മുഖസൗന്ദര്യത്തിനും മുടിയ്ക്കും ചര്‍മത്തിനും എല്ലാവരും ഏറെ ശ്രദ്ധ കൊടുക്കാറുണ്ട്. എന്നാല്‍ പലപ്പോഴും നമ്മള്‍ അവഗണിക്കുന്നത് കാല്പാദങ്ങളാണ്. ദിവസവും പൊടിപടലങ്ങളിലും അഴുക്കിലും കൂടുതല്‍ സമയം ചെലവഴിക്കുന്ന ഭാഗമായതിനാല്‍ കാലുകളുടെ ആരോഗ്യം നഷ്ടപ്പെടാനും സൗന്ദര്യം മങ്ങിയുപോകാനും ഇടയാകുന്നു. അതിനാല്‍ കാല്പാദങ്ങള്‍ക്ക് പ്രത്യേക പരിചരണം നല്‍കുന്നത് അത്യാവശ്യമാണ്. അതും ബ്യൂട്ടി പാര്‍ലറുകളെ ആശ്രയിക്കാതെ വീട്ടില്‍ത്തന്നെ തയ്യാറാക്കാവുന്ന ചില ലളിതമായ ഫുട് മാസ്‌ക്കുകള്‍ ഉപയോഗിച്ചാലേ മതിയാകൂ.
1. തേനും വെളിച്ചെണ്ണയും ചേര്‍ന്ന മാസ്‌ക്
രണ്ട് ടേബിള്‍സ്പൂണ്‍ തേന്‍ എടുത്ത് അതിലേയ്ക്ക് ഒരു ടേബിള്‍ സ്പൂണ്‍ വെളിച്ചെണ്ണ ചേര്‍ത്ത് നല്ലപോലെ കലക്കുക. കഴുകി വൃത്തിയാക്കിയ കാല്പാദങ്ങളില്‍ പുരട്ടി, വിണ്ടുപൊട്ടിയ ഭാഗങ്ങളില്‍ പ്രത്യേകം ശ്രദ്ധിക്കുക. ശേഷം സോക്സ് ധരിക്കുകയോ മൂടിവെയ്ക്കുകയോ ചെയ്താല്‍ നല്ലതാണ്. 15 മിനിറ്റിന് ശേഷം ചെറുചൂടുവെള്ളത്തില്‍ കഴുകി കളയുക. തേന്‍ ചര്‍മത്തിലെ ഈര്‍പ്പം നിലനിര്‍ത്തും, വെളിച്ചെണ്ണ ചര്‍മത്തെ മൃദുവാക്കും. വരണ്ട കാലുകള്‍ക്കു മികച്ച പരിചരണമാണ് ഇത്.
2. ഓട്സ്‌തൈര് മാസ്‌ക്
കാല്‍ കപ്പ് ഓട്സ് പൊടിച്ച് അതിലേക്ക് ആവശ്യത്തിന് തൈരും രണ്ട് ടേബിള്‍സ്പൂണ്‍ തേനും ചേര്‍ക്കുക. കാലില്‍ പുരട്ടി 15 മിനിറ്റ് കഴിഞ്ഞ് കഴുകി കളയുക. ഓട്സ് ചര്‍മത്തെ ശാന്തമാക്കുകയും വീക്കം കുറയ്ക്കുകയും ചെയ്യും. തൈരും തേനും ചര്‍മത്തെ പോഷിപ്പിച്ച് മൃദുവാക്കും.
3. ബേക്കിങ് സോഡഒലിവ് ഓയില്‍ മാസ്‌ക്
രണ്ട് ടേബിള്‍സ്പൂണ്‍ ബേക്കിങ് സോഡയിലും ഒരു ടേബിള്‍ സ്പൂണ്‍ ഒലിവ് ഓയിലും ചേര്‍ത്ത് പേസ്റ്റ് ഉണ്ടാക്കുക. ഇത് കാലില്‍ പുരട്ടി കുറച്ച് നേരം മൃദുവായി മസാജ് ചെയ്യുക. 10 മിനിറ്റിന് ശേഷം കഴുകി, മോയ്സ്ചറൈസര്‍ പുരട്ടുക. ബേക്കിങ് സോഡ മരിച്ച ചര്‍മകോശങ്ങള്‍ നീക്കം ചെയ്യും. ഒലിവ് ഓയില്‍ ചര്‍മത്തെ പോഷിപ്പിച്ച് വരണ്ടത് കുറയ്ക്കും.
4. വെള്ളരിക്കകറ്റാര്‍വാഴ മാസ്‌ക്
പകുതി വെള്ളരിക്ക അരച്ചെടുത്ത്, രണ്ട് ടേബിള്‍സ്പൂണ്‍ കറ്റാര്‍വാഴ ജെല്‍ ചേര്‍ത്ത് കലക്കുക. കാലില്‍ പുരട്ടി 10 മിനിറ്റിന് ശേഷം കഴുകിക്കളയുക. വെള്ളരിക്ക ചര്‍മത്തിന് തണുപ്പ് നല്‍കും, കറ്റാര്‍വാഴ ചര്‍മത്തെ പുതുക്കി ആരോഗ്യകരമാക്കും.
ശ്രദ്ധിക്കേണ്ട കാര്യങ്ങള്‍
കാലുകള്‍ കഴുകിയതിന് ശേഷം മോയ്സ്ചറൈസര്‍ നിര്‍ബന്ധമായും ഉപയോഗിക്കുക.
ദിവസവും കുറച്ച് സമയം കാലുകള്‍ക്ക് മസാജ് കൊടുക്കാന്‍ ശ്രമിക്കുക.
പുറത്തു പോകുമ്പോള്‍ കാല്പാദങ്ങളിലും സണ്‍സ്‌ക്രീന്‍ പുരട്ടുക.
ചര്‍മം കരുത്തുള്ള ഭാഗമാണെന്നു കരുതി അതിയായി ഉരച്ചു കഴുകുന്നത് ഒഴിവാക്കണം.
ഇങ്ങനെ വീട്ടില്‍ തന്നെ തയ്യാറാക്കാവുന്ന ഫുട് മാസ്‌ക്കുകള്‍ സ്ഥിരമായി പ്രയോഗിച്ചാല്‍ കാലുകള്‍ ആരോഗ്യത്തോടെയും ഭംഗിയോടെയും നിലനിര്‍ത്താം.
Premium Lifestyle and Entertainment website
സിനിമ കാണ്ട് ഇറങ്ങിയതിന് പിന്നാലെ നിറകണ്ണുകളോടെ അര്‍ജുന്‍; തിയറ്ററുകളില്‍ കുതിപ്പ് തുടരുകയാണ് അര്‍ജുന്‍ അശോകന്‍ നായകനായ 'തലവര'
ട്രെയിന്‍ യാത്രക്കാരുടെ ബാഗേജിന് ഇനി കര്‍ശന നിയന്ത്രണം വരുന്നു
ചിയ വിത്തുകളുടെ അത്ഭുത ഗുണങ്ങള്‍
ഓണം സ്‌പെഷ്യല്‍ ശര്‍ക്കര വരട്ടി ഉണ്ടാക്കിയാലോ? 
കട്ടിങ് ബോര്‍ഡ് തിരഞ്ഞെടുക്കുമ്പോള്‍ ശ്രദ്ധിക്കേണ്ട കാര്യങ്ങള്‍