്‍ക്കുന്ന നടനാണ് സൗബിന്‍ ഷാഹിര്‍. കുമ്പളങ്ങി നൈറ്റ്‌സ് എന്ന സൗബിന്‍ ചിത്രം തീയറ്ററില്‍ ഏറെ ശ്രദ്ധിക്കപ്പെട്ടതിന് പിന്നാലെ നിരവധി കഴിവുകളുള്ള ഒരു കലാകാരനാണ് താരം എന്ന് സിനിമാലോകത്തെ പലരും പറഞ്ഞിരുന്നു. ഇപ്പോള്‍ സൗബിന്റെ ക്രിയാത്മകമായ കഴിവില്‍ പിറന്ന ഒരു ഫോട്ടോ താരം പങ്കുവച്ചത് കണ്ട് ആരാധകരും വാ പൊളിക്കുകയാണ്. തന്റെ കൈയിലുള്ള മൊബൈലില്‍ സെല്‍ഫിയെടുത്ത താരത്തിന്റെ ചിത്രമാണ് ഇത്. എന്നാല്‍ അഞ്ചു മിനിറ്റ് എങ്കിലും സൂക്ഷിച്ച് നോക്കിയാല്‍ മാത്രമേ താരം ഈ പ്രത്യേക സെല്‍ഫി എടുത്തത് എങ്ങനെയെന്ന് മനസിലാക്കാന്‍ പറ്റൂ. ഇതോടെ എങ്ങനെയാണ് ഈ ചിത്രം എടുത്തത് എന്നറിയാന്‍ സിനിമാരംഗത്തെ പ്രമുഖര്‍ ഉള്‍പെടെയുള്ളവര്‍ കമന്റുകള്‍ ഇടുകയാണ്.

കഴിഞ്ഞ ദിവസമാണ് കാറിനുള്ളില്‍ ഇരിക്കുന്ന ഒരു ചിത്രത്തിന്റെ സെല്‍ഫി താരം സോഷ്ല്‍മീഡിയയില്‍ പങ്കുവച്ചത്. ആദ്യം നോക്കുമ്പോള്‍ ഒരു സെല്‍ഫിക്കപ്പുറം ചിത്രത്തില്‍ ഒന്നുമില്ല. എന്നാല്‍ പിന്നീട് സൂക്ഷിച്ച് നോക്കിയാല്‍ സൗബിന്‍ കൈയില്‍ പിടിച്ചിരിക്കുന്ന ഫോണിന്റെ ഉള്ളിലെ മറ്റൊരു ഫോണിലാണ് ഈ ചിത്രം ഉള്ളതെന്നാണ് കാണുക. ഇത് ആദ്യം കാണുന്നവര്‍ക്ക് ഒന്നും തോന്നില്ല പക്ഷേ രണ്ടാമതും നോക്കിയാല്‍ ഞെട്ടുമെന്ന് തീര്‍ച്ച. ഇങ്ങനെ ഞെട്ടുകയും അമ്പരക്കുകയും ചെയ്ത പലരും എങ്ങനെയാണ് സെല്‍ഫി എടുത്തതെന്ന് ചോദിച്ചു. നടി അപര്‍ണ ബാലമുരളിയും സാനിയ ഇയ്യപ്പനും ഉള്‍പെടെയുള്ളവര്‍ ഇങ്ങനെ കമന്റിട്ടിരുന്നു. നിരവധി ലൈക്കും ഷെയറും കമന്റും കിട്ടിയ ചിത്രം സൗബിന്‍ എങ്ങനെ പകര്‍ത്തിയെന്ന് ചില വിരുതന്‍മാര്‍ കണ്ടെത്തുകയും അത് കമന്റായി ഇടുകയും ചെയ്തിട്ടുണ്ട്. 

മൂന്നു വട്ടമായി എടുത്ത ചിത്രമാണ് ഇത്. സൂക്ഷിച്ച് നോക്കിയാല്‍ മാത്രമേ ഇത് മനസിലാകുകയുള്ളു. ആദ്യം മടിയില്‍ ഫോണ്‍ വച്ച് സൗബിന്‍ ഒരു മൊബൈലില്‍ തന്റെ സെല്‍ഫി പകര്‍ത്തി. പിന്നീട് ഈ ചിത്രം കൈയില്‍ പിടിച്ച് മറ്റൊരു ഫോണ്‍ ഉപയോഗിച്ച് ഈ ചിത്രം പകര്‍ത്തി. പിന്നീട് മൂന്നാമതൊരു ഫോണ്‍ ഉപയോഗിച്ച് അതേ ആംഗിളില്‍ മറ്റൊരു ചിത്രം പകര്‍ത്തുകയുമാണ് ചെയ്തിരിക്കുന്നത്. മൂന്നുവട്ടമായി മൊബൈലില്‍ ചിത്രം പകര്‍ത്തിയെന്ന് സാരം. എന്തായാലും ഇങ്ങനെയും തലപുകഞ്ഞ് ആലോചിച്ച് സെല്‍ഫിയെടുത്ത സൗബിനെ പ്രശംസിക്കാനും ആരാധകര്‍ മറക്കുന്നില്ല. രണ്ടര ലക്ഷത്തോളം ലൈക്കുകളും നിരവധി കമന്റുകളും ചിത്രത്തിന് ലഭിച്ചുകഴിഞ്ഞു.