ഒരു രൂപപോലും അനാവശ്യമായി ചിലവഴിക്കഴിക്കില്ല;ജ്യൂസ് കുടിക്കാനോ ഫുഡ് കഴിക്കാനോ പൈസ ചിലവാക്കില്ല;ഡ്രസ്സ് വരെ എടുത്ത് കൊടുക്കുന്നത് താന്‍; പണം ഉണ്ടെങ്കിലും ഇല്ലെങ്കിലും ഉള്ള അവസ്ഥ ചെറുപ്പത്തിലെ  പഠിച്ചു;മകനെ നിയന്ത്രിക്കാറില്ല; മനസ്സ് തുറന്ന് അല്‍സാബിത്തും അമ്മ ബീനയും 

ഉപ്പും മുളകിലെയും ചെറിയ പയ്യാനായി വന്ന് മലയാളികളുടെ മനസ്സ് കീഴടക്കിയ താരമാണ് അല്‍ സാബിത്ത്. കേശു എന്ന കഥാപാത്രത്തിലൂടെ ഗംഭീര പ്രകടനമാണ് നടന്‍ കാഴ്ചവച്ചത്. പിന്നീട് സിനിമകളിലും ചെറുതും വലുതുമായ കഥാപാത്രങ്ങളെ അവതരിപ്പിച്ച് നടന്‍ ശ്രദ്ധേയനായി. എന്നാല്‍ വ്യക്തിജീവിതത്തിലെ അല്‍ സാബിത്തിന്റെ നേട്ടങ്ങളാണ് പ്രശംസനീയം.

അമ്മ മാത്രമുള്ള കുടുംബത്തിന്റെ കൈത്താങ്ങായി നിന്നത് താരം ആയിരുന്നു. ജപ്തി ഭീഷണി നിന്ന വീട് തിരികെ പിടിക്കുകയും ലക്ഷങ്ങളുടെ കടം വീട്ടുകയുമൊക്കെ ചെയ്തു. കൈവിട്ടു പോയ ജീവിതം തിരിച്ചു പിടിച്ചതിന്റെ സന്തോഷത്തിലാണ് നടനും അമ്മയുമിപ്പോള്‍.താന്‍ മകനെ അമിതമായി നിയന്ത്രിക്കുന്ന അമ്മയല്ലെന്ന് ബീന വ്യക്തമാക്കി. 

മകന് ഇഷ്ടമുള്ളിടത്തേക്ക് പോകാനുള്ള സ്വാതന്ത്ര്യം താന്‍ നല്‍കിയിട്ടുണ്ടെന്നും, സിനിമ കാണാന്‍ പോകുന്നുണ്ടെങ്കില്‍ അതിനും അനുവാദം നല്‍കാറുണ്ടെന്നും അവര്‍ പറഞ്ഞു. എന്നാല്‍, തന്റെ ഇഷ്ട്ടങ്ങള്‍ക്കും അഭിപ്രായങ്ങള്‍ക്കും പ്രാധാന്യം നല്‍കി, സിനിമയ്ക്ക് പോകാന്‍ കൂട്ടാക്കാത്ത സന്ദര്‍ഭങ്ങളുണ്ടെന്നും ബീന സൂചിപ്പിച്ചു. 

അല്‍സാബിത്ത് തന്റെ 'ബെസ്റ്റ് ഫ്രണ്ട്' ആണെന്ന് പറഞ്ഞ താരം, തങ്ങളോടൊന്നും മറച്ചുവെക്കാതെ എല്ലാം തുറന്നുപറയുന്ന സ്വഭാവക്കാരനാണെന്നും അഭിമുഖത്തില്‍ വെളിപ്പെടുത്തി. തന്റെ മകനെക്കുറിച്ച് പല പെണ്‍കുട്ടികള്‍ക്കും പല ധാരണകളുണ്ടെന്നും, അവന്‍ അഹങ്കാരിയാണോ അതോ അഭിനയം കൊണ്ട് മാത്രം സംസാരിക്കാന്‍ മടിക്കുന്നയാളാണോ എന്നൊക്കെ അവര്‍ ചിന്തിക്കാറുണ്ടെന്നും ബീന കൂട്ടിച്ചേര്‍ത്തു. 

