രണ്ടു വര്‍ഷത്തോളമായി നയന്‍താര ആരാധകര്‍ ഏറെ ആകാംക്ഷയോടെ കാത്തിരുന്ന ആ ഡോക്യുമെന്ററി ഒടുവില്‍ ഒടിടിയില്‍ എത്തുന്നു. നെറ്റ്ഫ്ലകിസിലൂടെയാണ് ഈ മാസം അവസാനം അത് പ്രേക്ഷകര്‍ക്ക് കാണാനാവുക. 2022 ജൂണ്‍ 9ന് ആയിരുന്നു നയന്‍താരയും സംവിധായകന്‍ വിഘ്നേശ് ശിവനും വിവാഹിതരായത്. 'നയന്‍താര: ബിയോണ്ട് ദ ഫെയറി ടെയില്‍' എന്ന പേരോടു കൂടിയ ഡോക്യുമെന്ററിയുടെ ട്രെയിലര്‍ ഇപ്പോഴിതാ നെറ്റ്ഫ്ലിക്സ് റിലീസ് ചെയ്തിരിക്കുകയാണ്.
സൗത്തിന്ത്യയിലെ വന്‍താര നിരകളെ ഉള്‍ക്കൊള്ളിച്ചു കൊണ്ടുള്ള 2:25 മണിക്കൂര്‍ നീളുന്ന പ്രൗഢഗംഭീരമായ ട്രെയിലറാണ് റിലീസ് ചെയ്തിരിക്കുന്നത്. പ്രേക്ഷകര്‍ ഇതു വരെ കണ്ടിട്ടില്ലാത്ത നയന്‍താരയുടെ ജീവിതമാണ് ഡോക്യുമെന്ററിയിലൂടെ കാണാനാവുക എന്ന് ട്രെയിലര്‍ വ്യക്തമാക്കുന്നു. അഭിനയത്തിലും ജീവിതത്തിലും നേരിട്ട വെല്ലുവിളികളും ഒടുവില്‍ വിഘ്നേശുമായുള്ള പ്രണയവും വിവാഹവും ഇതില്‍ ഉള്‍ക്കൊള്ളിച്ചിരിക്കുന്നു.
സംവിധായകന്‍ ആറ്റ്ലീ, റാണാ ദഗ്ഗുബതി, രാധിക ശരത് കുമാര്‍, നാഗാര്‍ജുന, തപ്‌സി പന്നു എന്നിവരേയും ട്രെയിലറില്‍ കാണാം. അധികം അഭിമുഖങ്ങളിലോ ഫോട്ടോസിലോ പ്രത്യക്ഷപ്പെടാത്ത നയന്‍താരയുടെ അമ്മയും ഡോക്യുമെന്ററിയില്‍ ഉണ്ടാകും. നവംബര്‍ 18നാണ് 'നയന്‍താര: ബിയോണ്ട് ദ ഫെയറി ടെയില്‍' ഒടിടിയിലെത്തുക.
Premium Lifestyle and Entertainment website
ഏഴ് വര്‍ഷത്തെ ഇടവേളകള്‍ക്ക് ശേഷം മേഘ്‌ന വിന്‍സന്റ് വീണ്ടും സീരിയല്‍ ലോകത്തേക്ക്; ഏഷ്യനെറ്റില്‍ ആരംഭിക്കുന്ന സാന്ത്വനം 2 യില്‍ ഇനി നടിയുമെത്തും
വധുവരന്മാരായി ബിഗ് ബോസ് താരങ്ങളായ അര്‍ജ്ജുനും ശ്രീതുവും വിവാഹിതരായി; പ്രിയതമ എന്ന മ്യൂസിക് ആല്‍ബത്തിന്റെ ടൈറ്റില്‍ പോസ്റ്റര്‍ ശ്രദ്ധ നേടുമ്പോള്‍