നടി മാത്രമല്ല നര്ത്തകി കൂടിയാണ് ഷംന കാസിം. പല സ്റ്റേജ് ഷോകളിലും ക്ലാസിക്, സിനിമാറ്റിക് നൃത്തങ്ങള് അവതരിപ്പിച്ച് താരം കയ്യടി നേടാറുമുണ്ട്. ഡാന്സ് റിയാലിറ്റി ഷോയിലൂടെയാണ് ഷംന കാസിം മലയാളിമനസ്സുകളില് ചേക്കേറിയത്. സ്റ്റേഷ് ഷോകളില് സജീവമായ താരം ഒരിടവേളക്ക് ശേഷം മലയാളസിനിമയിലും സജീവമായിരിക്കുകയാണ്. കുട്ടനാടന് ബ്ലോഗ്, മധുരരാജ എന്നീ ചിത്രങ്ങളിലൂടെ ഗംഭീര തിരിച്ചു വരവാണ് നടത്തിയത്.
തിരിച്ചു വരവില് ഗംഭീര മേക്ക് ഓവറാണ് ഷംനയ്ക്ക് ഉണ്ടായത്. ശരീരഭാരം കുറച്ച് വളരെ സുന്ദരിയായ ഷംന ഇപ്പോള് താന് പിന്തുടരുന്ന ഡയറ്റിനെ കുറിച്ചും തുറന്നു പറയുകയാണ്. അടുത്തിടെ വനിതക്ക് നല്കിയ അഭിമുഖത്തിലാണ് തന്റെ ഡയറ്റ് ചാര്ട്ടിനെ കുറിച്ച് ഷംന പറഞ്ഞത്.
5-6 വര്ഷത്തോളം ചെന്നൈ സ്വദേശിയായ ഒരു ഡയറ്റീഷന്റെ മാര്ഗനിര്ദേശത്തോടെയാണ് ഡയറ്റ് ക്രമീകരിച്ചത്. ആവശ്യഘട്ടങ്ങളില് ഡയറ്റീഷന്റെ സഹായം തേടും. 2009-ല് 70 കിലോ ആയിരുന്നു ഭാരം. 2011 ആയപ്പോഴേക്കും അത് 58 ലേക്കു കൊണ്ടു വന്ന് വര്ഷങ്ങളോളം നിലനിര്ത്തി. പിന്നീട് അല്പം വണ്ണം വച്ചു. അടുത്തയിടെ ഒരു ഡയറ്റ് മെയ്ക് ഓവര് ചെയ്തപ്പോഴാണ് എല്ലാവരും ശ്രദ്ധിച്ചത്. ഇപ്പോള് 60 കിലോ ഭാരമുണ്ട്. അത് കൊഴുപ്പല്ല... പേശീഭാരമാണ്. ബോഡി മാസ് ഇന്ഡക്സ് പ്രകാരം 58 കിലോ മതി. ഒന്നിടവിട്ട ദിവസങ്ങളില് 45 മിനിറ്റ് വര്ക്ഔട്ട് ചെയ്യാറുണ്ടെന്നും നടി പറയുന്നു.
വീട്ടിലുള്ളപ്പോള് മമ്മി ഉണ്ടാക്കുന്നതു കഴിക്കും. പാലും കുടിക്കാറുണ്ട്. ഷൂട്ടിങ് ദിവസങ്ങളില് തിങ്കള് മുതല് വെള്ളി വരെ ഡയറ്റ് ചെയ്യും. ശനിയാഴ്ച രാവിലെ നല്ലൊരു ബ്രേക് ഫാസ്റ്റ് കഴിക്കും. ഡയറ്റിങ് തുടരും. ഞായറാഴ്ച നല്ലൊരു ലഞ്ച് കഴിക്കും. രാവിലെ വെറും വയറ്റില് നാരങ്ങാവെള്ളം കുടിക്കും. ഇളംചൂടുവെള്ളത്തില് നാരങ്ങാ നീരു ചേര്ത്താണ് ഇതു തയാറാക്കുന്നത്. പഞ്ചസാര ചേര്ക്കില്ല.
