കണ്ണൂർ ബിരിയാണി

ഏവർക്കും പ്രിയപ്പെട്ട ഒരു വിഭവമാണ് ബിരിയാണി. പലതരം ബിരിയാനികൾ നമുക്ക് സുപരിചിതമാണ്. എന്നാൽ വളരെ രുചികരമായ രീതിയിൽ എങ്ങനെ കണ്ണൂർ ബിരിയാണി തയ്യാറാക്കാം എന്ന് നോക്കാം 

അരി കൈമ- 2 കപ്പ്
വെള്ളം - 3 കപ്പ്
നെയ്യ് - 3 ടേ.സ്പൂൺ
ഉപ്പ് - പാകത്തീന്
സവാള - 2 എണ്ണം
ഗരം മസാല -1 ടീ.സ്പൂൺ (പൊടിക്കാതെ)
ചിക്കൻ മസാല
ചിക്കൻ - 1 കിലോ
സവാള - 6
റ്റുമാറ്റൊ - 3
ഇഞ്ചിവെളുത്തുള്ളി - 2 ടേ.സ്പൂൺ (അരച്ചത്)
പച്ചമുളക് - 10
മല്ലിയില/പുതിന ഇല ആവശ്യത്തിന്
നാരങ്ങ - 1
ഗരംമസാല - 2 ടേ.സ്പൂൺ
ഉപ്പ് പാകത്തിന്
റോസ് വാട്ടർ/കുങ്കുമപ്പൂവ് - 2 ടേ.സ്പൂൺ (റോസ് വാട്ടറിൽ1 ടീ.സ്പൂൺ കുങ്കുമപ്പൂവ് കലക്കിവെക്കുക. സവാള അരിഞ്ഞതിൽ നിന്ന് ഒരു പിടി എടുത്ത്, വറുത്ത് മാറ്റിവെക്കുക. ബിരിയാണിക്കുമുകളിൽ വിതറാനായി.)
ഒരു കടായിയിൽ നെയ്യ് ചൂടാക്കി, ആദ്യം മുഴുവനെയുള്ള ഗരം മസാലകൾ വഴറ്റി അതിലേക്ക് സവാളയും ഇട്ട് വഴറ്റുക. 5 മിനിട്ടുകഴിഞ്ഞ് കഴുകിവച്ചിരിക്കുന്ന അരിയും ചേർത്ത്, ചെറിയതീയിൽ വഴറ്റുക. അതേസമയം, തിളക്കുന്ന 3 കപ്പ് വെള്ളവും ഉപ്പും ചേർത്ത് ഏറ്റവും ചെറിയ തീയിൽ വേകാൻ വെക്കുക. വെന്തു പാകമായൽ ഇറക്കി അടച്ചുവെക്കുക.
ചിക്കൻ മസാല
ഒരു ചീനച്ചട്ടിയിൽ എണ്ണ ഒഴിച്ച്, സവാള കനംകുറച്ചരിഞ്ഞത് ബ്രൗൺ നിറം ആകുന്നിടം വരെ വഴറ്റുക. അതിലേക്ക് പച്ചമുളക് ചതച്ചതും ചേർത്ത് വഴറ്റുക. അതിലേക്ക് എണ്ണതെളിഞ്ഞു കഴിഞ്ഞാൽ റ്റുമറ്റൊയും ചേർത്ത് വീണ്ടും വഴറ്റുക. ഈ സമയത്ത് ചിക്കൻ കഷണങ്ങളും, കൂടെ പുതിനയും മല്ലിയിലയും ചേർത്ത് വഴറ്റുക. ചിക്കൻ മൂടിവച്ച് പകുതിവേവാകുമ്പോൾ അതിലേക്ക് നാരങ്ങനീരും, ഗരം മസാലയും ചേർത്തു വീണ്ടും അടച്ചുവച്ച് വേവിക്കുക. ഒരു സ്‌പെഷ്യൽ രുചിക്കായി ഒരു സ്പൂൺ തേങ്ങയും,1 സ്പൂൺ തൈരും അരച്ചു ചേക്കാറുണ്ട്, ചിക്കൻ വെന്തുകഴിഞ്ഞിട്ട്. ഇതിൽ വേവിക്കാനായി വെള്ളം ചേർക്കുന്നില്ല എന്നത് പ്രത്യേകം ശ്രദ്ധിക്കുക.
ദം
അടിവശം കട്ടിയുള്ള ഒരു പാത്രത്തിൽ ആദ്യം അല്പം നെയ് തൂകിയതിനുശേഷം മസാല നിരത്തുക, പിന്നീട് വേവിച്ച ചേറ് അതിനുമുകളിൽ അല്പം നാരങ്ങാനീരും, ഗരം മസാലപൊടിയും തൂകുകയും, മല്ലിയിലയും ഇടക്ക് ഇട്ടുകൊടുക്കുകയും വേണം. ചോറും മസാലയും തീരുന്നതുവരെ ലെയർ ചെയ്യുക. റോസ് വാട്ടറും കുങ്കുമപ്പൂവും എറ്റവും മുകളിൽ തൂവുക. ശേഷം വറുത്തുവച്ചിരിക്കുന്ന അല്പം സവാളയും തൂകി. പാത്രം അടച്ച്, ഒരു ചപ്പാത്തി തവക്കുമുളിൽ വച്ച് ദം ഇടുക. ഒരു പതിനഞ്ചു മിനിട്ട് വച്ചതിശേഷം, പപ്പടവും സാലഡും ചേർത്തു കഴിക്കാം.