മിമിക്രി താരം മഹേഷ് കുഞ്ഞുമോനെതിരെ കോണ്ഗ്രസ് അനുകൂലികളുടെ സൈബര് ആക്രമണം. മിമിക്രിയില് മുഖ്യമന്ത്രി വി.ഡി.സതീശനെ അവതരിപ്പിച്ചപ്പോള് ബഹുമാനക്കുറവ് കാണിച്ചെന്ന് ആരോപിച്ചാണ് വിമര്ശനവും പരിഹാസവും.
അയര്ലന്ഡില് നടന്ന സ്റ്റേജ് ഷോയ്ക്കിടെയാണ് സംഭവം. എല്ഇഡി വാളില് ചിത്രം വരാതെയായപ്പോള് സ്ക്രീനില് കാണിക്കേണ്ട ചിത്രം 'വി.ഡി.സതീശന്' എന്നാണ് മഹേഷ് കുഞ്ഞുമോന് മൈക്കിലൂടെ പറഞ്ഞത്. 'സാര്', 'മുഖ്യമന്ത്രി' എന്നൊന്നും അതിനൊപ്പം പറഞ്ഞില്ല. ഇതിന്റെ പേരിലാണ് കോണ്ഗ്രസ് അനുകൂലികള് മഹേഷ് കുഞ്ഞുമോനെതിരെ രംഗത്തെത്തിയിരിക്കുന്നത്. പിന്നാലെ ഇക്കാര്യത്തില് മഹേഷ് കുഞ്ഞുമോന് വിശദീകരണം നല്കി.
മഹേഷ് കുഞ്ഞുമോന്റെ ഫെയ്സ്ബുക്ക് കുറിപ്പ്:
പ്രിയപ്പെട്ട എല്ലാവര്ക്കും,
അയര്ലണ്ടില് നടന്ന ഒരു സ്റ്റേജ് പരിപാടിക്കിടെ ഞാന് ശ്രീ. വി.ഡി. സതീശന് സാറിന്റെ ശബ്ദം അനുകരിച്ച് ഒരു പെര്ഫോമന്സ് അവതരിപ്പിച്ചിരുന്നു. Led wall picture വരാതെ അല്പം സമയം എടുത്തപ്പോ എല്.ഇ.ഡി. വാള് ഓപ്പറേറ്റ് ചെയ്തിരുന്ന വ്യക്തിയോട്, സ്ക്രീനില് കാണിക്കേണ്ട ചിത്രത്തിന്റെ ഫയലിന്റെ പേര് അറിയിക്കുന്നതിനായാണ് ഞാന് മൈക്കിലൂടെ 'VD Satheesan' എന്ന് പറഞ്ഞത്. അപ്പോള് ഞാന് 'സാര്' എന്നോ 'മുഖ്യമന്ത്രി' എന്നോ ചേര്ത്ത് പറഞ്ഞിരുന്നില്ല. അത് ബഹുമാനക്കുറവ് കാണിക്കാനോ അദ്ദേഹത്തെ അപമാനിക്കാനോ വേണ്ടിയല്ല, സാങ്കേതിക ആവശ്യത്തിനായി ഫയലിന്റെ പേര് മാത്രം പറഞ്ഞതാണ്.
എന്നാല് ആ വീഡിയോയുടെ ഒരു ഭാഗം മാത്രം സോഷ്യല് മീഡിയയില് പ്രചരിച്ചതോടെ, ഞാന് അദ്ദേഹത്തെ ബഹുമാനമില്ലാതെ അഭിസംബോധന ചെയ്തുവെന്ന രീതിയില് ചിലര്ക്കിടയില് തെറ്റിദ്ധാരണ ഉണ്ടായി.
എന്റെ ഭാഗത്തുനിന്ന് ഉണ്ടായ ഈ സാഹചര്യം കാരണം ആര്ക്കെങ്കിലും വിഷമമോ വേദനയോ തോന്നിയിട്ടുണ്ടെങ്കില്, അതില് ഞാന് ഹൃദയപൂര്വ്വം ക്ഷമ ചോദിക്കുന്നു. ആരെയും വേദനിപ്പിക്കുകയോ അപമാനിക്കുകയോ ചെയ്യുക എന്നത് എന്റെ ഉദ്ദേശ്യമല്ല. എല്ലാവരെയും ഒരുപോലെ ബഹുമാനിക്കുന്ന ഒരാളാണ് ഞാന്.
