ദുല്‍ഖറിനോട് എന്ത് പറഞ്ഞാണ് മമ്മൂട്ടി ചിരിക്കുന്നത്..!; ദുല്‍ഖറിന്റെയും മമ്മൂട്ടിയുടെയും വീഡിയോ വൈറലാകുന്നു..

മലയാളത്തിന്റെ അഭിമാന താരങ്ങളിലൊരാളാണ് മമ്മൂട്ടി. അദ്ദേഹത്തിന് പിന്നാലെ തന്നെ മകന്‍ സിനിമയിലേക്കെത്തിയ ദുല്‍ഖറും സിനിമയില്‍ തന്റെ സ്ഥാനം ഉറപ്പിച്ചു കഴിഞ്ഞു. സെക്കന്‍ഡ് ഷോയിലൂടെ തുടക്കം കുറിച്ച താരപുത്രന് തുടക്കം മുതലേ മികച്ച സ്വീകാര്യതയായിരുന്നു ലഭിച്ചത്. സ്റ്റീരിയോടൈപ്പ് കഥാപാത്രങ്ങളില്‍ നിന്നും മാറി സഞ്ചരിക്കുന്ന ദുല്‍ഖര്‍ അന്യഭാഷകളിലും മികവ് പ്രകടിപ്പിച്ചിരുന്നു. ബോളിവുഡ് അരങ്ങേറ്റത്തിലും മികച്ച സ്വീകാര്യതയാണ് ലഭിച്ചത്. അന്യഭാഷാ ചിത്രങ്ങള്‍ക്കിടയിലും മലയാളത്തെ കൈവിടാതെ മുന്നേറുകയാണ് താരപുത്രന്‍. താരകുടുംബം ഒരുമിച്ച് പങ്കെടുക്കുന്ന ചടങ്ങുകളിലെ ചിത്രങ്ങളും വീഡിയോകളുമെല്ലാം വൈറലാകാറുണ്ട്. 

മമ്മൂട്ടിയും ദുല്‍ഖര്‍ സല്‍മാനും മാത്രമല്ല മകളായ മറിയം അമീറ സല്‍മാനും സെലിബ്രിറ്റിയാണ്. മകള്‍ ജനിച്ചതിന് ശേഷം ജീവിതത്തില്‍ വന്ന മാറ്റങ്ങളെക്കുറിച്ച് ദുല്‍ഖര്‍ ഇടയ്ക്ക് പങ്കുവച്ചിരുന്നു. അപൂര്‍വ്വമായി മാത്രമേ കുഞ്ഞുമറിയം ക്യാമറക്കണ്ണുകളില്‍  പതിയാറുളളു. അടുത്തിടെ കുടുംബത്തിലെ അടുത്ത ബന്ധുവിന്റെ കല്യാണത്തിനായി സകുടുംബം മമ്മൂട്ടി എത്തിയിരുന്നു. ചടങ്ങില് താരമായ കുഞ്ഞുമറിയത്തിന്റെ വീഡിയോയും ചിത്രങ്ങളുമൊക്കെ അന്ന് വൈറലായിരുന്നു. ചടങ്ങിന് ദിവസങ്ങള്‍ക്ക് ശേഷം ദുല്‍ഖറും മമ്മൂക്കയും ഒരുമിച്ചുളള വീഡിയോയാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്. മകനും അപ്പുറത്ത് കൂട്ടുകാരെപ്പോലെയാണ് മമ്മൂട്ടി ദുല്‍ഖറിനൊപ്പം ഇടപഴകാറുള്ളത്. കല്യാണവീട്ടില്‍ തമാശ പറഞ്ഞ് ചിരിച്ച് രസിക്കുന്ന മമ്മൂക്കയുടെയും കുഞ്ഞിക്കയുടേയും വീഡിയോ ഇപ്പോള്‍ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. ഒരേ നിറത്തിലുള്ള വസ്ത്രങ്ങളണിഞ്ഞും ഇരുവരും എത്താറുണ്ട്. ഇവരുടെ ഫോട്ടോ ഷൂട്ട് ചിത്രങ്ങള്‍ നേരത്തെ വൈറലായിരുന്നു. സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുന്ന വീഡിയോ കാണാം.