ഒറ്റ ദിവസംകൊണ്ടുതന്നെ തരംഗമായി മാറിയിരിക്കുകയാണ് സല്‍മാന്‍ ഖാന്റെ പുതിയ ചിത്രമായ കിസി കാ ഭായി കിസി കി ജാന്‍ എന്ന ചിത്രത്തിലെ 'യെന്റമ്മാ' എന്ന ഗാനം.മുണ്ടുടുത്ത് തകര്‍പ്പന്‍ നൃത്തച്ചുവടുകളുമായിട്ടാണ് സല്‍മാന്‍ ഖാനും തെലുങ്ക് താരം വെങ്കിടേഷും പാട്ടിലെത്തുന്നത്.. പാട്ടിന്റെ അവസാനഭാഗത്തായി രാം ചരണിന്റെ സര്‍പ്രൈസ് എന്‍ട്രിയും കാണാം.
സല്‍മാനൊപ്പമുള്ള ഗാനരംഗത്തില്‍ പ്രതിഫലം വാങ്ങാതെയാണ് രാംചരണ്‍ അഭിനയിച്ചത് എന്നാണ് റിപ്പോര്‍ട്ട്. രാംചരണും പിതാവ് ചിരഞ്ജീവിയുമായും അടുത്തബന്ധം പുലര്‍ത്തുന്നയാളാണ് സല്‍മാന്‍.ചിരഞ്ജീവി നായകനായി അഭിനയിച്ച ഗോഡ്ഫാദര്‍ എന്ന ചിത്രത്തില്‍ സല്‍മാന്‍ ഖാന്‍ അതിഥിതാരമായി എത്തിയിരുന്നു. ഈ വേഷം ചെയ്യുന്നതിന് ബോളിവുഡ് സൂപ്പര്‍താരം പ്രതിഫലം വാങ്ങിയിരുന്നില്ല.
ഒറ്റ ദിവസം കൊണ്ട് യൂട്യൂബില്‍ 17 മില്യണ്‍ ആളുകള്‍ ഈ ഗാനം കണ്ടു കഴിഞ്ഞു. കിസി കാ ഭായ് കിസി കി ജാനില്‍ പൂജ ഹെഗ്ഡെ ആണ് നായികയായി എത്തുന്നത്. ഫര്‍ഹാദ് സാംജിയാണ് ഈ റൊമാന്റിക് ആക്ഷന്‍ എന്റര്‍ടെയ്‌നര്‍ സംവിധാനം ചെയ്യുന്നത്.
സല്‍മാന്‍ ഖാന്‍, വെങ്കിടേഷ് ദഗ്ഗുബട്ടി, പൂജ ഹെഗ്ഡെ എന്നിവര്‍ക്കൊപ്പം ജഗപതി ബാബു, ഭൂമിക ചൗള, വിജേന്ദര്‍ സിംഗ്, അഭിമന്യു സിംഗ്, രാഘവ് ജുയല്‍, സിദ്ധാര്‍ത്ഥ് നിഗം, ജാസി ഗില്‍, ഷെഹ്നാസ് ഗില്‍, പാലക് തിവാരി, വിനാലി ഭട്നാഗര്‍ തുടങ്ങിയവരും ചിത്രത്തിലുണ്ട്. ഈദ് ദിനമായ ഏപ്രില്‍ 21നാണ് ചിത്രം റിലീസിനെത്തുക. സല്‍മാന്‍ ഖാന്‍ തന്നെയാണ് ചിത്രത്തിന്റെ നിര്‍മാതാവ്.
സല്‍മാന്‍ ഖാന്റെ ബിഗ് സ്‌ക്രീനിലേക്കുള്ള തിരിച്ചുവരവിനെ അടയാളപ്പെടുത്തുന്ന ചിത്രം കൂടിയാവും ;കിസി കാ ഭായ് കിസി കി ജാന്‍&ന് (ഹിന്ദി), ഗോഡ്ഫാദര്‍ (തെലുങ്ക്), വേദ് (മറാത്തി) എന്നിവയില്‍ അതിഥി വേഷത്തില്‍ പ്രത്യക്ഷപ്പെട്ടിരുന്നുവെങ്കിലും സല്‍മാന്‍ നായകനായി ഒരു ചിത്രം തിയേറ്ററിലേക്ക് എത്തിയിട്ട് കുറച്ചേറെ നാളുകളായി.
Premium Lifestyle and Entertainment website
ഒരു കാര്യം ഉറപ്പായി; പ്രതി സഹദേവന്‍ തന്നെ; വിധി ഏപ്രില്‍ 3ന് 'ആസിഫ് അലി ചിത്രം ആഭ്യന്തര കുറ്റവാളിയുടെ ടീസര്‍ പ്രേക്ഷകരിലേക്ക്
വിജയരാഘവന്‍ ടൈറ്റില്‍ കഥാപാത്രത്തെ അവതരിപ്പിക്കുന്ന ഔസേപ്പിന്റെ ഒസ്യത്ത് ട്രെയിലര്‍ പുറത്ത്; ചിത്രം 7 ന് റിലീസിന്