കരണ്‍ ജോഹറിന്റെ അന്‍പതാം പിറന്നാള്‍ ബോളിവുഡ് ആഘോഷമാക്കി. മുംബൈയിലെ യാഷ് രാജ് സ്റ്റുഡിയോസില്‍ വച്ച് നടന്ന പിറന്നാള്‍ ആഘോഷത്തില്‍ ആമിര്‍ ഖാന്‍, സല്‍മാന്‍ ഖാന്‍, ഹൃതിക് റോഷന്‍, രണ്‍ബീര്‍ കപൂര്‍, വിജയ് ദേവരകൊണ്ട, സെയ്ഫ് അലിഖാന്‍, കജോള്‍, അനുഷ്‌ക ശര്‍മ, രശ്മിക മന്ദാന, ജാന്‍വി കപൂര്‍, ഗൗരി ഖാന്‍, കത്രീന കെയ്ഫ്, റാണി മുഖര്‍ജി തുടങ്ങി ഒട്ടേറെ പ്രമുഖര്‍ അണിനിരന്നു.
ബോളിവുഡ് സെലിബ്രിറ്റികളില്‍ പലരും ആശംസകള്‍ നേരാനും പാര്‍ട്ടിയില്‍ പങ്കെടുക്കാനുമായി എത്തിയിരുന്നു. സെലിബ്രിറ്റികളില്‍ കൂടുതല്‍ പേരും ബര്ത്ത്ഡേ പാര്‍ട്ടിയില്‍ കുടുംബത്തെക്കൂടി ഉള്‍പ്പെടുത്തിയാണ് എത്തിയത്. അവരില്‍ പലരുടെയും അടുത്ത സുഹൃത്താണ് കരണ്‍. ഗോസിപ്പ് കോളങ്ങളില്‍ നിറഞ്ഞുനില്‍ക്കുന്ന ചില മുഖങ്ങളും ആ കൂട്ടത്തില്‍ ഉണ്ടായിരുന്നു.
ഹൃത്വികും കാമുകി സബയും പാര്‍ട്ടിയിലേക്ക് എത്തിയത് കൈകോര്‍ത്ത് പിടിച്ച് യുവമിഥുനങ്ങളെപ്പോലെയായിരുന്നു. ഹൃത്വിക് എല്ലാവര്‍ക്കും സബയെ പരിചയപ്പെടുത്തിക്കൊടുക്കുന്നുണ്ടായിരുന്നു. ബ്ലാക്ക് ഔട്ട്ഫിറ്റില്‍ രണ്ടുപേരും ഹോട്ട് കപ്പിള്‍സിനെപ്പോ?ലെ തിളങ്ങുകയായിരുന്നു. ഒരു മികച്ച പങ്കാളിയെപ്പോലെ കൂടെ നിന്ന സബയെ തന്റെ ഭാവിവധുവായി തന്നെയാണ് ഹൃത്വിക് പരിഗണിക്കുന്നത്.
നടിയും ഗായികയുമായ സബ ഏറെനാളുകളായി ഹൃത്വിക്കിനൊപ്പമുണ്ട്. ഇരുവരും ഡേറ്റിങ്ങിലാണെന്നാണ് ബിടൗണ്‍ സംസാരം. ഹൃത്വിക്കിന്റെ കുടുംബാംഗങ്ങളുമായും ഏറെ അടുപ്പത്തിലാണ് സബ.ഹൃത്വിക്കിന്റെ മുന്‍ ഭാര്യ സൂസെയ്നും സബയെ ഇഷ്ടമാണ്. സബയുടെ ഇന്‍സ്റ്റഗ്രാമിലെ പോസ്റ്റുകള്‍ക്കും വീഡിയോകള്‍ക്കുമൊക്കെ സൂസെയ്ന്‍ മറുപടി നല്‍കാറുണ്ട്. ഹൃത്വിക്കും സബയും ഉടന്‍ വിവാഹിതരാകുമെന്നാണ് റിപ്പോര്‍ട്ടുകള്‍.
എന്നാല്‍ ഇത് സംബന്ധിച്ച് ഔദ്യോഗിക സ്ഥിരീകരണമൊന്നും ലഭിച്ചിട്ടില്ല. ഇരുവരും ഒന്നിച്ചുള്ള ഡിന്നര്‍ ഡേറ്റിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായതോടെയാണ് ഹൃത്വിക്-സബ ബന്ധം ഗോസിപ്പ് കോളങ്ങളില്‍ ഇടംപിടിയ്ക്കുന്നത്.
