മൂന്ന് കോടി രൂപ മുടക്കി അഡാറ് വീട് പണിത് അനു ജോസഫ്;  '5500 സ്‌ക്വയര്‍ ഫീറ്റില്‍ ചുമരുകളില്ലാതെ പണിയുന്ന വീടിന്റെ വിശേഷങ്ങളുമായി നടി

കൈരളി ടിവില്‍ സംപ്രേക്ഷണം ചെയ്തിരുന്ന കാര്യം നിസ്സാരം എന്ന ആക്ഷേപഹാസ്യ പരമ്പരയിലൂടെ പ്രേക്ഷക പ്രിയം നേടിയ താരമാണ് അനു ജോസഫ്. അവതരണ ലോകത്തും തന്റേതായ സാന്നിധ്യം തെളിയിച്ച അനു ഇപ്പോള്‍ യൂട്യൂബിലും ഇന്‍സ്റ്റഗ്രാമിലും എല്ലാം വളരെ സജീവമാണ്. സ്വന്തം youtube ചാനലിലൂടെയാണ് വിശേഷങ്ങളൊക്കെയും പങ്കുവയ്ക്കുന്നത്. അതുകൊണ്ടുതന്നെ അനുവിന്റെ ഒരു വീഡിയോ വരാനായി ആരാധകര്‍ കാത്തിരിക്കും.ഇപ്പോള്‍ താരത്തിന്റെ വീട്ടുവിശേഷമാണ് വൈറലാകുന്നത്. മൂന്ന് കോടി രൂപയുടെ അഡാര്‍ വീടാണ് അനു വെക്കുന്നത്. കോടികള്‍ ചിലവഴിച്ച് ഒരുക്കുന്ന വീടിന് നിരവധി പ്രത്യേകതകളുമുണ്ട്. ഇത് കേട്ടപാടെ ആരാധകര്‍ക്കെല്ലാം വലിയ ഞെട്ടല്‍ ആയിരുന്നു. ഇത്രയും വലിയ വീടാണോ അനുവദിക്കുന്നത് എന്നാണ് ഭൂരിഭാഗം ആള്‍ക്കാരും കമന്റ് ചെയ്തിരിക്കുന്നത്. 5500 സ്‌ക്വയര്‍ ഫീറ്റാണ് അനുവിന്റെ വീട്. 'ഒരു ചാനല്‍ ഷോയില്‍ പങ്കെടുക്കവെയാണ് ഞാന്‍ എന്റെ വീടിന്റെ വിശേഷങ്ങള്‍ ആദ്യം തുറന്ന് പറഞ്ഞത്.' 'ഞാന്‍ ഒരു ചെറിയ വീട് വയ്ക്കുന്നുണ്ടെന്നും അതിന്റെ പണി നടന്നുകൊണ്ട് ഇരിക്കുകയാണെന്നും പറഞ്ഞിരുന്നു. അപ്പോള്‍ മുതല്‍ ഒരുപാട് ആളുകള്‍ വീട് പണി എന്തായി എന്ന് ചോദിക്കാറുണ്ട്. ഒരുപാട് പ്രത്യേകതകള്‍ ഉള്ള വീടാണ് ഇത്. പുറത്തുനിന്നും കാണുമ്പോള്‍ തന്നെ വീടിന്റെ പ്രത്യേകത മനസിലാകും. പണി ഇപ്പോള്‍ അവസാന ഘട്ടത്തിലേക്ക് കടക്കുകയാണ്. അയ്യായിരത്തി അഞ്ഞൂറ് സ്‌ക്വയര്‍ ഫീറ്റില്‍ ഒറ്റ ബെഡ് റൂം ഉള്ള വീടാണ് ഇത്. ഇത് ഒരു ഓഫീസ് പര്‍പ്പസിനും ഷൂട്ടിങ് പര്‍പ്പസിനുമൊക്കെയായി ഉപയോഗിക്കാന്‍ കഴിയും.'

