പതിനെട്ടാം പടി കയറാനൊരുങ്ങി ജോണ്‍ എബ്രഹാം പാലയ്ക്കല്‍; മമ്മൂട്ടി നായകനായ പതിനെട്ടാം പടി എന്നു പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ ഏറ്റെടുത്ത് ആരാധകര്‍

മമ്മൂട്ടി നായകനായി എത്തുന്ന ഏറ്റവും പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തു വിട്ടു. ജോണ്‍ എബ്രഹം പാലയ്ക്കല്‍ എന്ന കഥപാത്രമായാണ് ചിത്രത്തില്‍ മമ്മൂട്ടിയെത്തുക.പതിനട്ടാം പടി എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ ഓഗസ്റ്റ് സിനിമാസ് ആണ് പുറത്തു വിട്ടിരിക്കുന്നത്. മമ്മൂക്ക ബിക്കമ്‌സ് ദി മാസ്റ്റര്‍ മൈന്‍ഡ് എന്ന ക്യാപ്ഷനേടുകൂടിയാണ് ഓഗസ്റ്റ് സിനിമാസിന്റെ പേജില്‍ പോസ്റ്റര്‍ പങ്കുവെച്ചിരിക്കുന്നത്. 

ചിത്രത്തിന്റെ സംവിധാനം നിര്‍വ്വഹിച്ചിരിക്കുന്നത് ശങ്കര്‍ രാമകൃഷ്ണനാണ്. ഓഗസ്റ്റ് സിനിമാസാണ് ചിത്രത്തിന്റെ നിര്‍മ്മാതാക്കള്‍. പ്രശസ്ത തിരക്കഥാകൃത്തും നടനുമായ ശങ്കര്‍ രാമകൃഷ്ണന്‍ സംവിധാനം ചെയ്യുന്ന രണ്ടാമത്തെ ചിത്രമാണ് പതിനട്ടാം പടി. ശങ്കര്‍ തന്നെയാണ് തിരക്കഥയും നിര്‍വ്വഹിച്ചിരിക്കുന്നത്. കേരള കഫേക്ക് പുറമെ ഉറുമി, നത്തോലി ഒരു ചെറിയ മീനല്ല, മൈ സ്റ്റോറി എന്നീ സിനിമകള്‍ക്കും അദ്ദേഹം തിരക്കഥ എഴുതിയിട്ടുണ്ട്.

തികച്ചും സ്‌റ്റൈലിഷായി തന്നെയാണ് പതിനെട്ടാം പടിയുടെ ഫസ്റ്റ് ലുക്ക് പോസ്റ്ററിലും മമ്മൂട്ടി പ്രത്യക്ഷപ്പെടുന്നത്. ചിത്രത്തിന്റെ പോസ്റ്ററിലും സ്‌റ്റെലിഷ് ആയിട്ടാണ് മമ്മൂക്ക പ്രത്യക്ഷപ്പെട്ടിരിക്കുന്നത്.