തമിഴ് സൂപ്പര്‍താരം അജിത്ത് കുമാറിനെ നായകനാക്കി ആധിക് രവിചന്ദ്രന്‍ സംവിധാനം ചെയ്യുന്ന പുതിയ ചിത്രം 'ഡെയര്‍ ഡെവിള്‍' പൂജ ചടങ്ങുകളോടെ ചെന്നൈയില്‍ ആരംഭിച്ചു. അജിത്തിന്റെ ഭാര്യയും മുന്‍ നടിയുമായ ശാലിനി നിര്‍മ്മാണ രംഗത്തേക്ക് കടന്നുവരുന്ന 'ബ്രേവ് ഹാര്‍ട്സ് പ്രൊഡക്ഷന്‍ എല്‍.എല്‍.പി' ആണ് ചിത്രം നിര്‍മ്മിക്കുന്നത്. ചെന്നൈയില്‍ നടന്ന പൂജ ചടങ്ങില്‍ അജിത്ത് കുമാര്‍ പങ്കെടുത്തിരുന്നില്ലെങ്കിലും ശാലിനിയുടെ സാന്നിധ്യം ശ്രദ്ധേയമായി. സംഗീത സംവിധായകന്‍ അനിരുദ്ധ് രവിചന്ദര്‍ ആണ് ഈ ചിത്രത്തിനായി ഗാനങ്ങള്‍ ഒരുക്കുന്നത്.
മലയാള താരം ഉണ്ണി മുകുന്ദനും തെലുങ്ക് നടി ശ്രീലീലയും ചിത്രത്തില്‍ പ്രധാന വേഷങ്ങളില്‍ എത്തുന്നു എന്നത് ആരാധകര്‍ക്ക് വലിയ ആവേശമാണ് നല്‍കുന്നത്. ഇവരെക്കൂടാതെ പ്രമുഖ താരങ്ങളായ പാര്‍ത്ഥിപന്‍, റെഡിന്‍ കിങ്സ്ലി, സുനില്‍, പ്രഭു എന്നിവരും ചിത്രത്തില്‍ പ്രധാന വേഷങ്ങളില്‍ അഭിനയിക്കുന്നുണ്ട്. 'മാര്‍ക്കോ' എന്ന ചിത്രത്തിലെ പ്രകടനത്തിന് ശേഷം ഉണ്ണി മുകുന്ദന്‍ തമിഴില്‍ എത്തുന്ന ഈ ചിത്രം ഏറെ പ്രതീക്ഷ നല്‍കുന്നതാണ്. നേരത്തെ മോഹന്‍ലാലിനായി മാറ്റിവെച്ച വില്ലന്‍ വേഷമാണ് ഉണ്ണി മുകുന്ദന്‍ ചെയ്യുന്നതെന്നാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്.
ഉണ്ണി മുകുന്ദന്‍ അഭിനയിക്കുന്ന നാലാമത്തെ തമിഴ് ചിത്രമാണിത്. 'സീഡന്‍', 'ഭാഗമതി', 'ഗരുഡന്‍' എന്നീ ചിത്രങ്ങള്‍ക്ക് ശേഷമാണ് ഉണ്ണി മുകുന്ദന്‍ വീണ്ടും തമിഴ് സിനിമയുടെ ഭാഗമാകുന്നത്. നടി ശ്രീലീലയുടെ മൂന്നാമത്തെ തമിഴ് ചിത്രമാണ് 'ഡെയര്‍ ഡെവിള്‍'. 2026-ല്‍ പുറത്തിറങ്ങിയ 'പരാശക്തി', 'ഓ (OM)' എന്നീ ചിത്രങ്ങള്‍ക്ക് ശേഷമാണ് ശ്രീലീല അജിത്തിനൊപ്പം അഭിനയിക്കാന്‍ കരാറിലായത്.