'ഇതൊരു വീട് ആണോ എന്ന് ചോദിച്ചാല്‍ തീര്‍ച്ചയായും വീടാണ്. എന്നാല്‍ മള്‍ട്ടിപര്‍പ്പസായി ഉപയോഗിക്കാം. ഇതിന്റെ ഒരു കോണ്‌സെപ്റ്റ് തന്നെ അല്‍പ്പം വ്യത്യസ്തമാണ്. യൂറോപ്യന്‍ സ്‌റ്റൈലിലാണ് വീട് മോഡിഫൈ ചെയ്തിരിക്കുന്നത്. ബ്ലാക്ക് കളര്‍ തീമിലാണ് വീട് ഒരുങ്ങുന്നത്. പൂച്ചകള്‍ക്കായും ഒരു പ്രത്യേക രീതിയിലാണ് വീട് സെറ്റ് ചെയ്തിരിക്കുന്നത്. ടോപ്പില്‍ ട്രാന്‍സ്‌പേരന്റ് ആയിട്ടാണ് സെറ്റ് ചെയ്തിരിക്കുന്നത്. വാള്‍ ഇല്ലാത്ത വീട് അതായത് ചുമരുകളില്ലാത്ത വീട് എന്ന കോണ്‍സെപ്റ്റിലാണ് വീട് ഒരുങ്ങുന്നത്. കാറ്റും വെളിച്ചവും നാച്ചുറലായി ഉണ്ടാകണം എന്ന പ്ലാന്‍ ആയിരുന്നു. പണി ചെയ്യാന്‍ വന്ന ആളുകള്‍ പോലും ഇങ്ങനെ ഒരു വീട് കണ്ടിട്ടില്ല. വീട്ടില്‍ ഒരു ലൈറ്റ് പോലും ഇട്ടില്ല എങ്കിലും വീട് നിറയെ പ്രകാശപൂരിതമാക്കുന്ന രീതിയില്‍ ഒരു ലൈറ്റ് സെറ്റ് ചെയ്തുവെച്ചിട്ടുണ്ട്. മോഡുലാര്‍ കിച്ചണാണ് സെറ്റ് ചെയ്തിരിക്കുന്നത്. പണി എല്ലാം തീര്‍ത്തിട്ട് പൂര്‍ണ്ണമായും ഞാന്‍ കാണിക്കും. രാവിലെ എണീക്കുമ്പോള്‍ തന്നെ വലിയ പോസിറ്റിവിറ്റി ലഭിക്കുന്ന രീതിയിലാണ് വീട് സെറ്റ് ചെയ്തിരിക്കുന്നത്' അനു പറഞ്ഞു.

കാസര്‍? ഗോഡാണ് അനുവിന്റെ സ്വദേശം. അനുവിന്റെ മാതാ പിതാക്കളും സഹോദരിയും കാസര്‍?ഗോഡാണ് താമസം. ഷൂട്ടിങ് ആവശ്യങ്ങള്‍ക്കായി അനു തിരുവനന്തപുരത്തും മറ്റുമാണ് താമസം. കൈരളി ടിവില്‍ സംപ്രേക്ഷണം ചെയ്തിരുന്ന കാര്യം നിസ്സാരം എന്ന ആക്ഷേപഹാസ്യ പരമ്പരയിലൂടെയാണ് അനു പ്രേക്ഷക പ്രിയം നേടിയത്. സ്‌കൂള്‍ കലാതിലകം ആയിരുന്ന അനു ജോസഫ് കലാമണ്ഡലം ഡാന്‍സ് ട്രൂപ്പില്‍ അംഗമായതോടെയാണ് സീരിയലുകളില്‍ അഭിനയിച്ച് തുടങ്ങിയത്. സൂര്യടിവിയില്‍ സംപ്രേക്ഷണം ചെയ്തിരുന്ന ചിത്രലേഖ എന്ന സീരിയലിലൂടെയാണ് നടിയുടെ തുടക്കം. പിന്നീട് മകളുടെ അമ്മ, മിന്നുകെട്ട്, ആലിലത്താലി, സ്നേഹചന്ദ്രിക പോലുള്ള നിരവധി സീരിയലുകള്‍ താരം ചെയ്തു. കരിയര്‍ ബ്രേക്ക് കിട്ടിയത് മിന്നുകെട്ട് എന്ന സീരിയലിലൂടെയാണെങ്കിലും പ്രേക്ഷകര്‍ എന്നും ഓര്‍ക്കുന്ന അനുവിന്റെ വേഷം കാര്യം നിസാരത്തിലെ അഡ്വ.സത്യഭാമ തന്നെയാണ്.