ഹൃത്വിക്കിന്റെ ആദ്യ ഭാര്യ സൂസെയ്ന്‍ ഖാനും പാര്‍ട്ടിയില്‍ പങ്കെടുക്കാന്‍ എത്തിയിരുന്നു. കാമുകന്‍ അര്‍സ്ലാന്‍ ഗോണിക്കൊപ്പമാണ് സൂസെയ്ന്‍ എത്തിയത്. സൂസെയ്നും അര്‍സ്ലാന്‍ ഗോണിയുമായുള്ള ബന്ധം പരസ്യമായതിനു ശേഷമാണ് ഹൃത്വിക്കും തന്റെ കാമുകിയെ മാധ്യമങ്ങള്‍ക്ക് പരിചയപ്പെടുത്തി കൊടുത്തത്. വിവാഹമോചിതരായെങ്കിലും സൂസെയ്നും ഹൃത്വികും തമ്മില്‍ നല്ല സൗഹൃദം കാത്തുസൂക്ഷിക്കുന്നുണ്ട്. മക്കളോടൊപ്പം ഇരുവരും പിറന്നാള്‍ ആഘോഷിക്കുകയും യാത്രകള്‍ക്ക് വേണ്ടി സമയം ചെലവഴിക്കാറുണ്ട്.
കരണിന്റെ ബര്ത്ത്ഡേ പാര്‍ട്ടിയില്‍ അഭിഷേക് ബച്ചന്‍, ഐശ്വര്യ റായ്, മാധുരി ദീക്ഷിത്, വിക്കി കൗശാല്‍, കത്രീന കൈഫ്, ആമിര്‍ ഖാന്‍-കിരണ്‍ റാവു, സെയ്ഫ് അലി ഖാന്‍, കരീന കപൂര്‍, രണ്‍ബീര്‍ കപൂര്‍, സല്‍മാന്‍ ഖാന്‍, കജോള്‍, മലൈക അറോറ, പ്രീതി സിന്റ, ജാന്‍വി കപൂര്‍, ഹൃത്വിക് റോഷന്‍, രവീണ ഠണ്ടണ്‍, ഷാഹിദ് കപൂര്‍, മിറ രാജ്പുത്, രാകുല്‍ പ്രീത് സിങ്, റിതേഷ് ദേശ്മുഖ്, ജെനീലിയ ഡിസൂസ, സൂസെയ്ന്‍ ഖാന്‍ എന്നു തുടങ്ങി സെലിബ്രിറ്റികളുടെ ഒരു വലിയ നിര തന്നെ പാര്‍ട്ടിയിലെ വിശിഷ്ടാതിഥികളായിരുന്നു.
ബോളിവുഡിലെ ഒരു സെലിബ്രിറ്റി കപ്പിളിന്റെ വിവാഹത്തേക്കാള്‍ വാര്‍ത്താപ്രാധാന്യത്തോടെയായിരുന്നു കരണ്‍ ജോഹറിന്റെ പിറന്നാള്‍ ബിടൗണ്‍ മാധ്യമങ്ങള്‍ ആഘോഷിച്ചത്.കരണ്‍ ജോഹറിന്റെ വിവാഹമോചിതരായ ആമിര്‍ ഖാനും കിരണ്‍ റാവുവും ഒരുമിച്ചാണ് പാര്‍ട്ടിയില്‍ പങ്കെടുത്തതും ഫോട്ടോയ്ക്ക് പോസ് ചെയ്തതുമെല്ലാം. നടി രാകുല്‍ പ്രീത് സിങ്ങും കാമുകന്‍ ജാക്കി ഭഗ്‌നാനിയുമായിരുന്നു മറ്റൊരു ജോടി.
കരിയറിലെ ആദ്യ ആക്ഷന്‍ ചിത്രം ഒരുക്കുമെന്നാണ് അന്‍പതാംപിറന്നാളില്‍ കരണ്‍ ആരാധകര്‍ക്കായി നടത്തിയ പ്രഖ്യാപനം. ആലിയ ഭട്ട്, രണ്‍വീര്‍ സിങ് എന്നിവര്‍ പ്രധാന വേഷത്തില്‍ അവതരിപ്പിക്കുന്ന റോക്കി ഔര്‍ റാണി കീ പ്രേം കഹാനി റീലീസും കരണ്‍ പ്രഖ്യാപിച്ചിട്ടുണ്ട്. റോക്കി ഔര്‍ റാണിയില്‍ ധര്‍മേന്ദ്ര, ജയ ബച്ചന്‍, ഷബാന അസ്മി എന്നിവരും പ്രധാന വേഷങ്ങളില്‍ എത്തുന്നുണ്ട്...
അടുത്ത വര്‍ഷം റോക്കി ഔര്‍ റാണി പുറത്തിറങ്ങും. അതിനുശേഷം ശേഷമാകും താന്‍ സംവിധാനം ചെയ്യുന്ന ആദ്യ ആക്ഷന്‍ ചിത്രം തുടങ്ങുകയുകയെന്നും കരണ്‍ അറിയിച്ചു. 2023 ഏപ്രിലില്‍ ചിത്രത്തിന്റെ ഷൂട്ടിങ് തുടങ്ങും. ചിത്രത്തില്‍പ്രധാന വേഷങ്ങളില്‍ ആരൊക്കെയായിരിക്കുമെന്ന് കരണ്‍ വ്യക്തമാക്കിയിട്ടില്ല.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം