തെന്നിന്ത്യയിലെ മുന്‍നിര നായികമാരില്‍ ഒരാളാണ് കാജല്‍ അഗര്‍വാള്‍. സൂപ്പര്‍ താരങ്ങളുടെയെല്ലാം നായികയായി തിളങ്ങിയ താരം സിനിമാ പ്രേമികളുടെ ഇഷ്ടതാരം കൂടിയാണ്. കൈനിറയെ ചിത്രങ്ങളുമായി മുന്നേറുന്ന കാജല്‍ അഗര്‍വാളിനെ തേടി മറ്റൊരു അംഗീകാരം കൂടി എത്തിയിരിക്കുകയാണ്.സിംഗപ്പൂരിലെ മാഡം തുസാഡ്സില്‍ മെഴുകു പ്രതിമ സ്വന്തമാക്കുന്ന ആദ്യ സൗത്ത് ഇന്ത്യന്‍ നായികയായി തീര്‍ന്നിരിക്കുകയാണ് കാജല്‍ അഗര്‍വാള്‍.
പ്രതിമ അനാശ്ചാദനം ചെയ്യാനെത്തിയ നടിസോഷ്യല്‍മീഡിയയില്‍ പങ്കുവെച്ച രസകരമായ വിഡിയോയും വൈറലായി കഴിഞ്ഞു. സിംഗപ്പൂരിലെ മാഡം തുസ്സാഡ്‌സ് മ്യൂസിയത്തിലെ തന്റെ മെഴുകു പ്രതിമ കഴിഞ്ഞ ദിവസമാണ് താരം അനാച്ഛാദനം ചെയ്തത്. അതിന് ശേഷമാണ് രസകരമായ വിഡിയോ ഷൂട്ട് ചെയ്തത്.മെഴുക് പ്രതിമ അനാച്ഛാദന വേളയില്‍ തന്റെ മറ്റൊരു രൂപമായ പ്രതിമയെ മേക്കപ്പിടുന്ന മേക്കപ്പ് മാനെ തള്ളിമാറ്റി പകരം കാജല്‍ മുന്നില്‍ കയറി നില്‍ക്കുന്ന ഒരു വീഡിയോ ആണ് താരം ഇന്‍സ്റ്റാഗ്രാം പേജില്‍ പങ്കുവച്ചത്.
തന്റെ കുടുംബാംഗങ്ങളോടൊപ്പം മെഴുകു പ്രതിമ പൊതുജനത്തിന് സമര്‍പ്പിച്ച താരത്തിന്റെ ചിത്രങ്ങള്‍ സോഷ്യല്‍ മീഡിയ കീഴടക്കുകയാണ്. ബോളിവുഡ് താരറാണികളായ പ്രിയങ്ക ചോപ്രക്കും ദീപിക പദുക്കോണിനും ഇത്തരത്തില്‍ മെഴുകുപ്രതിമകളുണ്ട്. തന്റെ ഹോളിവുഡ് ചിത്രമായ മോസഗള്ളു എന്ന ചിത്രത്തിന്റെ ഷൂട്ടിങ്ങിനായി സിംഗപ്പൂരിലാണ് താരമിപ്പോള്‍. അതിന് ശേഷം ശങ്കര്‍ ഒരുക്കുന്ന കമല്‍ഹാസന്‍ നായകനായ ബ്രഹ്മാണ്ഡ ചിത്രം ഇന്ത്യന്‍ 2ല്‍ താരം ജോയിന്‍ ചെയ്യും. വളരെ പ്രായമായ ഒരു മുത്തശ്ശിയുടെ റോളാണ് കാജല്‍ ചിത്രത്തില്‍ അവതരിപ്പിക്കുന്നത് എന്നാണ് അറിയുന്നത്. അതിനായി ആയോധന കലകളും താരം പരിശീലിക്കുന്നുണ്ട്.
പഞ്ചാബി കുടുംബത്തിലാണ് ജനനമെങ്കിലും തമിഴ് തെലുങ്ക് സിനിമകളിലൂടെ പ്രശസ്തയായ നടിയാണ് കാജല്‍ അഗര്‍വാള്‍. വിരലിലെണ്ണാവുന്ന ചില ഹിന്ദി ചിത്രങ്ങളിലും കാജല്‍ വേഷമിട്ടിട്ടുണ്ട്. മൊഴിമാറ്റ ചിത്രങ്ങളിലൂടെ മലയാളികള്‍ക്കും പ്രയപ്പെട്ടവളാണ് താരം.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം