ഹോമങ്ങളും അതിന്റെ പ്രധാനപ്പെട്ട പുണ്യഫലങ്ങളും

നിരവധി പ്രശ്നങ്ങളാണ് നാം നിത്യജീവിതത്തിൽ നാം നേരിടുന്നത്. ജീവിതത്തിൽ നേരിടുന്ന പലപ്രശ്നങ്ങൾക്കും പരിഹാരമായി ചില വൈദീകകര്‍മ്മങ്ങളും വിധിച്ചിട്ടുണ്ട്. പ്രശ്‌നപരിഹാരത്തിന് ഏറെ പ്രധാനപ്പെട്ട ഒന്നാണ് ഹോമം. പ്രധാനഹോമങ്ങളും  അതിന്റെ പുണ്യഫലങ്ങളും എന്തൊക്കെയാണ് എന്ന് നോക്കാം. 

ഗണപതിഹോമം :-  ഗണപതിഹോമം  നടത്തിയാല്‍ പുതിയ വീട് വച്ച്‌ താമസിക്കുക, തൊഴില്‍ സ്ഥാപനം തുടങ്ങുക, പുതിയ പദ്ധതികള്‍ ആരംഭിക്കുക തുടങ്ങിയ എല്ലാ മംഗളകര്‍മ്മങ്ങള്‍ക്കും മുന്നോടിയായി ഉണ്ടാകുന്ന  തടസ്സങ്ങള്‍ മാറികിട്ടുകയും കാര്യങ്ങൾ ശുഭമായി അവസാനിക്കുകയും ചെയ്‌തു. വിഘ്‌നേശ്വരനെ പ്രീതിപ്പെടുത്തുക എന്നതാണ് സര്‍വ്വവിഘ്‌നങ്ങള്‍ക്കും പരിഹാരം. 

ലക്ഷ്മികുബേരഹോമം :-   മഹാലക്ഷ്മിയെ നാം സമ്പത്തിന്റെ ദേവതയായിട്ടാണ് നാം കാണാറുള്ളത്.  ഒരു പരിധിവരെ സാമ്പത്തിക  അഭിവൃദ്ധിയും ക്ഷേമൈശ്വര്യങ്ങളും ലക്ഷ്മികുബേരഹോമം നടത്തിയാല്‍ അനുഭവഫലങ്ങളാകും.

സുദര്‍ശനഹോമം :-  ഏതൊരു വ്യക്തിക്കും ചില ലക്ഷ്യങ്ങളും ആശങ്കകളുമുണ്ടായാൽ അവ ഇല്ലാതാക്കാൻ വേണ്ടിയാണ്  സുദര്‍ശനഹോമം നടത്തുന്നത്.

മൃത്യുഞ്ജയഹോമം :  മരണഭയത്തില്‍ നിന്ന്  ശിവനെ പ്രീതിപ്പെടുത്തി മോചനം നേടി സമാധാനത്തോടെയും ദീര്‍ഘായുസ്സോടെയും ജീവിക്കാന്‍ ചെയ്യുന്ന  മൃത്യുഞ്ജയഹോമം ആണ് ഇത്. 

നവഗ്രഹഹോമം :-  കാലദോഷപരിഹാരമായി നവഗ്രഹഹോമം നടത്തി രോഗാദി ദുരിതങ്ങളില്‍ നിന്ന് ശാന്തി നേടാൻ  നവഗ്രഹങ്ങളെ പ്രീതിപ്പെടുത്തുന്നു.

ആയുര്‍ഹോമം :- ദീര്‍ഘായുസ്സിനുവേണ്ടിയാണ് ആയുര്‍ഹോമം നടത്തുന്നത് .

സ്വയംവരഹോമം :- നല്ല ദാമ്ബത്യജീവിതം നയിക്കുവാനും വിവാഹതടസ്സങ്ങള്‍ നീങ്ങുവാനും  വേണ്ടി ശ്രീപാര്‍വ്വതീപരമേശ്വരന്മാരെ പ്രീതിപ്പെടുത്താനായിട്ടാണ്  ഈ ഹോമം നടത്തുന്നത്. 

ചണ്ഡികാഹോമം :-  ചണ്ഡികാഹോമം ജീവിതപാതയിലെ തടസ്സങ്ങളെയും ശത്രുക്കളെയും നീക്കുവാനായി നടത്തുന്നു.

ഐക്യമത്യഹോമം :-  കുടുംബാംഗങ്ങള്‍ക്ക്  അഭിപ്രായഭിന്നതകളും കുടുംബകലഹങ്ങളും അകറ്റി ഐക്യവും ശാന്തിയും  പുരോഗതിയുമുണ്ടാകാനായി   ഐക്യമത്യഹോമം നടത്തപ്പെടുന്നു.