എന്നാല്‍, അല്‍സാബിത്ത് വളരെ സൗഹൃദപരമായ പെരുമാറ്റക്കാരനാണെന്നും, തന്നോട് എന്തും തുറന്നുപറയാന്‍ മടിയില്ലാത്ത വ്യക്തിയാണെന്നും അവര്‍ പറഞ്ഞു. മകന് മറ്റേതെങ്കിലും പെണ്‍കുട്ടി 'ഐ ലവ് യു' പറഞ്ഞാല്‍പ്പോലും അത് തന്നോട് പറയാറുണ്ടെന്നും, കൂട്ടുകാരുടെ പ്രണയങ്ങളെക്കുറിച്ചുള്ള വിവരങ്ങളും തന്നെ അറിയിക്കാറുണ്ടെന്നും ബീന വെളിപ്പെടുത്തി

കുട്ടിക്കാലം മുതല്‍ ഒരുപാട് കഷ്ടപ്പാടുകള്‍ കണ്ടും അനുഭവിച്ചും വളര്‍ന്നതുകൊണ്ട് വ്യക്തമായ കാഴ്ചപ്പാടോടെയും ചിട്ടയോടെയുമാണ് അല്‍സാബിത്തിന്റെ ജീവിതം. ഒരു രൂപപോലും അനാവശ്യമായി അല്‍സാബിത്ത് ചിലവഴിക്കാറില്ലെന്ന് അമ്മ പറയുന്നു. നിന്നെ കൊണ്ട് ഒരു ഗുണവും ഇല്ലല്ലോയെന്ന രീതിയില്‍ ഞാന്‍ ഇതുവരേയും മോനോട് സംസാരിച്ചിട്ടില്ല. നീ സ്വന്തം കാലില്‍ നിന്നശേഷം പെണ്ണ് കെട്ടിക്കോയെന്ന ഡയലോഗും പറയാറില്ല. കാരണം അവന്‍ ഇപ്പോള്‍ സ്വന്തം കാലിലാണ് നില്‍ക്കുന്നത്.

കല്യാണം കഴിച്ച് കഴിഞ്ഞാല്‍ നിങ്ങളായി നിങ്ങളുടെ പാടായി നിങ്ങള്‍ ഒരുമിച്ച് ജീവിച്ചോണമെന്ന് അല്‍സാബിത്തിനോട് ഞാന്‍ പറഞ്ഞിട്ടുണ്ട്. കാരണം ഞാന്‍ വേറെ വീട്ടിലേക്ക് മാറി താമസിക്കും. എപ്പോള്‍ എന്നെ കാണാന്‍ വരണമെന്ന് തോന്നുന്നുവോ അപ്പോള്‍ വരാം. എനിക്ക് അവരെ കാണണമെന്ന് തോന്നുമ്പോള്‍ അങ്ങോട്ടും ഞാന്‍ ചെല്ലും. അവര്‍ക്ക് അവരുടെ ലൈഫ്.

എനിക്ക് എന്റെ ലൈഫ്. ഇഷ്ടം ഇല്ലാത്തതുകൊണ്ടല്ല അങ്ങനെ ചെയ്യുന്നത്. ഇഷ്ടം കൂടുതലുള്ളതുകൊണ്ടാണ്. ആ പെണ്‍കുട്ടി വേറൊരു ഫാമിലിയില്‍ നിന്നും വരുന്നയാളല്ലേ. ആ കുട്ടിയുടെ സ്വഭാവത്തിന് അനുസരിച്ച് നമുക്ക് ചിലപ്പോള്‍ മാറാന്‍ പറ്റണമെന്നില്ല. നമ്മുടെ സ്വഭാവം അനുസരിച്ച് ആ കുട്ടിക്ക് മാറാന്‍ പറ്റണമെന്നില്ല. മിംഗിളായി വരാന്‍ തന്നെ കുറച്ചുനാള്‍ പിടിക്കും.

