ഓണ്‍ലൈന്‍ വാര്‍ത്ത കണ്ട് അശ്വിന്റെ അമ്മ വരെ വിളിച്ചു; പ്രസവിച്ച കാര്യം എന്റെയടുത്ത് എന്താ പറയാത്തത് എന്ന് ചോദിച്ചു;ടൈം ആകുമ്പോ അറിയിക്കാമെന്ന് അശ്വിനും; ഫോണ്‍ വഴി ആശംസാ പ്രവാഹമെന്ന് ക്യഷ്ണകുമാറും; വ്യാജവാര്‍ത്തയില്‍ പ്രതികരിച്ച് ദിയ കൃഷ്ണയും കുടുംബവും

മലയാളത്തിലെ പ്രിയ നടന്‍ കൃഷ്ണകുമാറിന്റെ മകളും സംരംഭകയുമായ ദിയ കൃഷ്ണ ഇപ്പോള്‍ സോഷ്യല്‍ മീഡിയയില്‍ വളരെ സജീവമാണ്. തങ്ങളുടെ ആദ്യത്തെ കുഞ്ഞിനെ വരവേല്‍ക്കാനുള്ള തയ്യാറെടുപ്പിലാണ് ദിയ കൃഷ്ണയും ഭര്‍ത്താവ് അശ്വിന്‍ ഗണേഷും.ഇപ്പോഴിതാ, താന്‍ പ്രസവിച്ചെന്ന രീതിയില്‍ സമൂഹമാധ്യമങ്ങളില്‍ നടക്കുന്ന പ്രചാരണങ്ങള്‍ക്ക് മറുപടിയുമായി ദിയ കൃഷ്ണ രംഗത്ത് വന്നിരിക്കുകയാണ്. 

ദിയയുടെ വാക്കുകള്‍... 'ഒരു ഓണ്‍ലൈന്‍ വാര്‍ത്ത കണ്ട് താന്‍ പ്രസവിച്ചോ എന്നറിയാന്‍ അശ്വിന്റെ അമ്മ പോലും വിളിച്ചതായും ദിയ പറയുന്നു. കഴിഞ്ഞ ദിവസം ദിയ പ്രസവിച്ചുവെന്ന തരത്തില്‍ വാര്‍ത്തകള്‍ വന്നുവെന്നും ഇതോടെ പലരും തന്നെ വിളിച്ച് ആശംസകള്‍ അറിയിച്ചു എന്നുമാണ് കൃഷ്ണ കുമാര്‍ പറയുന്നത്. 'അശ്വിന്റെ അമ്മയും വിളിച്ചിരുന്നു. ദിയ പ്രസവിച്ച കാര്യം എന്റെയടുത്ത് എന്താ പറയാത്തത് എന്ന് ചോദിച്ചു. അവളെന്റെ സൈഡില്‍ ഇരുന്ന് വണ്ടി ഓടിക്കുകയാണ്, ഇതുവരെ പ്രസവിച്ചിട്ടില്ല. പ്രസവിക്കുമ്പോള്‍ ഞാന്‍ പറയാം എന്നാണ് അശ്വിന്‍ മറുപടി നല്‍കിയത്' എന്ന് ദിയ കൃഷ്ണ തുറന്നുപറഞ്ഞു.

''കുവൈത്തില്‍ നിന്ന് സുഹൃത്ത് വിളിച്ചിട്ട് പറഞ്ഞു, കിച്ചു എന്റടുത്ത് പറഞ്ഞില്ലല്ലോ, കലക്കി, സോഷ്യല്‍ മീഡിയയിലൊക്കെ വന്നു കേട്ടോ എന്ന്. ഞാന്‍ നോക്കിയപ്പോള്‍ ഓസി അവിടെ ഇരിക്കുന്നു. അവള്‍ക്ക് ഇപ്പോഴും വയറില്ലേ എന്നൊന്ന് നോക്കി. ഞാനറിയാതെ പ്രസവിച്ചോ എന്ന് അറിയണമല്ലോ'', എന്ന് കൃഷ്ണകുമാര്‍ കൂട്ടിച്ചേര്‍ത്തു. ദിയയുടെ അഡ്വാന്‍സ് പ്രസവം കഴിഞ്ഞുവെന്നും തമാശയായി കൃഷ്ണകുമാര്‍ പറയുന്നുണ്ട്.

പ്രസവിച്ച് കൊച്ചിനെ സ്‌കൂളിലാക്കിയെന്നായിരുന്നു വീഡിയോ എടുത്ത സിന്ധു കൃഷ്ണകുമാറിന്റെ മറുപടി. പ്രസവത്തിനു മുന്‍പ് ദിയക്ക് ഒരു ചെക്കപ്പ് കൂടിയുണ്ടെന്നും അതുകൂടി കഴിഞ്ഞാല്‍ ഡെലിവറി ഡേറ്റില്‍ വ്യക്തത വരുമെന്നും കൃഷ്ണ കുമാറിന്റെ വ്‌ളോഗിലൂടെ സിന്ധു കൃഷ്ണ അറിയിച്ചു.

 

 

 

 

 

View this post on Instagram

 

 

 

 

 

 

 

 

 

 

 

A post shared by Rainbowmedia (@rainbowmediaoninsta)