ഡയറ്റ് ദിവസങ്ങളിലെ ബ്രേക്ഫാസ്റ്റില് മുട്ടവെള്ള മൂന്നെണ്ണം കഴിക്കും. ഇതിനൊപ്പം ആപ്പിളോ മാതളനാരങ്ങയോ ഏതെങ്കിലും ഒന്നിന്റെ പകുതി. കൂടെ ഗ്രീന്ടീയും. ചായയും കാപ്പിയും കുടിക്കാറില്ല. ഉച്ച ഭക്ഷണത്തില് സാധാരണ മില്ലറ്റ്സ് ആണ് കഴിക്കാറുള്ളത്. ചപ്പാത്തി എന്റെ ശരീരപ്രകൃതിക്കു ചേരില്ല. ഇടയ്ക്ക് അല്പം കുത്തരിച്ചോറു കഴിക്കും. അതിനൊപ്പം പച്ചക്കറികളും പ്രോട്ടീനും കഴിക്കും. വീട്ടിലാണെങ്കില് ഫിഷ് കഴിക്കും. ഫ്ളാക്സ് സീഡ്സ്, ചിയാ സീഡ്സ് ഇവ കൂടി ആഹാരത്തിനൊപ്പം ചേര്ത്താല് സ്കിന് തിളങ്ങും. ദിവസവും ഒരു ആഹാരത്തിനൊപ്പം ഒരു സ്പൂണ് നെയ് ചേര്ത്തു കഴിക്കാറുണ്ട്.
ഇപ്പോള് മാംസവിഭവങ്ങളോട് തീരെ താല്പര്യമില്ല. ചിക്കന്, ബീഫ് അതൊന്നും കഴിക്കില്ല. രാത്രി പ്രോട്ടീനിനാണു പ്രാധാന്യം-ഫിഷും വെജിറ്റബിള്സും. വൈകിട്ട് ഏഴുമണിക്കു ശേഷം ഒന്നും കഴിക്കില്ല. ഉച്ചയ്ക്കും രാത്രിയിലും പച്ചക്കറികള് കഴിക്കും. ചെറുപയര് മുളപ്പിച്ചത്, നിലക്കടല പുഴുങ്ങിയത്, ഫ്രൂട്ട്സ് ഇതൊക്കെയാണ് സ്നാക്സ്. ഫ്രൂട്ട്സിനൊപ്പം വീട്ടില് തയാറാക്കിയ പീനട്ട് ബട്ടറും കഴിക്കും. മമ്മിയുണ്ടാക്കുന്ന നെയ്മീന് ബിരിയാണിയാണ് പ്രിയ ഭക്ഷണം. ചോക്ലെറ്റിനോട് ഇത്തിരി കൊതി കൂടുതലുണ്ട്.'' - ഷംന പറയുന്നു.
Premium Lifestyle and Entertainment website
'നായകനെക്കാള് ഉയരം കുറവാണെന്ന് തോന്നിക്കാന് കാലുകള് വളച്ചുവെച്ച് നിന്നു'; ആ തരത്തില് വസ്ത്രങ്ങള് ധരിക്കേണ്ടി വന്നു, വേഷങ്ങള് നഷ്ടമായി; സിനിമയില് നേരിട്ട അവഗണനകള് തുറന്നുപറഞ്ഞ് പൂജ ബത്ര
സന്ദേശം' കണ്ട് മാറിയ ജീവിതം; വക്കീല്പ്പണിയും രാഷ്ട്രീയവും ഒരുമിച്ച് കൊണ്ടുപോയത് അതിനുശേഷം; ഇടതുകോട്ടയായ പറവൂര് പിടിച്ചടക്കി തുടക്കം; ഐസക്കിനെ മലര്ത്തിയടിച്ച ലോട്ടറി സംവാദം; ഒറ്റക്ക് വഴിവെട്ടിവന്ന രാഷ്ട്രീയ അത്ഭുതം! കേരള മുഖ്യന് വി ഡി സതീശന് എന്ന റിയല് ഹീറോയുടെ കഥ