ഭാര്യയും ഭര്‍ത്താവും മാത്രം ആകുമ്പോള്‍ പെട്ടന്ന് മിം?ഗിളായി അവരുടെ ഇഷ്ടങ്ങളെ ജോയിന്‍ ചെയ്യും. അവരുടെ ഒപ്പം അച്ഛനും അമ്മയും ഉണ്ടെങ്കില്‍ അതിന് കുറേ സമയം പിടിക്കും. അതുകൊണ്ട് പ്രശ്‌നങ്ങള്‍ ഉണ്ടാക്കും. അതിനിടയില്‍ കിടന്ന് ആ വീട്ടിലെ ആണ്‍കുട്ടി അനുഭവിക്കേണ്ടി വരും. ഞാന്‍ സിം?ഗിള്‍ പാരന്റല്ലേ. അതുകൊണ്ട് പൊസസീവ്‌നെസ് കൂടും. ഡ്രസ്സ് വരെ ഞാനാണ് അല്‍സാബിത്തിന് എടുത്ത് കൊടുക്കുന്നത്.

അതൊക്കെ ഒരുമിച്ച് നിന്നാല്‍ ദാമ്പത്യത്തെ ബാധിക്കും അമ്മ ബീന പറഞ്ഞു. അല്‍സാബിത്തിന്റെ മെച്യൂരിറ്റിക്ക് കാരണം അവന്റെ അനുഭവങ്ങളാണ്. ഒമ്പത് വയസില്‍ വീട് ജപ്തിയായി പോകുന്ന അവസ്ഥ അവന്‍ അറിഞ്ഞതാണ്. അത് ഒരു സാധാരണ കുട്ടി അറിയാന്‍ സാധ്യതയില്ല. എല്ലാ കുട്ടികള്‍ക്കും വീടിന്റെ ലോണിനെ കുറിച്ച് അറിയണമെന്നില്ല.

പണം ഉണ്ടെങ്കിലും ഇല്ലെങ്കിലും ഉള്ള അവസ്ഥ ചെറുപ്പത്തിലെ അവന്‍ പഠിച്ചു. അങ്ങനെയാണ് അവന് മെച്യൂരിറ്റി വന്നത്. ഷൂട്ട് കഴിഞ്ഞ് വീട്ടിലേക്ക് വരുമ്പോള്‍ അല്‍സാബിത്ത് എന്നെ വിളിച്ച് ചോദിക്കുന്നത് പണി കഴിഞ്ഞ് വീട്ടിലേക്ക് പോകുന്ന ആളുകള്‍ ചോ?ദിക്കുന്നത് പോലെയാണ്.

അല്‍സാബിത്തിന് നല്ല പിശുക്കുണ്ട്. അവന്റെ കയ്യില്‍ പൈസ കൊടുത്താല്‍ അത് അവിടെ ഇരിക്കും. ജ്യൂസ് കുടിക്കാനോ ഫുഡ് കഴിക്കാനോ ഒന്നും പൈസ ചിലവാക്കില്ല. എന്റെ കാര്യത്തില്‍ അവന് പിശുക്കില്ല. ചിലവഴിക്കുന്നതിന് ഒന്നും പറയാറില്ല. ഇത്രയും കാലം സമ്പാദിച്ച പൈസ എന്ത് ചെയ്തുവെന്ന് അവന് കൃത്യമായി അറിയാം. കാരണം അഭിനയിച്ച പണം വരുമ്പോള്‍ എന്തിനൊക്കെ ഉപയോഗിച്ചുവെന്ന് അവനോട് ഞാന്‍ കൃത്യമായി പറയും.

നിന്റെ അമ്മ ഈ പൈസ എല്ലാം ലാവിഷാക്കി കളയുകയാണോയെന്ന് ചോ?ദിക്കുന്നവരുണ്ട്. കുട്ടികളുടെ മനസില്‍ നെ?ഗറ്റിവിറ്റി കുത്തികയറ്റാന്‍ ശ്രമിക്കുന്നവരുണ്ടെന്നും ബീന പറയുന്നു. ഉപ്പും മുളകിലേക്ക് ബിജു സോപാനം തിരികെ വരാന്‍ സാധ്യതയുണ്ടോയെന്ന ചോദ്യത്തിന് ഒരു കേസ് കിടക്കുമ്പോള്‍ ആ കേസ് പൂര്‍ത്തിയായാല്‍ മാത്രമെ അദ്ദേഹത്തിന് ഉപ്പും മുളകിലേക്ക് തിരികെ വരാന്‍ പറ്റൂ എന്നായിരുന്നു അല്‍സാബിന്റെ മറുപടി.