ജയസൂര്യയൊടൊപ്പം ഫോട്ടോയെടുത്തു; പക്ഷെ ഫോട്ടോ വീട്ടിൽ കാണിക്കാൻ സ്മാർട് ഫോണില്ല; ആരാധികകായ്ക്ക് ഫോട്ടോ ഫ്രെയിം സമ്മാനിച്ച് നടൻ ജയസൂര്യ

ദോസ്ത് എന്ന ചിത്രത്തിലൂടെ മലയാള സിനിമയിലേക്ക് ചേക്കേറിയ താരമാണ് ജയസൂര്യ. തുടർന്ന് നിരവധി സിനിമകളിൽ ശ്രദ്ധേയമായ വേഷങ്ങൾ അവതരിപ്പിക്കുകയും ചെയ്തിട്ടുണ്ട്. കഴിഞ്ഞ ദിവസമായിരുന്നു ആരാധികയ്ക്ക് സർപ്രൈസ് സമ്മാനം നൽകി ജയസൂര്യ  ഞെട്ടിച്ചതിന്റെ വിഡിയോ സോഷ്യൽ മീഡിയയിൽ തരംഗമായി മാറിയത്.  ജയസൂര്യ സർപ്രൈസ് സമ്മാനം സ്വകാര്യ സ്ഥാപനത്തിലെ ഹൗസ്‌ക്ലീനിങ് സ്റ്റാഫ് ആയ പുഷ്പയ്ക്കാണ് നൽകിയത്. കയിലെത്തിയ ജയസൂര്യയെ എങ്ങനെയെങ്കിലും കാണണമെന്നായിരുന്നു പുഷ്പയുടെ ആ​ഗ്രഹം. 

തന്റെ കടുത്ത ആരാധികയാണ് പുഷ്പ ചേച്ചി എന്ന്  അറിഞ്ഞ ജയസൂര്യ അവരെ പരിചയപ്പെടുകയും സ്വന്തം ഫോണിൽ അവർക്കൊപ്പമൊരു ഫോട്ടോ എടുക്കുകയും ചെയ്തു.വീട്ടിൽ ചെല്ലുമ്പോൾ  ജയസൂര്യയെ നേരിൽകണ്ടു പരിചയപ്പെട്ട കാര്യം  പറഞ്ഞറിയിക്കാൻ പുഷ്പയുടെ കൈയ്യിൽ സ്മാർട്ട് ഫോണുണ്ടായില്ല.

 കടയിൽ നിന്നും പോകുന്നതിനു മുമ്പ് ഇത് മനസിലാക്കിയ ജയസൂര്യ തന്റെ ഫോണിൽ എടുത്ത ഫോട്ടോ ഫ്രെയിം ചെയ്ത് പുഷ്പയ്ക്ക് സമ്മാനിക്കുകയായിരുന്നു. മിനിറ്റുകൾക്കുള്ളിൽ ആ മനോഹര ചിത്രം പുഷ്പ പോലും അറിയാതെ തനിക്കൊപ്പമുണ്ടായിരുന്ന അസിസ്റ്റന്റിനെ വെളിയിൽ വിട്ടാണ്  ഫ്രെയിമിനുള്ളിലാക്കി പ്രിയപ്പെട്ട ആരാധികയ്ക്കു നൽകുകയായിരുന്നു. കുറച്ചു നിമിഷങ്ങൾക്ക് മുമ്പ് എടുത്ത സെൽഫി അത്രവേഗം ഫ്രെയിമിൽ കണ്ടതോടെ പുഷ്പ അമ്പരന്നുപോയി.