അതോടൊപ്പം, അഭിപ്രായവ്യത്യാസങ്ങള് മാന്യതയോടെ പ്രകടിപ്പിക്കണമെന്ന് വിനയപൂര്വ്വം അഭ്യര്ത്ഥിക്കുന്നു. വ്യക്തിപരമായി അസഭ്യം പറയുകയും അധിക്ഷേപിക്കുകയും ചെയ്യുന്ന സന്ദേശങ്ങള് ഒരാളെ മാനസികമായി ഏറെ വേദനിപ്പിക്കും. പരസ്പര ബഹുമാനവും മനുഷ്യസ്നേഹവും കാത്തുസൂക്ഷിക്കാന് എല്ലാവരും ശ്രമിക്കുമെന്ന് പ്രതീക്ഷിക്കുന്നു.
എന്നെ സ്നേഹിക്കുകയും പിന്തുണയ്ക്കുകയും ചെയ്യുന്ന എല്ലാവര്ക്കും ഹൃദയം നിറഞ്ഞ നന്ദി.
സ്നേഹപൂര്വ്വം,
മഹേഷ് കുഞ്ഞുമോന്
Premium Lifestyle and Entertainment website
ആരാധന മൂത്തു നടനെ കാണാന് വന്നു തിരക്കില് മരിച്ചവരുടെ ബന്ധുക്കള്ക്ക് ജോലി കൊടുക്കുന്നത് ശരിയാണോ?സെന്റിമെന്റസ് മാത്രം നോക്കി പലരും സര്ക്കാര് ജോലിക്കാരാകുന്നു; പിഎസസി എഴുതി കാത്തിരിക്കുന്നവര് സെക്രട്ടറിയേറ്റിനു മുന്പില് മണ്ണ് വാരി തിന്നുന്നു; വിമര്ശനവുമായി സന്തോഷ് പണ്ഡിറ്റ് 
കാന്സറിന്റെ വേദനകള്ക്കിടയില് പ്രതീക്ഷിക്കാതെ ലഭിച്ച സന്തോഷം; യൂട്യൂബ് സില്വര് പ്ലേ ബട്ടണ് ഏറ്റുവാങ്ങി രേണു സുധി; കുടുംബാംഗങ്ങള്ക്കൊപ്പം കേക്ക് മുറിക്കുന്ന വീഡിയോയുമായി താരം
സാമൂഹികമാധ്യമങ്ങളിലൂടെ അപവാദപ്രചാരണം നടത്തുന്നുവെന്ന ലക്ഷ്മിപ്രിയക്കെതിരായ പരാതി; അന്സിബ നേരിട്ട് മൊഴിയെടുക്കാന് ഹാജരാകാന് നിര്ദ്ദേശിച്ച് കോടതി;
ലിപ് ലോക് രംഗം വന്നാല് ചെയ്യുമോ? അത് കണ്ടപ്പോള് തന്നെ രാധിക പതുക്കെ എഴുന്നേറ്റ് പോകും; ഇപ്പോഴും പറയും; കൊച്ചുകുട്ടികള് ശാഠ്യം പിടിക്കുന്നത് പോലെ തോന്നി; സുരേഷ് ?ഗോപിയുടെ വാക്കുകള് വീണ്ടും ചര്ച്ചകളില്
കടയില് നിന്ന് വാങ്ങുന്ന പാക്കറ്റ് പാല് മകന് നല്കാറില്ല; വീട്ടില് ഉണ്ടാക്കിയെടുക്കുന്ന പനീറും തൈരും മാത്രമാണ് ഭക്ഷണത്തില് ഉള്പ്പെടുത്തുന്നത്;ജീവിതത്തില് കുറെ മാറ്റങ്ങള് വന്ന് തുടങ്ങി; അത് വലിയ ആത്മസംതൃപ്തി നല്കുന്നു; തുറന്നുപറഞ്ഞ് കാജല്