പ്രമുഖ താരനിര ഒന്നിക്കുന്നതിനാല്‍ തമിഴകത്ത് ചിത്രം വലിയ ചര്‍ച്ചയായിട്ടുണ്ട്. 2025-ല്‍ പുറത്തിറങ്ങി വന്‍ വിജയം നേടിയ 'ഗുഡ് ബാഡ് അഗ്ലി' എന്ന ചിത്രത്തിന് ശേഷം അജിത്തും ആധിക് രവിചന്ദ്രനും വീണ്ടും ഒന്നിക്കുന്ന ചിത്രമാണിത്. ബോക്സ് ഓഫീസില്‍ 248 കോടിയിലധികം രൂപ വാരിയ 'ഗുഡ് ബാഡ് അഗ്ലി' അജിത്തിന്റെ കരിയറിലെ ഏറ്റവും വലിയ കളക്ഷന്‍ നേടിയ ചിത്രമായിരുന്നു.
അജിത്ത് നായകനായ 'വിടാമുയര്‍ച്ചി' എന്ന ചിത്രവും കഴിഞ്ഞ വര്‍ഷമാണ് തിയേറ്ററുകളില്‍ എത്തിയത്. അതിനുശേഷം റേസിങ് രംഗത്ത് സജീവമായിരുന്ന അജിത്ത് വീണ്ടും ക്യാമറയ്ക്ക് മുന്നിലേക്ക് തിരിച്ചെത്തുകയാണ്. 'അജിത്ത് കുമാര്‍ റേസിങ്' എന്ന സ്വന്തം ടീമുമായി 'ലെ മാന്‍സ്' ഉള്‍പ്പെടെയുള്ള പ്രമുഖ കാറോട്ട മത്സരങ്ങളില്‍ താരം സജീവമായിരുന്നു.
കാറോട്ട രംഗത്തേക്കുള്ള അദ്ദേഹത്തിന്റെ തിരിച്ചുവരവ് ആസ്പദമാക്കി എ.എല്‍ വിജയ് തയ്യാറാക്കിയ ഡോക്യുമെന്ററി 'ഗ്ലാഡിയേറ്റേഴ്സ്' ഉടന്‍ തിയേറ്ററുകളില്‍ എത്തും. റേസിങ് തിരക്കുകള്‍ക്ക് ശേഷം താരം വീണ്ടും സിനിമയില്‍ സജീവമാകുന്നത് ആരാധകര്‍ക്ക് വലിയ സന്തോഷം നല്‍കുന്നു. നവംബര്‍ ഒന്നിന് ആരംഭിച്ച 'ഡെയര്‍ ഡെവിള്‍' ചിത്രീകരണം വരും ദിവസങ്ങളില്‍ കൂടുതല്‍ വേഗത്തിലാകും.
Premium Lifestyle and Entertainment website
ഒന്ന് ചിരിക്കുവെന്ന് മോഹന്‍ലാല്‍; ചിരിക്കാന്‍ പറ്റിയ സമയമെന്ന് നേഹയും; എല്ലാത്തിന്റെയും മുകളില്‍ ആനന്ദം എന്നാ പറയുകയെന്നും മോഹന്‍ ലാല്‍; നേഹ-രക്ഷിതാക്കള്‍ സംസാരത്തിന് പിന്നാലെ മത്സരാര്‍ത്ഥിയെ ആശ്വസിപ്പിക്കാന്‍ ശ്രമിച്ച് മോഹന്‍ലാല്‍; പ്രതികരിക്കാതെ നേഹ
പെറ്റ് സ്‌കാന്‍ റിപ്പോര്‍ട്ട് കിട്ടി; ഇന്ന് നേരിട്ട് ഡോക്ടറെ കാണും; എല്ലാം നോര്‍മല്‍ ആയിട്ടാണ് വന്നിരിക്കുന്നത്; പ്രാര്‍ത്ഥിച്ച എല്ലാവര്‍ക്കും നന്ദി ' ; ആരോഗ്യവിവരം പങ്കുവെച്ച് രേണു സുധി