കഥാപാത്രത്തിന് പ്രാധാന്യമുള്ള സിനിമകള്‍ മാത്രം തെരഞ്ഞെടുക്കൂ; വിജയ് ചിത്രം ലിയോയ്ക്കും നോ പറഞ്ഞ് നടി സായി പല്ലവി;നടിക്ക് പകരം ലോകേഷ് കനകരാജ് ചിത്രത്തിലെത്തുക തൃഷ

ലോകേഷ് കനകരാജ് ഒരുക്കുന്ന വിജയ് ചിത്രം ലിയോയ്ക്കായി കാത്തിരിക്കുകയാണ് ആരാധകര്‍. സിനിമയുടെ ചിത്രീകരണം കശ്മീരില്‍ പുരോഗമിക്കുകയാണ്. സായി പല്ലവിയും ചിത്രത്തിന്റെ ഭാഗമായി എത്തുന്നു എന്നുള്ള വാര്‍ത്ത എത്തിയിരുന്നു എന്നാല്‍ ഇപ്പോള്‍ നടി ഈ സൂപ്പര്‍ഹിറ്റ് ചിത്രത്തിനോട് നോ പറഞ്ഞുവെന്ന വാര്‍ത്തയാണ് പുറത്ത് വരുന്നത്.

തന്റെ കരിയറിനെ സംബന്ധിച്ച് ഒരു പ്രധാനപ്പെട്ട തീരുമാനം സായ് എടുത്തിട്ടുണ്ട്. അത് പ്രകാരം തന്റെ കഥാപാത്രത്തിന് പ്രാധാന്യമുള്ള സിനിമകള്‍ മാത്രമേ തിരഞ്ഞെടുക്കൂ എന്ന റിപ്പോര്‍ട്ടുകളാണ് പുറത്തു വരുന്നത്. ഈ തീരുമാനത്തെ തുടര്‍ന്നാണ് ലിയോ ഉപേക്ഷിച്ചത്.

നിരവധി സൂപ്പര്‍ താരങ്ങളുടെ ചിത്രങ്ങളോട് സായ് പല്ലവി നോ പറഞ്ഞിട്ടുണ്ട്. തുനിവില്‍ മഞ്ജു വാര്യര്‍ അവതരിപ്പിച്ച കഥാപാത്രത്തിനായി ആദ്യം പരിഗണിച്ചത് സായ്യെ ആയിരുന്നു. അതേസമയം, ലിയോയില്‍ തൃഷ ആണ് നായിക ആയി എത്തുന്നത്.

സഞ്ജയ് ദത്ത്, അര്‍ജുന്‍, പ്രിയ ആനന്ദ്, മിഷ്‌കിന്‍, ഗൗതം മേനോന്‍, മന്‍സൂര്‍ അലിഖാന്‍, സാന്‍ഡി മാസ്റ്റര്‍, മാത്യു തോമസ്, ബാബു ആന്റണി തുടങ്ങി നിരവധി താരങ്ങള്‍ ചിത്രത്തില്‍ വേഷമിടുന്നുണ്ട്. ചിത്രത്തിന്റെ ഷൂട്ടിംഗ് ദൃശ്യങ്ങള്‍ അടുത്തിടെ ചോര്‍ന്നിരുന്നു.