'സബ്‌സ്‌ക്രൈബേഴ്‌സിന് വേണ്ടി പോസ്റ്റ് ചെയ്യുന്ന ഉള്ളടക്കം പബ്ലിക് ആക്കുന്നു; പോസ്റ്റുകളുടെയും റീലുകളുടെയുമൊക്കെ സ്‌ക്രീന്‍ ഷോട്ട് എടുത്ത് റിയാക്ഷന്‍ വിഡിയോ;എന്തിനാണ് എന്നോട് ഇങ്ങനെ ചെയ്യുന്നത്, ഇനി ആവര്‍ത്തിച്ചാല്‍ മാനനഷ്ടത്തിന് കേസ് കൊടുക്കും ; വീഡിയോയുമായി രേണു സുധി

സോഷ്യല്‍ മീഡിയയിലെ വൈറല്‍ താരമായ രേണു സുധി അടുത്തിടെയാണ് ഇന്‍സ്റ്റഗ്രാമില്‍ സബ്സ്‌ക്രിപ്ഷന്‍ ആരംഭിക്കുകയാണെന്ന വിവരം പങ്കുവച്ചത്. പിന്നാലെ മികച്ച പ്രതികരണമാണ് തനിക്ക് ലഭിച്ചതെന്നും രേണു അറിയിച്ചിരുന്നു. എന്നാല്‍ ഇപ്പോഴിതാ തന്നെ പരിഹസിച്ചും വിമര്‍ശിച്ചും വ്ളോഗ് ചെയ്യുന്ന ചിലര്‍ക്കെതിരെ രംഗത്തെത്തിയിരിക്കുകയാണ് രേണു സുധി. 

താന്‍ സബ്സ്‌ക്രൈബേഴ്സിന് വേണ്ടി പോസ്റ്റ് ചെയ്യുന്ന ഉളളടക്കം ചിലര്‍ സ്‌ക്രീന്‍ഷോട്ട് എടുത്ത് പബ്ലിക് ആക്കുകയാണെന്ന് രേണു സുധി പറയുന്നു. താന്‍ നിയമ നപടിയിലേക്ക് കടക്കുകയാണെന്ന മുന്നറിയിപ്പും രേണു സുധി പങ്കുവച്ചിട്ടുണ്ട്. സബ്സ്‌ക്രിപ്ഷന്‍ ആരംഭിച്ച ആദ്യ അഞ്ച് ദിനങ്ങള്‍ കൊണ്ട് തനിക്ക് ഒരു ലക്ഷത്തിലധികം രൂപ ലഭിച്ചതായി രേണു സുധി അറിയിച്ചിരുന്നു.

'ഞാന്‍ പെയ്ഡ് സബ്‌സ്‌ക്രിപ്ഷന്‍ ആരംഭിച്ചിട്ടുള്ള വിവരം നിങ്ങള്‍ക്ക് അറിയാം. എന്നെ സ്‌നേഹിക്കുന്ന ഒരുപാട് പേര്‍ സബ്‌സ്‌ക്രൈബ് ചെയ്തിട്ടുണ്ട്. വലിയ വലിയ ആര്‍ട്ടിസ്റ്റുകളും സെലിബ്രിറ്റികളുമൊക്കെ ഇപ്പോള്‍ സബ്‌സ്‌ക്രിപ്ഷന്‍ ആരംഭിച്ചിട്ടുള്ള കാര്യം നിങ്ങള്‍ക്ക് അറിയാം.

തങ്ങളുടെ സബ്‌സ്‌ക്രൈബേഴ്‌സിനു വേണ്ടി അവര്‍ ചെയ്യുന്ന പോസ്റ്റുകളുടെയും റീലുകളുടെയുമൊക്കെ സ്‌ക്രീന്‍ ഷോട്ട് എടുത്ത് റിയാക്ഷന്‍ വീഡിയോ ചെയ്താല്‍ എങ്ങനെയിരിക്കും ?. വിവരമറിയും. ഇവര്‍ എന്തിനാണ് എന്നോട് ഇത് ചെയ്യുന്നതെന്ന് എനിക്ക് അറിയില്ല. ഇനിയും ചെയ്താല്‍ നിയമപരമായി ഞാന്‍ മുന്നോട്ട് പോകും.

ഞാന്‍ ഒരു കേസ് ഫയല്‍ ചെയ്യാന്‍ തീരുമാനിച്ചു. മാനനഷ്ടത്തിന് കേസ് കൊടുക്കാന്‍ പറ്റുമോ എന്ന് ഞാന്‍ നോക്കട്ടെ'', ഇന്‍സ്റ്റഗ്രാമിലൂടെ പങ്കുവച്ച വീഡിയോയില്‍ രേണു സുധി പറഞ്ഞു.

രണ്ടു ദിവസം കൊണ്ട് 500 ലേറെ സബ്സ്‌ക്രൈബര്‍മാരാണ് രേണുവിന്റെ ഇന്‍സ്റ്റഗ്രാം പേജിന് ലഭിച്ചത്. വളരെ എക്സ്‌ക്ലൂസീവായ കണ്ടന്റുകളാണ് താന്‍ നല്‍കുന്നതെന്ന് രേണു അവകാശപ്പെട്ടിരുന്നു.