തൂവെള്ള വസ്ത്രത്തില്‍ പുഞ്ചിരിച്ച് മാലാഖയെപ്പോലെ ഇസഹാക്ക്; താരപുത്രന് ആശംസകളുമായി മലയാള സിനിമാ ലോകം;ആരാധകരുടെ മനം കവര്‍ന്ന് കുഞ്ചാക്കോ ബോബന്റെ മകന്റെ മാമ്മോദീസ; വീഡിയോ കാണാം

കുഞ്ചാക്കോ ബോബന്റെ മകന്‍ ഇസഹാക്ക് ബോബന്‍ കുഞ്ചാക്കോ ഇപ്പോള്‍ സോഷ്യല്‍മീഡിയയിലും താരമാണ്. മകന്റെ ചിത്രങ്ങളും വിശേഷങ്ങളും ഓരോന്നായി നടന്‍ ആരാധകര്‍ക്ക് മുമ്പിലെത്തിക്കാറുണ്ട്. അടുത്തിടെ നടന്ന ഇസഹാക്കിന്റെ മാമാദിസാ ചടങ്ങുകളുടെ ചിത്രങ്ങളും വിശേഷങ്ങളും ഏറെ ശ്രദ്ധ നേടിയിരുന്നു. ഇപ്പോളിതാ ചടങ്ങിന്റെ വീഡിയോ നടന്‍ പങ്ക് വച്ചിരിക്കുകയാണ്.

ഫേസ്ബുക്ക് പേജിലൂടെയാണ് കുഞ്ഞ് ഇസയുടെ ജ്ഞാനസ്‌നാന കര്‍മ്മകളുടെ ദൃശ്യങ്ങളും ആഘോഷങ്ങളും ഉള്‍ക്കൊള്ളുന്ന വീഡിയോ കുഞ്ചാക്കോ പങ്കുവെച്ചിരിക്കുന്നത്. താരത്തിന്റെ പോസ്റ്റിന് താഴെ കുഞ്ഞ് ഇസയെ ആശംസകള്‍ കൊണ്ട് മൂടുകയാണ് ആരാധകര്‍.തൂവെള്ള വസ്ത്രത്തില്‍ പുഞ്ചിരി തൂകി മാലാഖയെപ്പോലെ കിട്ക്കുന്ന ഇസാഹാക്ക് ആരാധകരുടെ മനംകവരുകയാണ.

ജൂണ്‍ 30 ന് കൊച്ചിയിലെ ഇളംകുളം വലിയ പള്ളിയിലായിരുന്നു മാമ്മോദീസ ചടങ്ങ് നടന്നത്. മലയാള സിനിമയിലെ പ്രമുഖകര്‍ ചടങ്ങിലും റിസപ്ഷനിലും പങ്കെടുത്തിരുന്നു. നടന്‍ ദിലീപും, ഭാര്യ കാവ്യ മാധവനും പള്ളിയിലെ ചടങ്ങില്‍ പങ്കെടുത്ത് കുഞ്ചാക്കോയ്ക്കും കുടുംബത്തിനും ആശംസകള്‍ നേര്‍ന്നിരുന്നു. നടന്‍ വിനീത്, നിര്‍മ്മാതാക്കളായ ആന്റോ ജോസഫ്, ആല്‍വിന്‍ ആന്റണി, എന്നിവരും പള്ളിയിലെ മാമ്മോദീസ ചടങ്ങുകളില്‍ സന്നിഹിതരായിരുന്നു. റിസപ്ഷനില്‍ മമ്മൂട്ടി, ദുല്‍ഖര്‍ ജയസൂര്യ, പൂര്‍ണിമ ഇന്ദ്രജിത്ത്, രമേശ് പിഷാരടി, ലാല്‍ജോസ് തുടങ്ങിയവരൊക്കെ ആശംസകളുമായി എത്തിയിരുന്നു. തുടങ്ങി വമ്പന്‍ താരനിരയാണ് എത്തിയത്.

ഏപ്രില്‍ പതിനേഴിനാണ് കുഞ്ചാക്കോ ബോബന് ആണ്‍കുഞ്ഞ് ജനിച്ചത്. മകന്റെ കുഞ്ഞിക്കാലുകളുടെ ചിത്രം പങ്കുവെച്ച് താനൊരു അച്ഛനായെന്ന വാര്‍ത്ത കുഞ്ചാക്കോ ബോബന്‍ തന്നെയാണ് ആരാധകരുമായി പങ്കുവെച്ചത്. 14 വര്‍ഷത്തെ കാത്തിരിപ്പിനു ശേഷമാണ് കുഞ്ചാക്കോ-പ്രിയ ദമ്പതികള്‍ക്ക് കുഞ്ഞു പിറന്നത്.